52赫茲的鯨魚們

個人覺得這套戲可以，導演整體處理得不錯。講真，這套戲看完了第一個印象雖然是有味道，但執行上有問題。我指的是那些章節上，角色情感轉變太急，沒有細緻的描寫，這樣令這套戲出來質感不佳。雖然導演很想去描繪一群被孤立的人如何找到共鳴者。而他用鯨魚這個設定很合適，但在執行上卻有點力不從心，過於流於表面。而他想在這套戲中所涉獵想講的題目也過多，令這套戲過於鬆散同不能集中。當然，過場的處理的確有其詩意，尤其是尾段那場。但個人十分不喜歡收尾的一場，這場的處理實在太老套了。痴·影·夢·藝 X 的專頁 https://www.facebook.com/ckwunmovie/

導演、編劇將林林總總嘅人間慘事炒埋一碟大什會比觀眾品嚐，配料有家暴、自殺、LGBT愛不得、老人照顧、友情、愛情、平凡女遇上有錢仔，....等等，可惜炒出嚟只有形，但冇乜味。故事發生喺女主角大約三、四年時間裡面，但呢段時間女主角遇到不平凡嘅人同發生咗好多不平凡嘅事，有喜有悲，有由地獄上天堂，又有由天堂落返地獄般嘅境況。正正就係因為咁戲劇性嘅遭遇，成套戲變得堆砌欠自然同真實感，有啲情節牽強同令人傻眼，感動唔到觀眾但卻有“得啖笑”之感。最突兀係有錢仔宮澤冰魚嘅出現，一出場笑騎騎就知道之後會發生乜嘢劇情....失敗！而此角色起用宮澤冰魚亦係失敗之中嘅失敗，同女主角一啲都唔match，電燈柱掛老鼠箱，嘴女主角要彎身到反轉L咁(「 )，觀眾投入唔到佢哋嘅關係。而宮澤冰魚個角色設定亦反差太大，欠說服力，只係一個工具人作用，亦係一個令我出戲嘅角色。家暴失去說話能力小孩果條線亦有點多舊魚，同主線毫無關係，拍唔出感人亦有點兒沉悶，放埋一齊只會另電影失焦，做乜要為砌夠兩個幾鐘而咁編排呢！故事裡面唯一比較討好同令人動容既角色係個LGBT角色，外型、演出同描寫都較有質感同寫實。但佢無厘頭走去叫女主角同男友分手但冇提出任何理由真係令我傻眼，女主角又點會聽你講呢？而女主角又唔反問點解要分手就鬧返個LGBT，真係R頭。製作方面，攝影、剪接同配樂都係典型日式美學節奏冇失手，但係編劇真係要update啲，做人不能太老套。另外，電影中嘅“52赫兹的鯨魚們”喺電影中起唔到好大嘅點晴作用，大至上只係開場同結尾提一提，制造一下文藝色彩，對電影整體影響不大。其實要拍一齣感動人心嘅電影，唔需要將好多嘅慘事放埋一齊，處理得好就叫高手，處理得唔好就叫堆砌失真、冇一頭到岸或硬唧觀眾眼淚。返而正常啲簡簡單單focus同用心處理好一、兩件慘事/一條主線更能令觀眾投入同共嗚。唔好為拍片長兩個幾鐘而拍兩個幾鐘。

唱出52赫茲歌聲的鯨魚🐳只能孤獨地在浩瀚大海中蕩漾，因為其他鯨魚根本聽不到牠的聲音，所以一直孤獨，直至找到同類為止。電影以這種鯨魚比喻生活在人群中但被忽略的小眾，他們努力地呼喚，求愛又好求救也好，但冇人接收得到，最後可能會走上自毀的道路，除非及時找到另一個同類但殘缺的靈魂，互補不足，即使不能合成一個完整的靈魂，至少也可以成為靈魂伴侶，不論性別性向都可以互相扶持，終身走在一起，稍為幸福地完成人生旅程。日本哩類社會小眾悲情電影或小說都離不開家暴和自殺嘅情節，唔知係唔係受村上春樹作品影響呢？還是根本係日本社會民生之日常呢？廣瀨鈴嘅《流浪之月》有村架純嘅《月之圓缺》同埋哩套都係例子⋯⋯不過最有趣嘅係連同《怪物》《小偷家族》都宣揚最能為受傷靈魂提供支援或庇護嘅唔係家人親人，反而係本來唔認識嘅人伸出援手，然後發展成朋友、「家人」、情侶、甚至soulmates！佢哋唔單止代替家人，甚至鼓勵主角離開變成負擔嘅家人！四海之內皆兄弟？非也，日本家庭對年輕成員有太大期望和壓力，於是社會產生一股暗流宣揚年輕人脫離家庭、甚至社會這個大家庭，做回自己，自由輕鬆自在！電影節奏好慢，冇乜刻意煽情，唔算感人，故事發展意料之中，為觀眾帶嚟淡淡嘅哀愁與無奈，哀而不傷，睇得多哩類電影，同情心可能會減弱，變得麻木不仁。主角都是新人？冇乜邊個以前見過，女主角杉咲花某啲角度有啲似有村架純，連演繹方式都有模仿嘅影子，希望佢喺形象設計和演繹風格再努力啲尋求突破，有別人嘅影子不利個人事業嘅長遠發展啊。其他主角宮澤冰魚和志尊淳都係外形討好，但表現一般。反而兩位做虐待仔女嘅阿媽的演員予人更深刻嘅印象，提醒公眾「世上只有媽媽好，有媽的孩子像個寶」只是倫理角色定型，太過被廣泛美化，其實母愛既非公式或必然，即使第三個媽，安安嘅媽非常之愛護杏子，但連女兒嘅性取向都唔知，結果女兒要出走，遠離母親以免自己的改變辜負她的期望，即使最後知道真相，做媽的不但來不及鼓勵女兒按本色做人，反而問「你真係唔打算做返女仔？」於是應該講嘅到人死咗至講，唔應該講嘅就衝口而出，加速咗或者加強咗女兒自殺嘅決心！所以好媽媽壞媽媽都有可能推子女走向死角，於是日本近年流行父母唔生仔女（少子化），而仔女長大後亦和父母疏離，甚至自立門戶、離家出走（空巢家庭）⋯⋯於是好多獨居長者死在家中多時都冇人發覺，直至發臭引起鄰居注意，甚或多年後已變成白骨，在偶然嘅情況下被人意外發現⋯⋯人類都變成52赫茲的鯨魚們，縱聲喊出心聲又如何，都冇人聽冇人明白，因為周圍人雖然多，但個個都聽唔到或扮聽唔到，太習慣裝聾扮啞嘅結果係大家真係變成心盲耳聾，最後大家都孤獨地死去，人類走向滅絕？

