飯戲攻心

佢勁嘅位係打破咗賀歲片就等於要降低要求，唔好理咁多總之笑笑下就100分鐘嘅norm，佢好笑之餘仲有message帶走，導演同編劇（其實係同一個人）功不可沒。

好耐未睇過一套由頭笑到尾，由心笑出黎的香港電影，香港土生土長香港人真係會笑到停唔到！

個人覺得套戲精彩，陳導無論處理同執行也比預期中更佳，無論在人設、故設同角色劇本的處理也比預期中佳。六位主角的處理同互動很出，而同時六位也可以產生出有很大的化學作用，令套戲托得紮實同好睇。陳導自己寫的劇本同故事也是處理得好。可以寫出家的重要性，好多位也動人。所以我覺得這套放在中秋上，比之前賀歲檔期更合適。而場口設計同互動很出，每一場也顯出他的功力，無論是飯桌上，角色在不同房等場口，他的獨到分鏡調動的處理，好讓令觀眾睇得開心同幫到套戲更昇華。而在對白上，他也是處理得好。雕琢得精準，金句狂爆出之餘內涵同趣味性也兼顧到，可以做到同套戲主軸有所首尾呼應。這樣可反映陳導高深的文字造詣。其中我最喜歡家在、爐在、老豆在這一句，這一句已經完全講到這套的中心思想。演繹上，六個主角的演繹也是高，互相之間互動很出，沒上把下把之分。的確在六個中最大驚喜是明禎B，她可以在演可愛之餘，演內心戲也有這樣高度，面對子華神也毫不遜色。PS：在此祝各位中秋節快樂，人人也可以同自己最親的人坐在一起食飯。痴·影·夢·藝 X 的專頁 https://www.facebook.com/ckwunmovie/

仿似六個人表演棟篤笑，對白和故事內容風趣幽默，散發心靈鷄湯效用，電影予人感覺流暢自然舒服。

劇本好笑得黎又窩心，亦好有香港特色。幾位演員演出得好好，尤其係黃子華同女神林明禎。值得同屋企人再看的電影。4.7/5 (94分)

睇咗優先場。單係睇黃子華同張繼聰就已經有三星, 加埋全片輕輕鬆鬆, 絕對係抗疫疲勞嘅香港人減壓之選。知道呢部電影本來係賀歲片, 唸住只係一套熱熱鬧鬧嘅爛片, 點知並非如此。全片有故事有劇情, 而且編排有序, 對白有趣, 令觀眾睇得開懷, 部份觀衆還捧腹大笑。本片不單單係喜劇, 而且亦係一套温情劇。片中有愛情線、兄弟情同家庭線三線同時進行。導演成功處理三線並行, 而且自然流暢, 抵讚！演員方面, 片中各演員表現出色到位。特別一提黃子華。我認為本片係黃子華演出電影中最好嘅一部。片中黃子華並非只係串串貢攪吓笑, 重有好多內心感情戲份, 而黃子華都能 handle 得到, 令我眼前一亮。而黃子華同能演嘅張繼聰同場演出亦能產生不錯既化學作用, 令本片可觀性更高。再一個特別一提嘅係林明禎。佢唔算係新人, 但呢一兩年喺香港比前活躍, 好多廣告。佢係呢套戲嘅戲份唔算好多, 但佢個角色在戲中穿插, 有畫龍點晴嘅感覺, 令全片活潑起來。而林明禎樣子甜美可愛, 亦令觀眾睇得賞心悅目。總括嚟講, 呢套係一套高質嘅賀歲片, 入場啦！