MASTERS OF THE UNIVERSE 宇宙天王

3.7⭐請骷髏頭堡賜我力量～～我已經充滿力量啦～～！呢兩句嘢 He-Man 動畫每次變身都要叫一次！聽到熟哂！😅He-Man 動畫以前有睇過， 但唔算係fan屎，好多嘢都已經唔記得咗。估唔到今次電影版以喜劇手法拍攝。印象中動畫He-Man 男主角冇呢個電影版男主角咁柒咁屎波。電影整體以簡單娛樂爽片方向製作，爽度不俗，故事就簡單直線，劇情發展係可以預期，不過有啲劇情就比較兒戲求其。動作場面設計合格有餘，不過人物描寫就表面啲，演員演出就一般OK 啦！男主角夠大隻，面相造型撐到同動畫版個 look 近似。整體此作編、導、演、製作唔算A級，有唔少地方可以挑剔，但娛樂性尚算不俗，可以一看。PS.• 我一睇He-Man 男主角就唸起陳奕迅。五官表達同肢體行為表現都好相似。• 臨尾He-Man 從骷髏魔手上 "搶" 回神劍太容易啦！基本上唔係搶回，係取回。• 彩蛋 She-Ra 唔知會係獨立電影定係喺 He-Man 第2集出現呢?

He Man 現實版，整體一般，加0.5分比外型討好的男女主角

#宇宙天王 #MastersOfTheUniverse大家好，我係Wild Wildy！今日同大家深度剖析呢套全新嘅真人版電影——《宇宙天王》(Masters of the Universe)！呢套作品係繼1987年之後，呢個經典IP嘅第二部真人改編電影。今次由 Travis Knight 執導（佢之前執導過《大黃蜂》(Bumblebee) 同《魔弦傳說》(Kubo and the Two Strings) ），劇本就由 Chris Butler、Aaron Nee、Adam Nee 同埋 David Callaham 聯手打造。演員陣容方面有唔少高顏值面孔，包括飾演 Teela 同邪惡女法師 Evil-Lyn 嘅演員，仲有飾演正義女法師 The Sorceress 嘅 Morena Baccarin（即係《死侍》(Deadpool) 入面飾演死侍老婆嗰位）。一黎照舊同大家睇吓現時網上嘅評分：IMDb： 7 / 10Rotten Tomatoes (爛番茄)： 影評人 73% / 觀眾評分 -講真，He-Man 嘅故事核心，其實包裝咗好多大家耳熟能詳嘅經典原創元素：外星人超人 Kal-El 嘅身世、王子復仇記，甚至帶點《獅子王》(The Lion King) Simba 嘅影子。呢次改編令人大開眼界、值得拍手掌嘅位：八両金頭終於講拜拜： 呢次最明顯嘅改良，絕對係 He-Man 嘅髮型！以前卡通嗰種死板、俾人笑足咁多年嘅「八両金」椰菜頭不復存在，變到更有層次、更飄逸，行起路落嚟帶風，型仔好多！經典對白一出，敬禮同high high： 當主角嗌出 “By the name of Grayskull, I’ve got the power!” 變身，仲要三次，嗰種童年回憶殺真係出晒嚟，超有感覺！角色成長合理。He-Man 成長線鋪排得幾有吸引力；但不夠如Avatar君臨天下時的感動同霸氣女角全線高顏值、絕不「dei」： 戲入面各個女角色都好靚女，無論係正義嘅 Teela、邪惡女法師 Evil-Lyn，定係 Morena Baccarin 飾演嘅正義女法師 The Sorceress，顏值全部喺線，視覺效果極度賞心悅目。但正邪女巫師鬥法欠奉； Orki 無膽貓出場太少；披甲更是十秒都無滿滿嘅情懷致敬位： 骨灰級老粉一定會睇到好興奮，因為戲入面出現好多向原版卡通致敬嘅經典角色;第一代Heyman農格爾有粉墨登場。好似鐵頭（Ram Man）、鐵拳（Fisto）、長頸（Mekanek）等等；最正嘅係 Adam 未變身前著嗰件經典粉紅色上衣都有還原！卡通笑姿都還元，但太合家歡，太多喊位，太傻仔或優柔寡斷會扣分長鏡頭武打與合家歡氛圍： 武術指導今次試咗一 take 過嘅長鏡頭，用刀同短槍嘅武打動作雖然唔算十分流暢清爽，但誠意可嘉。成套戲盡量遍佈笑料，營造出一種合家歡嘅歡樂感覺。連我都忍唔住心微笑咗幾次，甚至大笑咗一兩聲，現局所見啲外國人（老外）更是笑到好開心。片尾招牌大笑神還原： 臨尾播返少少原版主題曲做背景音樂，雖然真係太少，但片尾一幕模仿卡通片所有角色一齊叉腰、向後仰然後招牌式大笑，嗰下回憶真係返晒嚟！不過，睇完令人覺得尷尬、不吐不快嘅位：職場溝通大道理講得太 Over： 電影好想透過故事嘗試帶出「職場需要溝通」、「唔好做一人部隊」呢類現代團隊精神。出發點係好，但講得太多、太露骨，甚至貫穿整套電影想夾硬做主題，對同袍講完，竟然對住宿敵骷髏魔（Skeletor）都講！真係太過火（over）喇。難怪「戈台海 Film Club」嘅影評都認為呢套戲過度消費呢個 IP，反而破壞咗它原本嘅神髓。後三分一太慢，兩個半鍾無需要（踎監一幕可濃縮）冷笑話橫飛： 電影去到最後三分之一，原本應該係高潮迭起，但就塞咗太多同類冷笑話同爛 gag，搞到節奏拖慢。而且 He-Man 處理事情變得太過優柔寡斷，整體顯得太傻仔。笑料不對胃口，尷尬感滿瀉： 雖然套戲想做合家歡，但好多幽默位設計得好尷尬，好多時令人笑唔出。真係難為場入面啲老外可以笑得咁高興，文化差異確實有少少大。黃金設定被浪費、大戰期望落空： 呢點真係大敗筆！明明兩大女法師（正邪女法師）咁靚女，最後竟然無一場精彩嘅法力大對決！「無膽貓」（Battle Cat）披甲上陣嘅型爆畫面，居然留到去最後最後嘅後段先出現一星半點。更過分嘅係，人氣小巫師 Orko 居然得 credit（片尾片花）先露一露面！而且完全唔推動男女主角嘅愛情線，浪費晒啲黃金機會。主角喊太多，感動位變零感人： He-Man 喺套戲入面喊得太多喇！雖然男主角已經盡晒力去喊，但因為前期對佢同父親之間嘅父子感情培養根本不夠，缺少鋪墊，導致後面嘅生離死別完全帶動唔到觀眾情緒，變成零感人。骷髏魔變咗大善人： 其實睇落骷髏魔根本不算壞人，因為佢次次捉到機會，都唔會對主角或者前朝元老痛下殺手。不過算啦，呢個本身就係當年卡通片每集嘅公式流程，集集如是，當作是另類致敬吧。但這是原卡通片設定我老粉接受呢總結我唔想各打 50 大板。但實話實說，《宇宙天王》的確有佢嘅誠意同出色之處，但同時亦有好多會令老粉絲不滿、或者令新觀眾睇到一頭霧水嘅地方。我個人認為，如果你係由細睇到大嘅老粉（老闆級觀眾），你大概會接受呢套戲，我會比 6.5 至 7 分。但如果你係完全無情懷嘅新觀眾，你真係會不明白點解要喺大銀幕睇一個肌肉男著得咁少衫通街走。不過電影留低咗唔少伏筆，睇怕之後仲會有 She-la（神力女超人）登場，同埋玩無限復活。

