宛如星辰的你

個人覺得套戲可以我會講，套戲雖然景靚、調色靚、調光靚、演員靚，但故事結構推進卻是極為狗血煽情。講真，這類故事結構同其後的推進，從第一幕已經估到，而角色設計也好公式，雖然戲中賴戶內海同戲中三幕花火的攝影場面好靚，但掩蓋不到故事過於公式這個缺陷。雖然男女主角橫濱流星同廣賴鈴，的確好上鏡，但他們的外形，的確不太匹配高中的設定。痴·影·夢·藝 X 的專頁 https://www.facebook.com/ckwunmovie/

電影主線是橫浜流星和廣賴玲的愛情故事。他俩父母和朋友的感情生活也多元化和富戲劇性，丈夫外遇、被人多次拋棄戀愛腦並長不大的媽媽、互助合作社的夫妻關係、和高中生的同性戀愛。两個人能否走下去，周遭環境和上天安排都好重要。橫浜流星和廣賴玲都係好戲之人，特別是廣賴玲在每個情感表現位都神似。小島景色給人舒適安穩整潔感覺。不俗的關於婚姻愛情電影。

2.8⭐(含劇透)電影一貫日式文藝風攝影/表達。但老實講，故事係老乜土土，充滿人間慘事，父母婚外情、破碎家庭、相愛難、同性戀、事業起伏、男女不平等、交通意外、絕症、嘔血、自S、...乜都有, 所有嘢都發生喺15年/2小時裡面，可以講係成班不祥人坐埋一枱。可惜嘅係咁多經歷用兩小時去講就變得堆砌同流水作業，欠缺深度，打動唔到觀眾。欠深層描寫亦令角色嘅行為處事同決定變得莫名其妙同冇說服力。整體電影製作技術層面冇乜問題, 問題在故事劇情老土又離地、欠說服力同感染力, 亦有唔少過份戲劇化不合邏輯嘅人類行為/情感/關係，睇完一啲都唔感動。PS.• 個男化學老師係一個神秘又奇怪嘅工具人角色, 神出鬼沒, 言行詭異又大膽，經歷15年個女都長大但佢仍然保持青春...好嘢 😄• 咁多慘事相信拍成電視劇會好睇啲• 咁嘅日式倫理關係同處事真係好日本文化, 可能日本人先會欣賞, 香港人未必認同• 可能原作故事會細膩好多• 電影中主角對朋友、愛人、家庭、父母嘅責任感都非常離地，太戲劇化了• 電影中有啲高空鏡頭拍得啲風景幾靚

識我嘅人就知我好鍾意《她和他的戀愛花期》呢套電影，基本上有咩日本愛情電影我都會用《她》黎比較。《宛如星辰的你》 係日本評分比《她》高，仲有人拎佢地黎比較，咁我就懷住期待嘅心入場啦，點知結果係令我失望…….我諗兩套戲於核心主旨上有根本性唔同？《她和他的戀愛花期》最觸動人心嘅係個種「無何奈何」。無論兩個人幾有咁夾，最終就係因為種種嘅「無可奈何」而結束；無任何一人做錯事，亦無任何狗血劇情，就係因為種種小事、生活、工作、熱情消逝而「無可奈何花落去」相反，《宛如星辰的你》男女主角嘅結局係因為佢地主動嘅選擇而成，而我係唔會有個種「點解呀！！？？咁都要分手？」嘅感覺，衰啲講句係佢地抵死，而唔係「無何奈何」。呢種感覺當堂令《宛如》係我心目中只係一套普通日本愛情電影，所以只值得普普通通嘅3分。不過我又有小小明點解係日本呢套戲咁高分，因為女主角嘅選擇都幾套用到於日本呢個壓抑嘅社會。女主角身處嘅小島就係日本社會嘅縮影，事事需要佢地「正常」，正常結婚正常生仔。男女主角原生家庭唔完整係對於日本社會嘅小諷刺，女主角最終突破唔到社會嘅枷鎖留係小島係一切嘅悲劇開始。反正我覺得呢套只係一套普通日本愛情電影，係我心目中同《她和他的戀愛花期》仲差九條街。

