Look Back 驀然回首

拍攝手法、選角、場景大至上都比到動畫版果種氛圍，尤其4個主角，選角、造型同演出都高度還原動畫版角色氣質, 兒童期同青年期個樣都連貫到。4個主角要再選的話我會選兒童版果兩個, 還原度更高，演出亦自然。攝影同樣出色, 名場面都有重現, 有啲風景亦幾靚。整體係唔錯嘅真人版，可以一看。PS.• 還是較喜歡動畫版，58分鐘節奏更明快, 同埋有啲場面/意景表達只有動畫先做到

岡田六花稚氣未脫的一聲「藤野せんせい！」，想不到竟會爆發出如此強大的穿透力。當京本奏（岡田六花飾）鼓起最大的勇氣推開房門追出屋外，然後用盡渾身力氣向藤野步（七瀨楓莉飾）喊話：「我是藤野老師的粉絲！」這場命中注定的相遇，瞬間由本來還夾雜着幾分叛逆及無知的嘲弄氛圍中，一下子轉變得感人至深。如果在入場前已看過原著，我不肯定是否仍會被兩位天才少女定交的這一幕，撞擊至險些破防。在秋田縣仁賀保市取景的《LOOK BACK 驀然回首》，改編自漫畫家藤本樹於2021年推出的單冊漫畫《LOOK BACK》。是枝裕和導演透過其擅長的靜謐的視覺廣闊拍攝手法，把仁賀保市美得有點不真實的春夏秋冬，呈現於觀眾眼前。當充滿無力感的時候，一幅幅彷如人在畫圖中的四季更迭景緻，確實可以起到難以言喻的療效。有社交恐懼症的京本，在漫畫中原本是有姓無名。也許，藤本樹創作這個角色時，心中是有某個真實的人物原型吧？是枝裕和為這個喜歡畫景物的女孩子起了名字，也為她揀選了兩位非常合適的扮演者——小學生時代的岡田六花以及成年後的蒔田彩珠。相比起京本奏的纖細內向，另一位主角藤野步的性格則是開朗直爽、大大咧咧。七瀨楓莉與出口夏希，以毫不遜色於岡田六花和蒔田彩珠的演出，賦予了紙上人物血肉。《LOOK BACK》的真正命題，可能從來都不是「眾裏尋他千百度，驀然回首，那人卻在燈火闌珊處」，因失而復得所帶來的喜悅。藤本樹在漫畫的第一格和最後一格，暗藏了Don’t 和in anger兩組英文字，與書名結合起來，就變成Don’t look back in anger。那樣的話，整個意境就更像是「回首向來蕭瑟處，歸去，也無風雨也無晴」的放下自在了。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

漫畫版同動畫版我都睇過，今次唔講劇情，講返真人版係咩感受。第一個想法係兩位主角角色設定更立體，第三次睇呢個故事先發現藤野根本係領袖型人格，做算唔畫漫畫撈其他野都會好掂；而京本無乜刷新新認知，但我睇完真人被終於解答到藤野畫漫畫嘅原因（話自己解答到係自我感覺良好）就係因為京本，無論時間線點重來，宇宙嘅羈絆都會令佢地畫返漫畫。真人版除左令藤野個角色設成更出外，仲拍得秋田縣好靚好靚…..動畫版都未咁覺，身處咁靚嘅地方難怪京本隨手都畫得出靚景。加埋出口夏希好靚好可愛，本怪叔叔睇得好開心。是枝裕和亦係出左名拍攝小朋友好勁，不過真人版look back個兩個小朋友就正正常常發揮啦，無《怪物》嘅小朋友演出咁精彩。真人版有兩幕我就覺得比唔上動畫版，第一幕係藤野知道京本原來好崇拜佢後，黎左段幾分鐘嘅自high，動畫版呢幕嘅氣氛營造得更好；第二幕係動畫版係結局出片尾人物謝幕時，藤野由日出畫到深夜個下勁神、而現實真人版可能拍攝同時間所限，無左呢下我覺得未夠盡興。反正我覺得真人版算成功，重要劇情、場景都無乜魔改，睇多次又有得著，就算對故事好熟都值得再睇，如果你無睇過呢個故事，更應該襯真人版入場感受藤本樹呢條友幾咁有魅力。

有啲人，當頻率啱，好容易被觸動，是枝啱哂我嘅頻率。好多人話佢近作不如前，我就套套都比佢感動倒。知道佢翻拍 Look back, 估佢死定，重拍十套十死，跟唔跟原版都死，仲記得當年Gus Van Sant 重拍Psycho, 慘不忍睹，仲要今次動畫版只係兩年前，所以完全不抱希望入場。是枝係愛 Look back 嘅，佢都有野心。要咁樣重拍，佢要做嘅多過原創。Look back 動畫構圖畫面都好靚，今次真人實物超越動畫，表現出秋田美，去到岩井俊二當年唯美純愛電影地步，當然，是枝更勝一籌。有趣嘅係引用龍貓男鹿和雄插畫，將漫畫背景畫秋田景色完美配合。真人版補完動畫版，尤其係故事完整性，令到故事同場口轉接更自然。人設方面，藤野性格比之前討好，更易代入。最重要係藤本漫畫對漫畫社火災嘅悼念，同對慘劇作出平行時空嘅處理，仍然係全片嘅中心，表達出對同路人嘅珍惜同愛，哩樣就係是枝嘅作者論命題！

熱愛畫四格漫畫嘅中學生藤野有日收到老師請求，幫手把東西交給同樣熱愛畫漫畫、但長期不回校上學嘅京本，基於兩人有相同嘅興趣，但開始一起創作投稿刊登四格漫畫，直到有日大家嘅志向目標出現分歧，便開始分道揚鑣各有各嘅漫畫藝術創作道路......去到某天突然出現一單突發事件，傷心欲絕嘅藤野開始回想過去同京本一齊創作成長嘅回憶片段......電影除左保留本身原著作者藤本樹嘅故事情節同人物精神，亦添加了導演是枝裕和具人文關懷同細膩刻畫人物嘅風格，電影喺導演是枝裕和執導之下，兩位主要角色演員皆做得好自然細膩同表現出可愛嘅一面，而且優美拍出電影入面周邊環境講述故事情形。值得一讚故事入面雖然發生悲痛嘅慘劇，但結局處理依然令人睇得窩心舒服，用左導演舊作"怪物"嘅類似表達手法。電影情節令人不知不覺回想自身經歷～～喺自己嘅人生生命入面有冇遇過昔日互相扶持同行嘅好友，但後來雙方生活唔同而變得生疏？過去有冇一些自己熱愛追求嘅興趣，但後來受其他因素影響而放棄或改行全新嘅道路？

秋田縣的風景拍得靚，空鏡頭拍得好好，入戲院先感受到！女主角都好靚女，感情交流好好