殺手列車

都唔係好明畢彼特點解會接啲咁嘅戲, 開頭好多對白, 多到有啲悶, 但係又唔係好知佢講乜, 有作到個大佬最後有出場打, 呢度都加返些少分, 所以最後好睇返些少, 總括3星已經畀到盡

個人覺得套戲不錯，導演無論處理同執行也可以，如果在小說的粉絲角度，這次改編是可以，可以還原小說應有的味道。而導演在執行也上也好。節奏明快之餘又有足夠時間來講好故事。好讓套戲不流於只有場面而沒內涵。其實個故事的確有很深度，大講因果循環，每個角色之間也有因同果的連動，一環扣一環般，而導演在故事描寫上也有利用這點，這方面導演同編劇的確一讚。演繹方面，畢佬的演繹不錯，他這份幽默演繹的確演得不錯，雖然主角光環很大（這樣又是串緊他喪屍末日戰）。但放落這套又沒太大違和感。而技術方面，這套的處理也不俗，無論美術、配樂、動作、幽默串位也處理得不俗。這份偽日本的美術是處理得好，好配合套戲的格調。而配樂的處理也獨到。痴·影·夢·藝 X 的專頁 https://www.facebook.com/ckwunmovie/

電影打鬥場景極酷，帶點狂野、詼諧、暴力及漫畫風格，觀眾感覺幾有趣。可能導演不希望電影流於感觀上的打鬥，電影寸玩霉運命運及襌理，對白有趣，似是而非的道理，幾好玩的電影，不是一般打鬥殺手。

一套有橋有娛樂性嘅天馬行空電影。如題，全片集多種元素，導演成功將各元素平衡地溶為一體，流暢地完成作品。劇情細緻堆砌同交代亦見心思。鏡頭運用同場面設計亦出色及有格調。演員選角同表現亦不俗，尤其畢比特。成功由靚仔小生轉型到實力演員。另外幾個二線小生嘅客串演出亦為電影增加色彩。動作場面頗有成蟲風格，用喺此電影亦很適合。由於此片屬天馬行空，所以好多唔合理嘅細節都變得可以接受，並無影響可觀性，反而覺得有趣。總括全片完成度高，富娛樂性，可以戲院睇！👍PS. 我唸全片都係廠景同CG，應該從來冇去過日本取景。😄

雖然未看過原著小說，而且這是一齣由外國明星領銜主演的西片，但觀乎電影都在日本取材，加入少量日本演員，全片充滿日本風格。.縱觀電影主要場景只是在一列火車上，動作場面幾多幾有美感，多線平行劇情發展都算有娛樂性，但當中有唔少犯駁位；另一方面，戲中多個角色神怪有趣，感情豐富不過思想過於單向，唔夠人性化，而且角色設定流於表面，睇到最後觀眾對角色都唔會有太多認知。.但整體來講，我幾喜歡電影對飄蟲是好運或厄運的詮釋，另外因果循環緊扣每個角色亦寫得幾好。.觀影平台: 高先電影院.IG : andymyf / #AndyMovieReview if

呢套戲由頭到尾都係爽快動作（雖然略為血腥）、搞笑、帶啲卡通味，對白在無厘頭中又引入多少禪意，頗堪玩味。畢彼特扮演殺手叫瓢蟲ladybug ，一開始接任務時就話自己悟道改咗啲臭脾氣，後來啲對白又玄玄哋，話有道牆擋住你，総係有個窗或門做出口，令人覺得佢搞笑中又有少少認真，好少見畢佬演咁嘅戲，幾過癮！另外兩位列車上殺手拍檔檸檬同柑橘，一黑一白（分別由拜仁泰利亨利同阿倫泰勒莊遜飾演），演得十分生動盞鬼，戲份唔少，帶畀大家好多笑料。亦要一提導演大衛雷奇，出身特技人、武指，早年曾在多部動作電影中做畢彼特替身，2014年做導演拍「殺神John Wick」，成績亦有目共睹，本片更可進一步奠定佢動作片導演地位。本片有部分在東京取景，疫情下難以去日本旅遊，嚟睇呢套戲咪當返鄕一行囉，一笑！其實呢套戲幾有娛樂性，值得入場。