危險人物 (4K修復版)

當年同成班好友一齊睇，有幾個出嚟時問我「尊特拉華特喺套戲中段咪已經死鬼咗囉，點解臨尾又出返嚟嘅？」我笑住問「你哋睇睇吓瞓着咗呀？」佢哋話「闔咗一闔」🤣🤣🤣套戲係黑色喜劇，黑社會、黑市拳賽、追數、黑吃黑、禁錮、雞姦⋯⋯黑到爆、充滿社會陰暗面，但對白攪笑，故事荒誕荒謬幽默輕鬆，係昆頓塔蘭天奴得意之作，亦都係一眾今日過氣但當日顛峰巨星嘅精彩演出，包括Bruce Willis, Samuel Jackson, Uma Thurman, Tim Roth, Harvey Keitel, Christopher Walken……仲有憑本片鹹魚翻生嘅John Travolta！30年前睇過到而家仍然記憶猶新，你話拍得幾好呢？

今時今日先第一次睇。相信大家都已睇到耳熟能詳。幾個人物唔同時段嘅故事互相交錯處理唔錯，人物設計同塑造各有性格同特色，令人睇完留下深刻印象。當然，演員出色演出、有style鏡頭運用同有格調嘅配樂亦令電影表達更傳神。不愧為一代話題作，值得觀看。