BLUE LOCK 藍色監獄

有睇過動畫，感覺真人版拍得啲畫面、比賽過程好沉悶，口水/內心爭扎太多令比賽節奏不停打斷、攻勢過程畫面零碎。動作設計亦乏善足陳欠勁度同緊張感。CG場景雖然還原動畫版，但有點假。廿年前少林足球嘅比賽過程都精彩過佢。青春演員演技生硬亦大大減低投入感。不過我見唔少靚妹女觀眾/fans入場睇仔, 口邊成日提住“好靚仔呀！”。整體電影我就覺得只屬一般。PS.• 個人認為動畫版好好多• 又話個個都係被選中嘅精英運動員，但真人版拍出嚟冇個似運動員囉, 包括功㗎

眼睛着火！在BL這個所謂運動番中各個球員都男神。白毛的K配上緊身的球衣，凪誠士郎大愛真人還原。第二季變成PPT，動畫版棄坑跟足球合作背道而馳。幾場控球都是悶場，還好角色是神還原。畢竟在場各位都是凡人，高潮力入Ado的主題曲大為抵消落場所欠的速度感。失去資格等於足球員人生玩完，自然就各有動力去向前爭波。要留到片尾最後，進度去到首回選拔。路人也可易明這個設施的目的。邊扮跑邊講對白的矛盾，不過高橋文哉確實演出潔世一那種善良無自信，去到準備要爆的程度。 唯獨呈現得好拖，跟動漫版有段距離。

《Blue Lock 藍色監獄》由瀧悠輔執導，高橋文哉、高橋恭平、櫻井海音、野村康太、青木柚、窪田正孝等主演。.呢套係同名漫畫嘅真人版電影，本身未睇過原作，但覺得劇情幾有趣，為咗訓練幫日本拎世界盃嘅前鋒，所以將成班人困住，要去到得返一個前鋒，其他就要淘汰。.估唔到足球都可以玩生存遊戲⚽️有啲魷魚遊戲嘅感覺，但係足球版⚽️🤣雖然唔會死人，但輸咗就失去入日本國家隊嘅資格，對一個日本足球員嚟講都幾傷。.成套都係不停踢唔同嘅足球比賽，為咗留到第二關，唔同隊都出盡全力，但當中嘅規矩會令隊內可能有啲明爭暗鬥，其實我覺得某角色嘅行為有啲唔合理🤣但可能劇情需要🤣.整體嚟講一場接一場，每場都有唔同考驗，唔覺有悶場，而且日本漫畫改編，有啲誇張係預咗。.當中特別覺得凪誠士郎（K飾演）呢個角色幾得意😆足球天才、但又有啲厭世同對白唔多🤣好有漫畫同動畫feel🤣完全想像到動畫係點樣呈現😆.見到有人覺得節奏有啲拖，成集都淨係第一階段，但冇辦法，原著咁長，好難一集拍晒，唯有拍住一個階段先，會唔會有下一集應該都係睇反應🧐？個人係希望拍到續集嘅🙌🏻 😎臨尾仲有彩蛋🥚都見到有幾位演員係會出演新角色🤩

CG 做得唔錯，雖然啲角色好中二病，不過都幾緊湊同埋刺激

服裝、場景、畫面配色都做到動畫内嘅感覺。高橋文哉飾演潔世一唔太似, 感覺似陳曉東多啲~櫻井海音飾演蜂樂迴反而突出, 造型同性格都好接近。五十嵐栗夢個樣似某一個議員。窪田正孝飾演繪心甚八造型好正! 但未做到嗰種變態嘅感覺~熱血感有嘅, 但唔夠強。

真的可惜太遲上映，令入場動力大減最終都因為看到報道話高橋文哉為角色長期訓練，所以決定入場支持。看完後覺得高橋文哉未有令我失望最後，見台灣有CP海報，希望香港都會有類似特典啦如果有，再入場支持的機會率會增加好多好多