#宛如星辰的你 #youlikeastar大家好，我是 Wild Wildy！今日同大家睇下呢套改編自第 20 屆日本本屋大賞冠軍小說嘅愛情電影——《宛如星辰的你》（英文名：You, Like a Star，日文原名：《汝、星のごとく》）。呢部作品由著名導演藤井道人（Michihito Fujii，曾執導《餘命10年》/ The Last 10 Years、《青春18×2 通往有你的旅程》/ 18x2 Beyond Youthful Days）執導，劇本由安達奈緒子（Naoko Adachi）操刀。 領銜主演陣容包括橫濱流星（Ryusei Yokohama，飾演青埜櫂）、廣瀨鈴（Suzu Hirose，飾演井上曉海），睇靚人靚景值回票價⋯ 以及松村北斗（Hokuto Matsumura）、尾野真千子（Machiko Ono）、木村佳乃（Yoshino Kimura）同長谷川博己（Hiroki Hasegawa）。Google Fact-Check 影評基本數據：IMDb 評分：-Rotten Tomatoes 爛番茄： -我美景10；演員8，故事6⋯ 可以有6.5-7故事簡介： 喺美麗嘅瀨戶內海小島上，由京都轉學懷抱漫畫家夢想嘅高中生青埜櫂，遇上想以刺繡為業嘅島上女孩井上曉海。各有各原生家庭傷痕，但隨著夢想、離或留嘅選擇，其實兩人故事所發生的是必然的😜吧⋯⋯ 無甚特別⋯ 特別就韓劇化讚與彈瀨戶內海美景救咗一切：電影喺四國 愛媛縣今治市大島同大三島取景，海岸線、日落同離島風光真係靚到無得頂，視覺質感非常強。因為劇本中間一啲故事情節同轉接位著實怪怪地，好喺有呢啲極致嘅唯美美景打底，成功拯救返唔少分數。而美景中身在福中不知福都有帶出來，但要靠把口講出來就少了意境未到新海誠咁細膩，最後依然有感動：劇本雖然走韓劇虐心路線，但久別重逢、驀然回首、新海誠系列飲了頭啖湯，這套就失色不少。導演喺最後對男女主角 15 年情感嘅收束拿捏得有一定渲染力，但一些角色發展處理不完整，沒緊扣故事是扣分㡴⋯ 不過結尾嗰份無奈與執著依然能令人觸動，喊得出效果。彈：30、28 扮17有點吃力⋯新意上被飲咗頭啖湯：呢類「離島青梅竹馬、久別重逢、橫跨十幾年」嘅感情故事，近年同類影視作品實喺拍過太多次，嗰種久別重逢嘅味道已經被其他作品飲咗頭啖湯，缺乏新鮮感。角色夢想設定多少有啲老土：男主角追夢要做漫畫家——喂！早前動畫神作《驀然回首》（Look Back）已經將漫畫家嘅血淚同執著寫到極致，呢度又係漫畫家？！而女主角嘅夢想係做「刺繡」……坦白講，刺繡呢個夢想設定多少有啲老土，好難令現代觀眾產生強烈嘅共鳴。廣瀨鈴戲中老豆初段出來，但之後死左去邊⋯ 那片初著墨太多令故事2小時15分拖太長了⋯ 二女一男情節可裁短些橫濱流星被劇本拖累比下去：橫濱流星之前喺《國寶》入面嘅演出簡直神級、爆發力驚人；但今次喺《宛如星辰的你》入面，雖然佢同樣為角色暴瘦減重 15 公斤，極之敬業，但因為劇本角色寫得太過憋屈，反而被劇本拖累，表現硬生生被比咗下去。如硬玩ipad果下我笑左⋯探討婚姻與小島壓力的情節令人出戲：劇本本想探討「結婚嘅不穩定性」，結婚結完又分，結婚為嘜⋯？但故事發展好似搞到結婚係萬寧藥，又或者講到「結婚只係一個互助委員會」，呢個切入點本來幾深刻。但透過片中那古怪老師做出古怪嘅決定、或者比啲搞笑又荒謬嘅建議，著實令人極度出戲！現在又唔係拍假結婚拎居留權嘅戲，難道一個小島上嘅閑言閑語真係要逼到去到政治婚姻呢一步？怪怪的。事實上，無性婚姻邏輯與奇怪行為：「無性婚姻可行嗎？」呢個議題，但問題係——對方係廣瀨鈴喔！現實中同廣瀨鈴一齊竟然搞無性婚姻？簡直毫無說服力。再加上劇中仲有好多莫名其妙嘅奇怪位：例如難得久別重逢可以見面，男主角唔好好溝通，竟然喺度玩 iPad？自己攞嚟係乜嘢呢？又或者，人家男主角都已經睡著咗，你女主角仲喺佢身邊一輪嘴講一大堆心裏話，人哋都睏晒鬼聽到你講乜咩？整體嚟講，《宛如星辰的你》美景同卡司依然有保證，但劇本上嘅邏輯硬傷同老套設定真係幾扣分，甚至有啲位變得好似韓劇咁狗血。你哋又覺得「無性婚姻」喺現實生活中可唔可行呢？或者你又點睇橫濱流星同廣瀨鈴呢對組合？歡迎喺下面留言話我知！記得 Like、Share 同 Subscribe 我個 Channel，我是 Wild Wildy，我哋下部電影見，Bye Bye！

人有時需要自私一点？不要為上一代去埋單, 不然每一代只會不斷重覆不幸的遭遇？