神探白朗：福比利大宅謀殺案

個人覺得套戲不俗和有玩味，看似是典型誰是兇手片格局，但睇落又比較同類有玩味。可以講是舊片新調。其實導演很懂得在劇情上玩伏筆。刻意在前段將美隊隱藏和刻意放大其他家族成員暗黑面，令觀眾覺得他不是兇手。這點是高明。而在盤問中場面也是比較同類為玩味（總是覺得他們坐這裏，感覺很像GOT的鐵王座）。而鏡頭和大屋之設定和處理也和一般同類為特別。而角色方面，如果講演繹，個人喜歡基斯依雲斯，他今次演反叛富二代的確比較丹尼爾基克有所突破。咁當然丹尼爾演這個神探也是不俗，但始終脫不到007的形象痴·影·夢·藝 X 的專頁 https://www.facebook.com/ckwunmovie/

用輕鬆手法通過偵查一件自殺案件去揭露人性醜惡。富豪作家過度溺愛家人而為自己修建墳墓，愛你而變成害我。雖然是追兇懸疑片，而線索明顯，節奏明快，片中疑兇的獨有行為反應，幾有趣，令全片輕鬆。幾位巨星一洗昔日英雄偶像形象，實力演出，令電影生息不少。善惡到頭終有報，老人家需要的是關心，他們豐厚的經歷，看人看事都幾準。本片值得去看。不愧評選為2019年十大最好美片之一。

我睇偵探片最怕就係前中段一頭無緒，最後先揭曉果種。呢套中段已經話比觀眾知個兇手係邊個，令劇情好緊張，當然最後個結果亦係出乎意料。女主角marta同大宅嘅人好唔同，又靚又nice!4.7/5(94分)

故事一開始就講名作家哈倫被發現午夜後在其大宅內死去，未知是自殺或他殺，由警方人員同私家神探白朗聽在大宅內留宿各位家庭成員以及護士、家傭等人作供，情節頗引人入勝，兇手身份令人撲朔迷離，但過咗一半已漸露端倪。故事嘅闡述手法頗似Agatha Christie 嘅奇情小説。電影對人性之自私貪婪有深刻描寫，且極富喜劇感。各位演員嘅演技都係水準之上，我特別喜歡基斯杜花龐馬（演大作家哈倫），已年高88，第一次睇佢嘅電影就係「仙樂飄飄處處聞」The sound of music。其他幾位就係曾有個時期演占士邦嘅丹尼爾基克（戱內演神探白朗）、基斯伊雲斯、當莊遜、珍美李寇蒂、安娜德哈馬斯。導演取景好靚，畫面美感豐富，係不可錯過嘅一部電影。

小説家福比利離奇身亡，故事有些脫離現實，就算家人點樣貪婪，也未至於將所有遺產俾晒外人看護瑪達，致令家中成員，各懷鬼胎明爭暗鬥， 有些怪怪的，搵戲嚟做嘅感覺，而且差人查案過程，在大宅竟然容許一個私家偵探一直在現場，協助破案似通非通，未免有些突兀，唯有待散場，由導演解畫自圓其說啦。