金多寶

3.8⭐一路睇冇唸過竟然呢套嘢臨尾都要嚟過反轉，局中有局。😄電影由頭到尾都強調"家庭”，故事亦以此為核心展開。過往大部分賀歲片都係以熱鬧、攪笑為目標，故事劇情只屬次要，以致劇情堆堆砌砌，此作某程度上都算係咁，不過堆砌得嚟仍能緊貼主題，拍出家嘅感覺，帶出家庭每一個成員都要互相愛惜、信賴、坦誠，才能有個穩固嘅家呢個信息。算係有笑有淚之餘同時帶比觀眾新年温暖正能量，唔係一套完全膚淺嘅賀歲片。演員方面，整體每一個都表現到位，性格鮮明，家庭成員每一個都令人印象深刻，如果真係要選嘅會係金燕玲同鍾雪，因為描寫佢兩個之間篇幅算最多同較細膩。不過李尚正喺本片中亦非常搶鏡，亦係製造笑料嘅重要角色。另外，本片亦有其他串星出現，帶來驚喜，其中2個更加係重量級，在此不便透露，留待觀眾入場欣賞。整體係一套輕鬆、令人會心微笑嘅溫情電影，有新年感，但冇刻意賣弄"恭喜發財，金多寶仝人祝大家新年快樂"嘅賀歲片。PS.• 李尚正的士內所謂"鬧“校長陳輝虹果度幾好笑🤣• 呢套賀歲片係一套有紋有路嘅賀歲片

非一般賀歲片 無低俗笑話 唔係無聊爆笑果種賀歲片 而係一套充滿香港情懷同温情嘅電影 好多鏡頭都拍得好靚 大位向港產片致敬彩蛋 令你回心微笑 有笑有淚 結局令人意想不到金燕玲真係MVP 佢同鍾雪瑩嘅戲好真摯又感人 睇到眼濕濕 睇完好想返屋企攬攬屋企人 好值得一家大細入場睇

我嘅爺爺就係一至六合彩買咗幾十年嘅。知道呢齣戲嘅背景，已經好想睇，懷念一下爺爺。好鍾意呢套戲，尤其是金燕玲真係做得好好。同埋套戲嘅中英文名都改得好好

电影金多宝好睇，故事完整，有温情，有笑料，主要角色有發挥，配角和客串都有驚喜，片尾歌曲动聽。

一部令你笑住開場，喊住離場嘅温馨賀歲片！

有溫度既搞笑賀歲片，新年值得入去睇！