重生

Good! Good !

前半部槍戰，後半部說教，中間部分講出局中有局，以免觀眾看起來滿是欵問。娛樂性豐富，但未算精彩，武打槍戰場面和港式水平有差距，無甘拼命。阮天經未如在除三害的水準，而張家輝普通普通，導演未能發揮他們所長。娛樂元素豐富的電影。

故事又係發生喺奇奇怪怪嘅東南亞某國，張家輝為愛妻復仇，施計聯同警察阮經天向大毒犯集團復仇。全片故事格局同推進非常普通大路，結局扭橋亦只係自圓其說，睇唔出係乜嘢新穎老千橋，好straight forward。動作、槍戰、爆炸場面亦只係好一般水平。香港觀眾最想睇嘅張家輝表現亦只係一般行貨，今次頭髮造型似鬼滅炎柱，好似玩緊cosplay咁。😅整體成套戲都只係一般貨色，串流一看無妨。PS. 上半場我嗑著咗幾次。*** 片尾主要演員字幕後仍有片段交代各主角最終結局 ***

前段張家輝扮演嘅角色好有型，情節精彩，動作場面亦刺激，但到中段嘅反轉開始有標準中式犯罪片果種說教味道。至於後段嘅再反轉條橋都幾正，但係主角群嘅人設全部變晒，同前面相差好遠，結局亦唔係太接受到。4.5/5 （89分）

本片主角張家輝係金像奬影帝級人馬，演技當然好，但在本片中特別精彩，特別動人。而片中男二阮經天，台灣男演員，憑電影《艋舺》獲第47屆金馬獎最佳男主角。去年他在電影《周處除三害》的演出更令我印象深刻。本片集港、台、中、泰四地演員合作演出，講一個泰國毒梟穆坤以及吸毒受害者「戱中張家輝演之泰國華人張耀、以及另兩泰人巴萊（本片中國導演馬浴柯兼演）、及南茜（Sandrine Pinna）」的復仇故事。原來全球約有3億人吸毒，禍害深遠。泰國警務署署長安佩，其姪緝毐隊長安渡（阮經天，後升為掃毒總指揮官。）在故事中戱份頗多，演出極佳。戲中描畫受害人吸毒者悲慘露宿街頭狀況，令人目不忍睹。而編劇寫得十分精彩感人，故事奇趣，局中有局，有人以為過分扭橋，但我以為係戱味濃，反而更好。槍戰與埋身肉搏鏡頭少見咁精彩，一句到尾，如果你喜歡此類電影，唔睇係損失。完場字幕間加插一段短片，場景夢幻，頗有意思（人一直追尋美麗夢想及生活，雖然日落來臨，仍然充滿光亮………）