如果電影放係十年前超級英雄片當道嘅時代播，《宇宙天王》都唔見得特別出色，而係Marvel超英片都沒落中嘅當下，再拍攝呢種人設、劇情、特技、打鬥都唔特別出色嘅超英片，顯得有啲老土。但都feel到《宇宙天王》想玩咩：戲中幾乎全部男角都係失敗的Man，看似最成功就係女主角；亦有好多吐槽超級英雄漫畫黑板形象嘅橋段，總整睇黎都係想玩「唔係因為有力量所以強大，係因為強大所以先有力量」嘅英雄探索故事。但都係個句，係睇過N次類似橋段嘅2026年，加上好多笑唔出嘅笑話（笑話甚至只可以用愉快氣氛黎形容）如果唔係此系列fans，好難講得出呢套超英電影好吸引。補充：男主角宇宙天王嘅人設非常唔吸引，玩左大半套廢柴人設形象先翻身成最強呢個設定我唔知係咪跟原著，我自己睇超級英雄片就唔太鍾意呢種風格；反而最大奸角都有小小廢柴人設呢點令我喜出望外，會賣萌又殺人如麻、外表都幾型又有少少吐槽「奸角」呢種刻板印象嘅骷髏王係我比呢套戲至3分嘅最大理由！

導演竟然成功將一樣80年代嘅野改編成一套電影，奇蹟。無可否認呢套係一場視聽盛宴，配樂再加視覺效果都幾正，雖然有啲位CG有啲粗糙。劇本都有一個缺點就係用咗好多生硬同埋過時嘅對白去削弱咗嚴肅嘅氣氛，好彩嘅係動作設計彌補到呢一點。Nicholas Galitzine呢個選角太好了，但都係唔夠Jared Leto搶鏡，佢嗰個浮誇又充滿活力嘅表演令人印象深刻。

劇情係大路野，睇得好爽不過動作ok剪接技巧都