花綠青綻放之時

故事好簡單直線，以日式文藝手法處理，嘆慢板+空鏡，所以會較為平淡，但美術設計獨特，視覺效果不俗。適合喜歡較靜態啲嘅作品嘅觀眾。

前2/3用咗大量時間鋪墊，就為咗放煙花嗰一刻。只要煙花成功綻放，一切努力都係值得。相當有詩意嘅電影。4.4/5 （88分）

分鏡、運鏡、Stop Motion、音響都很出色，建議找間音響不錯的戲院看。故事提及的議題正好近期北海道有類似的發生，相信日本人看是多點共鳴。

《花綠青綻放之時》係四宮義俊首部動畫長片，佢曾於新海誠《你的名字》、《言葉之庭》等作品擔任美術指導同動畫師，動畫由萩原利久、古川琴音、入野自由、岡部隆配音。.畫面美術都唔錯，個人幾鍾意個畫風👍🏻而且配樂都正🙌🏻.故事主要係講主角想完成父親嘅心願，完成傳說嘅煙火「守破離」，一齊睇三位主角點排除萬難，同埋睇成唔成功。.另外一個重點係反城市化，一齊保護自己所住嘅故鄉，雖然係成日睇到嘅劇情，但主角用煙火嚟計劃，希望可以盡力阻止呢件事。.成套動畫時長只係一個鐘多少少，但其實節奏可以再快啲，不過最後十五分鐘都幾熱血🎆🎇.P.S. imase 創作嘅主題曲《青葉》正🤩

呢套戲係睇畫面同埋動畫藝術，個分鏡做得好好，畫面色彩好有層次

經紙本分格知道呢套電影。本身已經好期待 ，美術方面的確有新海誠班底加持同埋影子，真係每一格都好靚。尤其喺戲院睇最後煙花部分，難以置信手繪可以有咁嘅效果。故事時間線唔細睇會有少少亂，可以留意女主角嘅衣着就會理清個時序。主角年少輕狂嘅表現有啲中二，但每個人年輕嘅時候應該都有過好瘋狂嘅幻想，相信自己可以做倒一啲野改變世界。呢度就用咗煙花做個媒介去講因為成長而被迫帶走一啲對故鄉嘅回憶，搵唔到反屋企嘅理由，被迫轉變但對過去又有留戀。好似煙花一樣，只有短暫但又無法令人忘懷的美。係一個關於捍衛[傳統]嘅故事，同時覺得有啲反映到現今嘅社會狀況。劇情嚟講導演第一次執導係相對冇咁扎實，但對藝術嘅堅持同埋精美度已值回價價。希望導演努力成為下一個新海誠。