貓王

可以睇到貓王嘅一生真係好好，同時戲入面嘅歌一路聽一路想跟住咁震埋一份跳埋一份，不過講到貓王被經理人控制晒佢所有嘅演出覺得真係幾慘

個人覺得套戲是不錯，導演整體處理同執行也可。我會形容這套是有形有神但內涵同深層描繪上卻不夠。好走馬看花般，但導演懂以銳利剪接同過場來掩蓋。其實如果可以少一點快速剪接，多一點對皮里士利情感世界的描寫，感覺會好得多。無可否認這套無論在美術、服裝、髮型也是雕琢得很美，可以重現貓王這樣的華麗同他獨特的魅力。可以保持導演在這方面的專長。而演繹方面，無論 奧斯汀畢拿 好或是 湯漢斯 也是佳。奧在模仿貓王的確傳神，無論台風、外形、神韻也像，情感處理也是好。個人會覺得他在衣帽間想念媽媽的一段演得最好。但個人喜歡湯的演繹多於奧。最少湯在角色處理上比奧細緻，他可以演繹上校這份充滿功利主義、貪婪、不停壓榨貓王一切的人渣經理人。痴·影·夢·藝 X 的專頁 https://www.facebook.com/ckwunmovie/

電影記錄了貓王的一生事蹟，從出生開始，音樂才能萌芽期，成名，低落，性上㽼，濫藥，最後英年早逝。若電影去深入剖析貓王的内心世界，可能令電影戲劇性更高，但相信帶來不少爭議性。片中不少貓王金曲和舞姿，相信滿足“貓粉”及令人知道為何他如此吸引。片中另一重點角色是猫王的經理人，電影大篇幅講他大量剝削金錢，毁滅猫王一生，如貓王所說“人在迷失時，很容易被人拿好處”，但電影又不忘為他平反，說觀眾才是毁滅貓王，我想起梅姐那首“在舞台上覓理想”。貓王一生，悲情人生，除了媽媽和妻子外，其他人都依附在他身體的吸血蟲。個人覺得電影若加些旁述，會讓貓王形象更深刻和富線條，畢竟很多人都未經歷那“貓時代”。可以一看。

如題.....此片完成度高,各方面如編、導、演、技術、美術、剪接、分鏡、音響等等均非常到位,另觀眾睇得好舒服流暢, 2小時40分鐘都唔覺得悶, 好快就過咗。傳記片拍得唔悶真係唔容易。以戲論戲, 同近期本地梅艷方比，此片制作、劇本、技術同技考真係技高幾籌。當然，制作成本亦都唔只高幾籌。😄😄😄

佢死嘅時候 我中四16歲但我從未喜歡過佢同佢啲歌原因得一個：我爸爸我爸那時三十幾 飛機頭 牛仔褲 花裇衫一行出街 係人都知佢係貓迷我屋企有一整個櫃桶嘅貓王卡式帶終日播個不停媽走咗之後 屋企窮 食得唔好 但老爸仍不停買錄音帶所以我有好充份理由對貓王冇好感哩個人細個好窮 窮到住喺黑白人混雜嘅貧民區結果深受黑人藍調音樂同舞步嘅影響喺黑人被歧視嘅時代以白人歌手憑黑人唱腔同性感舞蹈自成一格五六十年代風靡一時 七十年代開始過氣但至今仍是史上個人唱片總銷量最高嘅單一男歌手佢嘅電影係爛片 佢嘅歌唱嚟唱去都係溝女情歌不過無可否認佢係King of Rock n Roll 佢從不欺場 喺舞台上忘情忘我嘅演出令人感動激動可惜一個曾經無敵嘅人通常越嚟越孤獨寂寞習慣畀數以萬計嘅歌迷簇擁愛戴習慣畀熣燦燈光聚焦所以一落台步入寂靜嘅黑夜便感到空虛 缺乏安全感失眠酗酒縱慾吸毒陸續出現 然後晚晚匯聚折磨這舞台王者加上不擅理財揮金如土豬朋狗友家人阿諛逢迎疏離妻女最後在居心叵測陰險狡詐嘅經理人蠶食鯨吞重重剝削下這個王者外強中乾 只是一個被困在拉斯維加斯洲際酒店嘅囚徒連披頭四滾石樂隊世界巡迴演唱嘅自由都冇讓世界更多人認識欣賞佢嘅夢想成為壯志未酬嘅虛渺期盼終局和後來嘅樂壇巨星如Michael Jackson, Whitney Houston一樣淪為毒蟲死於「心臟病」電影差不多三小時 但流暢明快冇悶場 一氣呵成 誠屬難能可貴Austin Butler形神唱做俱佳不過Tom Hanks不愧兩屆影帝 化裝一流 演技神級雖然全片演員眾多 但觀眾只會記得這兩人之間嘅對手戲這是一部精彩嘅傳記電影 不過略為平鋪直敘所以最佳電影最佳導演最佳劇本等獎項就未必可以爭奪充其量只可以競逐一啲演技獎項而已睇完電影之後 我決定原諒Elvis同家父佢哋因為孤獨而軟弱 忽略咗愛護身邊嘅親人雖然值得同情 但絕不是堅強嘅男子漢大丈夫

由細到大我只知道貓王的長䄪穗油頭同條大喇叭褲，睇完呢套160分鐘長的貓王電影，我終於認識到咩叫震過貓王！（明明羅志祥更利害！）其實睇完套戲，我唔太明女士們何以尖叫如此；另外反對貓王的聲音及勢力，我也不明何解在Elvis服兵役後消失？但電影重點就是說明經理人的重要性，Elvis的一生根本被Parker搞垮！.劇情方面，以Elvis傳記故事般從他小時候成長深受黑人音樂文化影響，到他初出道時候一鳴驚人，名成利就，家庭事業走過高山低谷，到後期飽受困擾，情緒低落，英年早逝，每個階段都有提及，但沒有很內心的描繪。反而電影不時以Parker的角度口述，哄騙Elvis同時哄騙觀眾，幾有趣的表達手法。.演員方面，兩位男主角都表現出色，Austin Bulter好charm，Tom Hanks老練演技甚有氣勢，做到角色應有的壓場感。.離場時沒有一幕特別印象深刻，但160分鐘不會覺得沉悶，而且會慨嘆貓王遇到Parker的失多於得。. 觀影平台: The One 百老滙.IG : andymyf / #AndyMovieReview