虛假之城

色彩和構圖都富新鮮感，有一嶄新感覺。想不在這社會的規條下生活是有代價，它們令到你生活潦倒，都市生活一點不容易，人浮於事。你想盡方法去找心中蓬萊却只是電影佈景，虚假世界。色彩和構圖都十分出色。

一套充滿對社會陰暗面控訴, 以荒誕奇幻而又有趣嘅手法表達嘅動畫。電影角色同美術設定生動有趣，故事劇情荒誕得嚟又帶黑色cult，屬成人口味動畫, 具簡單商業娛樂性之餘亦有藝術味，唔難睇，值得一看。PS.• 電影對現今社會虚假、陰暗一面寫得幾到• 每一個人都想逃離現實但又虛假嘅世界• 啲角色都幾得意

本片好彩角式造型cutie，否則資本主義社會摧殘個人意志嘅殘酷劇情會令人睇得更不快。但呢套動畫真係我近年睇過最好嘅動畫，唔止畫功靚，故仔佈局輕重得宜，仲扭twist扭得好，令到套戲可以好深刻批判資本主義制度同意識型態。貓頭鷹係西方傳統代表智慧，而佢入面嘅形象正正反映資本主義宣傳嘅價值本質係乜。如果你本身係左派，一定會好鍾意呢部咁出色嘅敵托邦電影，如果你本身係右派，更加值得入場畀自己反思戲入面邊個角式最貼近閣下。