東京的士:回憶里程

上映日期: 2026年2月5日 片長: | 104 分鐘 級別:
IIA
4.5
評分
316 讚好 89 影評
日本國民導演山田洋次第91部導演作品,以一趟緩緩駛向終點的短暫旅程,向悠長人生中的段段光景致敬:故事圍繞的士司機宇佐美浩二(木村拓哉 飾)展開,他每日奔波於都市間工作養家,卻因女兒的學費、的士驗車費、房屋租金等接踵而至的現實壓力而身心俱疲。某日,浩二接到一項特別的委託——接載年邁的高野菫女士(倍賞千惠子 飾)從東京柴又前往神奈川葉山的養老院。「在離開東京之前,想先到幾個想去的地方看看」,菫女士淡然請求。隨著的士駛過日本的大街小巷,陌生的兩人逐漸打開心扉,菫女士也徐徐道出自己跌宕的人生過往。這趟偶然的旅程,不僅觸動了他們的心靈,也讓二人在平凡的日子中,為彼此的人生留下難忘的美好印記。
顯示更多 arrow-down
JustWatch Logo
loading
影評
詳情
場次
X
Lv. 10
star 5.0
一套充滿溫度同一絕技術的日本大師新作
我會形容套戲是好精彩。首先,這副劇本,好為山田老師量身定做,可能只有他,才可以駕馭到。因為他有經歷同庶民感的描寫風格,才可以同這個劇本所匹配。咁當然山田老師也不負重望,依然可交出一副好有溫度、亮度、唯美的傑作,他可以好精準將法國原版,完美地改為日本版,一點也不有水土不服感,或者只有東京才可以有這份歷史才可襯到這個改編。的確,無論是木村或倍賞千惠子,演繹也是好精湛,這對哈爾CP再次合作,所產生的互動好生動,今次木村這樣脫下光環,演草根的司機無疑討好,他可既有日本的士司機這份端莊,又有山田老師最善長的庶民設計,這樣配合,的確令人眼前一亮,咁當然他今次只屬襯托,倍賞才是上把我會講,倍賞的演繹是好睇到難以想像,她演得好充分演繹出角色份量同深度,既有角色所散發出優雅,而又有富深度的情感處理,再加上同木村之交流互動,令整個角色好立體同深刻。 當然這套攝影也屬極品,好多位的攝影、調色、光,也是好唯美、目不暇給的暖色調飽和感,這樣好令我這類唯美控好心動。我會講,如果國寶是冷色調的唯美代表,這套便是暖色調的唯美代表。痴·影·夢·藝 X 的專頁 https://www.facebook.com/ckwunmovie/
顯示更多 arrow-down
9  負評
0  回應
責任影評
Lv. 10
star 4.0
乗客"R"的士佬吹水話舊屎
一套以公路電影形式,藉的士司機同乘客吹水帶出一個女性辛酸故事。手法唔算新鮮,過往其他電影都有類似手法。本作女主角嘅回憶故事劇情亦唔算特別精彩,都係一般愛情/家庭問題,不過導演處理手法成熟流暢,攝影/鏡頭運用加埋懷舊味配樂,形造出一種懷舊又 relax 嘅旅程氛圍,令觀眾睇得舒服同投入。男女主角選角同演出亦ok,幾match。整體製作不俗,暖心多過催淚,可以入場。PS.• 主角其實係老太婆,木村係襯托• 木村其實係做咗一日出租男友包埋揸車 😅• 電影睇咗一半結局已經可以預期,老太婆心態係可以理解嘅• 我認為電影暖心多過催淚,不過亦有眼淺女觀眾睇到索下索下• 有人認為木村太靚仔唔似的哥,我不認同,靚仔就唔會去揸的士咩?我哋香港都有靚仔豬肉佬,我亦親眼見過街市有靚女賣魚,忍唔住啤多幾眼,當時身邊女性友人都話佢好靚 😅• 根據youtube片,呢套戲原來都係翻拍改編自一套法國電影,並非原創作品。
顯示更多 arrow-down
11  負評
9  回應
李奧
Lv. 10
star 4.5
有份量小品電影
平淡得嚟有特色嘅電影,寫出嚟嘅故事都幾有趣,木村演落自然,睇得舒服!部的士係堅揸,無乜揸流攤,呢一點絕對值得加分!帶有少少感人位,恰到好處剛剛好,實屬值得一睇嘅電影!👍🏻
顯示更多 arrow-down
0  負評
0  回應
rahrahsa
Lv. 10
star 4.5
好有戲,演員做得好好!值得入場睇!
演員零秒入戲,做得好好!故事平凡但唔普通,遊完東京景點,都想去實地睇睇。值得入場
顯示更多 arrow-down
0  負評
0  回應
阿甘的巧克力
Lv. 10
star 4.5
木村仲係咁好J!
非常好睇、有溫度嘅電影,雖然睇完預告片、加上睇到木村一開頭為錢煩惱時,已經估到哂個結尾。但本人本身睇故事從來唔注重結尾而係重視講故事嘅過程,而《東京的士》講故事就非常好睇啦。雖然電影節奏偏慢,但兩位主角嘅人設飽滿、女主角嘅故事你話驚天動地又算不上,但完全體會到60年前係日本呢個咁父權嘅國家(而家嘅日本父權情況仍然嚴重)做女人嘅難處;木村做暖男角色駕輕就熟,佢本性咁演出已經非常有魅力。兩位初識至開始打開心扉嘅過程說服力十足,整個過程好似我另一套非常之鍾意嘅電影《解憂計情車》。係咪搭的士嘅電影特別好睇?不過《東京的士》比起《解憂計情車》嘅空間感大啲,無咁多限制於的士內。相比起黎《東京的士》嘅對白較小,但好睇程度不相伯仲,短短幾句亦快速代入到男女主角忘年之交嘅氣氛入面;加上電影講故事技巧、對白、鏡頭、冷暖色對比配合得好好,令到結尾最煽情嘅位我都睇得好感動。真係好鍾意呢種無驚天動地劇情、但又溫暖人心嘅電影,日本代表有《新活日常》同呢套《東京的車》;上面講嘅《解憂計情車》都好睇!
顯示更多 arrow-down
3  負評
0  回應
四處獨看🍕
Lv. 10
star 4.5
充滿暖意的公路電影
山田導演的電影一貫小人物的溫暖故事,中間插入不少笑點令故事不致於太過沉重。宇佐美的家看起來很有《嫲煩家族》的影子和格局,而且都是有蒼井優呢。電影把東京和橫濱拍得很美,再由這段旅程帶回高野女士的回憶,中間其實再穿插一些史實事件(二戰、言問橋、韓戰、美國女權運動),帶觀眾進入一個活生生的口述歷史之中。故事走向的確是可預想,看完才知是改篇而成,但出來的效果就相當在地化。有時人與人之間就是這麼神奇,有些一起生活了五年都無法交心,有些卻只是數小時就成了忘年之交,真是緣份和時機。
顯示更多 arrow-down
0  負評
0  回應
私隱政策
使用條款
免責條款
a6e77aa