別離無恙

首先我認錯濱邊美波係吉岡里帆，所以入場。雖然前者嬌小可愛，但演技表面，男主角目黑蓮得個「木」字，佢兩個嘅演技，加上日本電影嘅慢節奏，後半部份拖拖拉拉，都係扣分嘅因素。雖然故事似係混合《禮儀司》《破地獄》，但唔係1+1=2！冇禮儀司咁經典，亦冇破地獄咁感人和親切感！電影由幾個小故事串連而成，喪妻、喪女、喪偶、喪母、喪姊、喪祖母⋯⋯透過有陰陽眼嘅女主角，了卻逝者心願，放下包袱，死而無憾地上路，去到彼岸等待和親人重聚⋯⋯喪禮上充滿俊男美女、連死者、小朋友、出席喪禮嘅親友、工作人員🧑‍💼都好高顏值，配上雪花❄️櫻花🌸帶出正向面對喪禮嘅信息，「告別儀式」只是暫別，生者逝者都要放下，前者好好過活until we meet again！但願大家豁達面對生離死別啦。

典型日式電影，感覺就係第二套禮儀師的奏鳴曲，非常感人，但劇本係有新意嘅，以女主角能夠睇到逝者為背景、講佢點樣加入殯儀業，講述幾個唔同嘅生離死別故事，又可以知道日本對於呢個工作嘅執着同尊敬，整體拍出嚟係幾催淚！套戲亦都捕捉到觀眾嗰種情緒同淚點，每個小故事都有唔同意思，有意義之餘睇完係會令有心結嘅人得到釋懷－冇人應該主動忘記一啲嘢，大家應該好好掛住、好好懷念，記住逝者嘅美好嘅同時、都要努力前進。個人認為呢套戲比起破地獄更加好睇、更加完整，成套戲俾人感覺好正面同舒服，相信大家睇完都可以袋走一啲嘢、有得着！

除咗感動，仲多咗個原諒同放手，生人地獄要破，死人地獄都要破，好好道別及放手

為咗日版《破地獄》呢個名而入場，但其實兩套風格好唔同，呢套係主打放下，用一個比較釋懷嘅態度去面對親人離開，催淚嘅位都真係幾催淚，頭15分鐘已經喊得岀，目黑蓮真係好吸引，相信未來日本演藝界都係佢天下。