狂野雄心

過程有點匪夷所思，有唔少不合理/bug位，上天下海物資仍然跟身不缺同埋重可以用得, 例如紙、筆、地圖、火柴、藥物、食物、電筒....不過都唔計較啦, 順住劇情睇就算。求生過程節奏有點慢同欠驚喜/激情/緊湊，不過結局有點令人傷感加番啲分。人狗互動算做得唔錯。整體嚟講有畢佬主演絕對有吸引力, 仍值得一看。PS.(含劇透)• 隻狗唔知係真狗定裝假狗• 畢佬啲裝備/用品劇情需要時就盡濕，劇情需要時又會盡乾...時濕時乾攪到我好亂呀！ 🤣🤣🤣• 結局如果狗狗帶條女去搵畢佬就 perfect，會更加分，而家隻狗好似見勢色唔對跟女走咁，忘恩負義 🤣🤣🤣• 條女咁突然, 毫無心理準備下讀完封信就流哂馬尿, 真係 0 - 100 情感大爆發。咁突然嘅情況下正路應該只會講句 Oh my god 或者 WTF....🤣🤣🤣

麻甩佬與指令狗，故事比較細水長流，慢慢得閒滲啲昔日佢哋喺戰場上嘅回憶出嚟，交代返個故仔，唔算作撞，都睇得幾順！收尾淒美，都幾感人，絕對係男人的浪漫嘅feel！對白寫得幾好，狗仔都好有戲，值得一睇嘅人狗情未了電影！🤜🏻🤛🏻

無過分煽情，感動位點到即，奧仔眼神真係冇得輸！超越忠誠，Brad Pitt 老態但依然吸引

同佢出生入死，但冇我想像中咁冒險，可以再更加刺激

好難唔同 The revenant 同Cast away 比較，大家都係野外求生獨腳戲，哩套較簡單，Revenant 靠份仇恨，Cast away 靠思念求生，故事就有層次感得多，尤其脫離險境，但係世界已再不一樣，嗰份失落，先係電影成功嘅地方，所以哩套就被比下去。Revenant 嗰場熊出沒太勁，哩齣戲唯有避風頭，改為狼出沒，但係效果差得遠。如果對狗嘅愛係主題，故事就有啲單薄，但係假如佢有言外之音，電影會加分不少。JK Simmons 嗰場戲其實反映咗Veterans 被訓練成殺人機器，退伍後仍對人不信任，所以某程度上係對戰爭嘅控訴。反而，出 credit 時提到特種部隊退役狗，就好似順帶一提就算，未夠深刻！

呢套電影將生存主題帶返去最原始嘅元素，呈現出一套震撼人心嘅電影。冇特別煽情，反正用最直接嘅敘事手法去刻劃人與自然之間原始而殘酷嘅鬥爭。Brad Pitt可以話係其中一套生涯最佳嘅演出，佢將角色疲憊不堪嘅狀態完美咁展現出嚟。當然佢嘅拍檔，兩位完美帶左套感動嘅電影俾我哋。電影嘅動物特效唔係幾掂，不過唔影響體驗，導演拍到好靚。狂野雄心係一套真誠、畫面精美嘅佳作。