媽樣年華

以溫馨手法表達婦女要有自己空間，電影以“鋼管舞”這支金剛棒去刺穿家庭主婦這個樊籠，幸福家庭生活只是現今婦女其中一個夢想，有自己空間才能說有幸活在世上。導演在手法和故事上都幾有心思，幾件掛在衣服、豬肉佬都展示事情的變化。電影在尾端有幾句精警說話……人一生中最蠢的行徑是沒有行動的蠢蠢欲動。周家怡等的演出不慍不火，一副看似幸福滿滿而不知道自己不開心在那裡；金燕鈴演說出能夠有自己活著空間才算是此生無悔，年齡只是數字，心態才重要（導演的說話）。全套電影氣氛都充滿暖意。不俗的溫馨電影。

3.8⭐故事好簡單, 睇咗 trailer 已經知套戲講乜，成與敗就視乎執行得好與不好，睇完後我認為此作係唔錯嘅。本片走輕鬆小品路線, 前半輕鬆明快，笑位密集, 後半慢咗落嚟, 較為著重溫情同內心戲, 但仍不乏笑位。整體係睇得舒服，具娛樂性。另外要讚嘅係演員，周家怡一向以嚟佢做戲都唔錯, 呢套佢做到一個溫馴嘅C奶仔, 陳湛文做一個潔癖嚴父, 亦係攪笑擔擋，加埋新演員張迪文, 組成一個富足又美滿嘅中產小家庭, 呢個組合感覺良好。金燕玲做一個開明外婆，演技唔駛懷疑。整體演員組合同演出都到位嘅。當然，電影要帶出嘅信息亦都好明顯 - 現代女性婚後仍然應該/可以有自信同自我，相信亦都會得到大部份觀眾嘅認同, 尤其女性觀眾。PS.• 呢期兩套小品港產片 - 呢套"媽樣年華"同"我阿爹想旅行”都唔錯• 今時今日嘅香港，相信冇幾多女性可以咁"幸福" 全職喺屋企做少奶奶或黃面婆 😅 所以日本女性睇呢套戲可能更有感覺, 一於將套戲賣埠去日本啦!

劇情流暢，配角出色，無論是男主角陳湛文，配角金燕玲及楊雅文，都有出色嘅表現！鋼管舞也很好看！

故事都幾流暢，簡單貼地易明，好寫實咁刻畫出一個少奶生活，每日為頭家埋頭苦幹，漸漸地麻目並失去自我。有一幕值得一讚，透過一張電腦櫈嚟幻想自己對鋼管舞嘅熱愛，實在一絕！周家怡拍劇集/電影，質素有保證！跳舞畫面更加係大癲超大突破！金燕玲感覺就活像一個有故事的人，母女深情對話一幕字字都有溫度，好有味道！

無論拍攝手法定劇情，都係不溫不火，普普通通嘅大路電影。拍攝手法幾乎0技巧，但其實都可以理解，導演胡翠兒作為Gen Z新導演，首作只有線性劇情，平實推進都無可厚非；角色人設等等用左30分鐘交代，其實睇預告同埋頭呢30分鐘背景交代都會估到哂之後發展，無乜反轉位。當然作為一個咁新嘅導演處女作，加上題材係Pole Dance呢種我無接觸過嘅野，呢套電影我已經收貨。起馬成個故事都無咩大bug、人設等等又寫得不過不失，只有對白比較尷尬，唔算精警。

選角好，完全無違和感。劇本特別，寫拍的細緻，值得入場支野