米高積遜

3.8⭐只講述 Michael Jackson 由小時候 Jackson 5 冒起，繼而獨立發展，....至到1988倫敦演唱會演出為止，當中涉及其家庭同個人心路歷程轉變。感覺描寫比較表面欠細膩，對 MJ 內心世界刻畫唔算好深，例如點解鐘情養動物，收藏玩具，點解要整容等等，都只係輕輕帶過。其實所有角色嘅描寫都係好表面，例如老豆只有惡同貪婪，老母只有忍讓，司機只有做阿4，兄弟姊妹直頭係活動佈景板，整體電影偏向流水式敘事，只係 MJ 成長/事業嘅一個進程，幸好節奏明快冇悶場，加上時不時有名曲同歌舞場面，令電影具娛樂性。不過如前所提，電影對 MJ 嘅描寫較表面，而且偏向正面，一啲負面嘅嘢完全冇提及，係一套歌頌 MJ 嘅電影。整體電影製作不俗，有歌有舞，扮演 MJ 嘅演員演出亦合格，有啲角度/ shots 面相都幾神似，仍然係一套值得一睇，緬懷 MJ 嘅作品。

睇之前都幾多負評 所以都冇太大期望睇落都有驚喜 好似睇咗兩個幾鐘演唱會咁

音樂 畫面 劇情 無瑕疵娛樂性100分的電影冇可能唔入場睇講真

個人覺得套戲一般。我會形容套戲好閹割，好過於隱惡揚善、推進水過鴨背，無了好睇人物傳記片最好睇同需要，睇人物在低潮期如何振作應有的跌宕感。而人物設定也過於面譜化，動機過於簡單，這樣也是不好睇的原因。我會講，猫王套戲尚有上校這一角好睇，但這套連這樣也無。我當然知，原版是被MJ遺產管理條款所侷限，所以被迫推遲，再剪輯重拍才上，所以好多有關MJ後期整容、濫藥同戀童負面的章節無法描寫，因為如此，所以令整套片在故事性方面好不睇，雖然導演最後有加疑似續集的尾巴，但這樣也幫不套戲，在描寫故事同人物上的侷限同空白。咁當然，如果講場面，他是可以的，可以滿足到粉絲們。痴·影·夢·藝 X 的專頁 https://www.facebook.com/ckwunmovie/

佢嘅Thriller係我至今最鍾意嘅MV，差不多兩個鐘嘅電影🍿無限loop Michael由Jackson 5(10歲）到1988 I am bad，冇去到最後This is it！基本上集中喺童年到成年Michael與父親嘅對抗，直至完全脫離、獨立、為自己而活、做回自己為止。佢最後幾年有好多負面消息：整容過度、戀童癖、官司、破產、過度性消費、離婚、代母產子女⋯⋯電影🎬都冇提及，冇陪Michael走到最後/走完佢嘅一生，不過就交代咗佢變得古怪嘅源頭：佢十歲或更早之前，在暴父皮帶虐打下，係一個被封印喺逐漸長大成熟男性軀體內，永遠長不大嘅小男孩，永遠天真、永遠好奇、永遠有同情心，但亦和一般天才一樣：永遠孤獨而寂寞！童年時，五兄弟被父親剝奪上學、交友、遊樂嘅機會⋯⋯不停地練習歌舞娛人，直至聲名鵲起之後，仍然被control freak嘅戀態老爸操控，喺咁嘅環境長大嘅男孩唔怪至奇怪😳故事有啲平鋪直敘，男主角努力扮Michael但唔係好似、更完全唔神似，最似嘅時候係戴上黑超嘅時候⋯⋯Michael未整容之前好靚仔😍身裁高佻手長腳長好適合跳舞，最有神嘅係對靈魂之窗，可以攝魄勾魂，唔可以怪演員，因為世上再無來者，Michael係無可取代嘅唯一，one and the only one😱😱😱至於啲歌都唔係原唱，雖然仿唱好努力💪但總係爭啲爭啲，因為我居然不自覺地起晒雞皮⋯⋯身體話俾我知，哩啲翻唱唔單止止唔到咳，直情係東施效顰⋯⋯我都係返屋企重溫Michael最後一齣電影This is it（2009），喺佢死後發行，紀錄佢最後巡演（因佢猝逝而告吹）之前嘅綵排片斷和花絮⋯⋯那次睇緊時同睇完後，充分明白乜嘢叫損失和可惜，殘念😭😭

恕我唔識欣賞，作為人物傳記電影，呢套比我感覺係比其他同類電影節奏特別慢、劇情表面得來又臃腫，幾拖戲。個人認為問題出在劇情欠缺深度，故事流於表面、唔夠深入，MJ生平同劇情故事都不完整，探討嘅嘢太少，淨係集中講貪錢阿爸咁，佢生平其他事蹟同一啲陰謀面輕輕帶過甚至不提，劇本本身帶到比觀眾嘅訊息有限，雖然佢一直強調自己嘅未來應該自己掌握，奈何實在太過表面。我甚至覺得劇情有啲沉悶，唔係單純鋪直述咁簡單，電影亦都欠缺一般人物傳記電影嘅激情同意義，睇完實在唔覺有咩得着，亦都冇乜震撼感覺，雖然歌係好聽，但電影後期不斷播呢位MJ演員嘅唱條片段，坦白講冇乜感覺，喜歡米高積遜嘅上網睇YouTube都得，唔需要喺度睇翻版連唱幾首歌；唔熟悉佢嘅，可能會睇到覺得心諗「唱夠未？」，我寧願睇套戲介紹佢更多事蹟，會更有興趣。