街霸

真人版故事同劇情都係麻麻哋，劇情散亂，重要講多過做，只係服裝/造型同製作技術比以前套真人版好啲, 幸好有幾場必殺技出招場面同埋街霸旋律嘅配樂勾返起觀眾昔日情壞，否則個戲真係好一般貨色，我睇到瞌著咗幾次。😴 反而動畫部分做得幾好幾精彩，人設同動作還原度更高，片商不如索性拍動畫版吧！整體本片賣下情懷可以，要睇好戲就真係唔係佢。PS.• 如果唔係情懷同動畫部分, 呢套可以唔駛睇• 必殺技名場面以外嘅動作場面少而且乏善足陳• 重要角色春麗選角趕客, 其角色設定/塑造亦唔吸引，睇落面形、五官、輪廓重有啲八両金影子添 😅• Ken 個角色並不討好, 戲份好似比 Ryu 更多更搶戲• Cammy 變咗個彿彿哋嘅討厭閑角• 將軍個樣有啲柒，亦唔夠大隻唔夠奸

角色比預期多，但大部分角色描述唔深入。只比較著重Ken、Ryu、春麗、M. Bison, 其次Blanka、豪鬼出場唔多但比較搶眼。故事好散亂，真係充滿為賣情懷而拍嘅感覺，好多角色都係出下場打兩嘢咁~打鬥場面一般, 都算有打機味, 但唔夠浮誇, 絕招未夠震撼。至於春麗, 見影評對佢評價唔太差, 明白Callina Liang好努力去操練, 演技都有發揮到, 但唔似就係唔似。故事設定係1993年，但又拍唔到嗰個年代嘅感覺, 浪費咗少少, 喱個可以係賣點嘛~但點都好, 街霸迷都應該會睇, 亦期待有第二集 - Street Fighter II。論娛樂性，始終未能超越1993年港產片《超級學校霸王》。

經典角色重現，70’s 80’s後的，肯定充滿回憶，由音樂到角色造型，故事設定等都絕不馬虎，但由於故事角色太多，很多角色也發揮不多，點到即止，主要故事還是圍繞着Ryu Ken 和 春麗發展，最有趣是尾段出場的角色Joe ，玩過街霸第一代的，一定記得Joe 是遊戲裏的其中一角，但之後版本已無此角色出現！此片算不上出色，故事有點零碎，還好尾場打鬥不俗，喜歡打街霸的，絕對值得一看。

情怀，小时候的记忆。当发出波动拳Hadōken的时候，还是有些小激动。不过，情节拍得太散乱了，节奏也是东一下、西一下。打斗也不行，应该可以拍得更魔幻一些。倒是电子音乐贯穿全片，像蹦了两个小时的迪。

《街霸》改編自Capcom同名遊戲，由櫻井北尾執導，Noah Centineo、Andrew Koji、Jason Momoa、Roman Reigns、Callina Liang等主演。.如果有打開呢個遊戲就真係回憶返晒嚟，隆、Ken、豪鬼、春麗、Blanka等角色都喺到，仲有唔少招式，昇龍拳、波動拳等。.故事以Ryu同Ken為主線，兩個親如兄弟，但Ryu喺師傅過身後就消失咗，最後M. Bison逼阿隆出嚟，兩兄弟因比賽重遇，但唔止要對付M. Bison，仲有豪鬼，後期真係場場激戰。.遊戲細個有玩過🕹️但唔係話好熟啲劇情，但睇返啲角色都好還原好滾動🥹招式都好正🥊.套戲主要角色係Ken，當年睇Netflix嘅《To All the Boys I‘ve Loved Before》都幾鍾意Noah😆今次都演得好好😎佢當時仲特登為角色增肥🥊.故事背景講90年代，幾鍾意呢種復古感覺，劇情就正正常常爆谷片，鍾意街霸就應該會鍾意，打鬥就越後越多，fans就唔好錯過😎

動作場面都OK過得去但最好睇既都係d動畫過場格鬥game改編冇咩故事可言搞笑又唔到肉，選角又麻麻