單思的世界

個人覺得套戲是好睇，我會形容套戲，雖然劇情走向好公式，但導演編劇執行卻令套變得討好。講真如不是坂元裕二當編劇，這套只會淪為一套典型好催淚式日系抱憾式，有愛情親情元素的片，但他的神編劇技巧卻令套戲的層次昇華。在好多位上，他的描寫舖排同角色點綴技巧好令套戲不太單一，這樣可彰顯出他的神級編劇功架。咁當然導演在套戲調子上的調整也是討好，不會令套片的感覺不太過於煽情。咁當然，這套戲中，三位新一代日本女神、所用的日系鏡頭、調光同美術，也是好唯美同令觀眾，尤其是男觀眾睇得好投入同著迷PS：我會講，這副劇本，不出三五年，一定會有台灣導演拿來改編。痴·影·夢·藝 X 的專頁 https://www.facebook.com/ckwunmovie/

冇做任何功課入場，唔知係一套乜嘢戲，一路睇都覺得有啲怪怪嘅感覺🤔，睇咗廿零分鐘，漸漸開始發現....哦~~~原來係咁~~~！！原來果幾個女仔.....唔怪之得啦！😅 咁嘅觀影感覺都幾唔錯！**** 以下影評可能涉及劇透 ****除咗以上感覺，本片大至上都係咁上下嘅日式奇幻凄美小品故事提材，當中涉及親情同愛情。特別要讚嘅係本片表達三位女角嘅孤獨世界感幾成功，幾唔錯，觀影時我感覺我係同佢哋同屬於一個世界嘅視覺，亦感覺到佢哋嘅孤獨心情，幾唔錯。而三位青春女演員角色設計同表現亦不俗，喜歡日系奇幻小品可以考慮入場。PS.• 照計另一個世界都應該有好多"人"先啱，冇理由只有女主角三個"人"咁孤伶估喎！🤔🤣• 女主阿媽多年後重埋婚生埋女先約個條友出嚟講數，重咁好火隊冧條友有啲講唔通。

三隻女鬼因解放心中鬱結，重回人間，故事情節脱俗，富日式治癒。但個人覺得劇情推進緩慢，有些冗長。廣瀨玲沒有充分利用，可惜。

呢個關鍵設定在大約30分鐘左右就會明瞭（恕無法劇透），只能講呢套戲節奏雖然偏慢，但三位女角熱愛生活，性格十分討人喜愛，整體情節一直在積極與舒適的氛圍下推進，除了中後一小段有壓抑感外都很舒暢，到結尾就是兩段強烈感動。非常推薦的特殊題材感人電影。4.7/5 （94分）

三位女主角樂善勇敢、青春活潑、積極樂觀⋯⋯非常之討人歡喜😃奇怪嘅係日本自殺率偏高，居然常常把悲劇故事拍成正向而溫馨嘅電影，最後總能令觀眾帶著微笑和希望離開戲院🎬情節推進一如既往地日式緩慢，友情、親情、溫情、人情味慢慢滲出，反而奇情和懸疑成份，因為編導冇耐性鋪排，好快又直白地向觀眾交代咗，慌死觀眾蠢得滯睇唔明？還是編導表達能力弱到只能平鋪直敘？但一快一慢，格格不入，反而有橫生枝節、堆砌得不侖不類嘅感覺！主旨好近似Disney嗰套Coco，只要在世親友惦記著逝者，逝者就雖死猶生，會喺另一個空間/世界快快樂樂地生活和成長，死者唔希望生者滯留喺悲傷之中，所以生者應努力向前以慰逝者在天之靈。其實係好老土嘅道理，只不過係善於包裝📦嘅日本人，再一次推出嘅新瓶舊酒而已。（兩年前閒日去K11睇早場，用埋長者優惠都要$70，今日再用長者優惠睇下午正場，只需$65，好明顯電影市道差，戲院須割價求存！希望大家多啲入戲院支持下電影業同院商，否則戲院淪為遺址/廢墟，睇戲🍿變成歷史書上嘅集體回憶，就係文化嘅輓歌，烏呼哀哉！）

23歲的美咲（廣瀨玲）、21歲的優花（杉咲花）和20歲的櫻（清原果耶）在一幢老宅內快樂無憂地生活。十分喜愛最初看到的老宅佈置，客廳和睡房都散發童話公主感覺，少女居所氛圍滿滿。最特別的自是3位主角的身份設定，令我有”啊” 一聲的反應，真的要為編劇坂元裕二的奇思妙想鼓掌！直到一天，美咲在巴士上重遇12年前讓她心動的男孩，然後優花又遇見久未見面的媽媽，還有櫻從報章得知”那人”的消息，她們便踏上了一段夢幻般的尋訪之旅。片思い世界：因著思念，我們會努力去尋回曾觸動過自己至深的人。坂原的構思固之然獨特，但我亦被3個女孩的相處點滴，純粹真摰的姊妹情誼所觸動，尤其是年長的美咲對2位妹妹的照顧之愛。其實，單看她們戲笑玩耎已很有趣。我已遺忘的姊妹之愛又再重新在腦海內浮現！