黑袋行動

個人覺得套戲是出色，我會形容套戲雖然短，但內涵卻好有味道。的確今次蘇德堡的執行同處理好準，無論在角色塑造、衝突、劇情推進等，均是好手到拿來，個人覺得今次的他，是可重回返他以往高水平時的功架。無疑今套戲並不是依靠用精彩刺激場面來取悅觀眾，而是透過複雜而細緻的文戲處理，好讓觀眾去投入故這個故事，這方面蘇的技巧好高。他在好多位的拿捏好精準，一點也沒多餘。我會形容他可以好好利用到演員高質的演繹，純粹這點已經值得一讚。咁當然，在鏡頭同剪接處理，也大大令套戲的質感有大幅度的提升，其中測謊機的一段最為明顯咁當然白蘭芝同法斯賓特的演繹也是無什麼可挑剔的地方，他們之間的火花得好好，互相昇華之餘，也不會搶到對方應有的光芒。痴·影·夢·藝 X 的專頁 https://www.facebook.com/ckwunmovie/

整體起伏唔係好大，欠缺交代男主角點解好似咩都知咁…還好嘅係有一定故事性，會令你睇埋落去…實屬有趣嘅劇本！

主角係型既！ Chok 住用腦，surprise 過程唔悶但結尾有點畫龍點睛，唔一定要睇佢地上床先完既，值得睇但唔需要太大期望

無諗過收工要用咁多腦細胞睇戲，全劇99%文戲諜戰，但對白精彩絕倫，每位角色嘅對話間互有攻守，真正用對話打緊無聲嘅戰爭。事後諗深一層其實陰謀並唔算得上高明，但你會比每個角色嘅對話間不斷試探、講啲唔講啲、暗喻等等帶節奏，令我對套電影嘅計謀細節理解打左個折扣。不過整體計謀未至於一頭霧水，而且電影開場一早鎖定重點嘅五位角色之一係「內奸」，人物關係較易推理。電影係詭計嘅設計上較為普通，結局收尾都有點兒平淡。對於英文有限公司嘅我黎講，每句字幕都要慢慢leon，理解每個人唇槍舌劍、講每句對白背後嘅意思先係呢套戲好睇之處。而且真係好鍾意睇呢種英式口音，再用優雅嘅態度去做黑暗事情嘅「英國特工」片。

報局不巧妙，人性控制不黑暗，導演沒有營造出壓迫力，驚險鏡頭缺乏，沒點吸引力。平平之作。

感覺好似係低成本製作咁，有推理懸疑成分，但冇緊張刺激感覺，配樂亦冇乜，所以觀影過程冇乜氣氛。電影有密集對白，亦經常提及唔易記嘅人名同人物，要緊釘對白。結局殺科解迷戯亦拍得平淡，牽唔起高潮。