#沉沒在大海又怎配有權被愛 鯨魚是少數會自殺的情緒動物，而「52赫茲鯨魚」的高頻率歌聲在世界上無法被其他鯨魚接收，牠拼命呼喊卻叫喚不出心裡的傷痛，轉身沉落大海後用水作棺礆， 掉入深淵的鯨屍則為大海提供養份，維持生態系統。 電影《52赫茲的鯨魚們》改編本屋大賞得獎小說，以52赫茲鯨魚去比喻每一顆孤獨的內心，觀影過後腦海中一直充斥著陳卓賢的歌曲的《鯨落》，忽然驚嘆陳卓賢的才華洋溢，將一段孤寂到盡頭化身大愛的情感融入歌詞當中，藉此想以兩者的關係作引伸。 每個人都有屬於自己的傷感，我總覺得沒有人能真正做到感同身受，縱使所經歷的事雷同，仍然無法複製到別人的內心，悲傷滙聚成河，我們流進彼形成海，卻無法完全融合，殘破不堪的身體連自己都無法面對，沉沒在大海又怎配有權被愛，沉沒在悲傷的死循環中。 - #鯨拍翼卻沒到天空餘生也往深海送 她一直活在黑間當中，被虐待的痛楚都難以媲美內心的破碎，每一樣悲痛已經成為了她的日常，身心都被唾棄得無所謂，直至他的出現，給予她齒離大海的勇氣，可惜兩顆寂寞的心未能靈魂共振，他光鮮的面目後是血肉模糊的後背，才發現原來鯨魚如何拍翼也未能到天空，餘生也往深海送。 他選擇走向深海，落下淚捨身替她成大志，愛的最大價值在於不求回報，我愛你，但我不敢愛你，因為他的世界是孤獨的，他讀懂她的內心，拼命地想將她拯救，卻將自己推向深淵，鯨落入大海只有冷仍綻放。 我們都由傷痛之中學習無聲的溫柔，沒有人能真正讀懂一個人，但我們都能化身成為鯨魚，電影所呈現的悲劇大雜燴可能某些觀眾未必產生到共鳴，但欣賞導演未有將角色過於塑造成賣慘，反而呈現上一種習慣的心痛感，一個人要經歷到什麼才會對傷感麻木，傷痛可能是其中之一，但原來電影告訴我們孤單才是無形的殺手。 唯一想，留一天與你喘息。

我覺得故事用插敍用得幾好，女主過去幾年嘅故事幾好睇，而且真係幾可憐；而現代線因家暴而失語嘅小朋友代入感就差啲，但都明白想用呢個細路成為女主角嘅救贖，響應返做1 pair 「52赫茲的鯨魚」。但現代線無論故事定敍述上都無咁精彩。成套電影風格、鏡頭、剪接、對白，就連調色都好日本風，鍾意睇日本電影嘅人睇完應該無死，連狗血位都係咁上下，實在唔明LGBT個位人兄故事上嘅操作，吐嘈點好大。不過成套戲唔算伏，但好驚人嘅扭橋橋段都欠奉，妥妥當當嘅3.5星啦。但成套戲我覺得最慘嘅係：為女主角默默付出，真正關心佢個位女性朋友，就因為佢係普通嘅鯨魚而唔啱52赫茲呢個channel，所以成套戲慘成為功具人，女主角好似唔係擺佢做第一位咁，我認為呢個朋友先係真正關心所有鯨魚嘅人😫

生活中的平凡事，每個人的人生。三個不辛的人走到一起，就讓大家一起尋找幸福吧。