日租家庭

3.8⭐有人話破•地獄係港版禮儀師，咁我覺得日租家庭係日版嘅破•地獄。故事講述一家公司專門提供角色扮演服務為客人解決問題。電影以幾個cases串連，從提供人性化 tailor-made 角色扮演服務以外，同時為clients (活人) 破地獄，解開心結。電影整體屬中上水平，故事流暢，其中安排一個外國人角色令電影增添新意同趣味，有種 East meets West 嘅感覺。整體唔係玩催淚，係玩暖心。不過，電影對洋主角及後段對其公司同事描寫較淺薄，個性轉折位較突兀。另外，最後公司同事男主角施計令警方徹控似乎求其咗啲，速咗啲，係咁二帶過就算。整體電影未至於拍得非常出色，但拍得算暖心，亦令觀眾有思考，有代入感，可以推薦一看。PS. • 從來都話販毒嘅人係唔會吸毒，睇完呢套戲我要從新思考呢個 saying 😅

加分位喺對白上…演員們都有下苦工；班頓費沙識講日文，其他日本演員講英文絕對唔差，都幾堅！有感人位…故事好真實，實屬小品佳作！

正面帶出日本文化既壓力，其實人與人之間無honest 係日本既文化，難得日本人導演拍出外國人咁睇返本土文化既角度，值得入場！選角一流，加分！

這電影還真是為我稍為解答了為什麼日本電影喜歡探討情緒問題，可精神科醫生或心理輔導的角色總是缺失了的問題。以一個外國人的視點試著理解日本的文化，雖然到最後還未必真是完全理解，而我相信日本人自己都不一定理解自家的所有文化。不過這電影真是給我們比較深入的角度去探討日本各種事宜。劇本優秀、演員精彩、配樂都出色。雖然依然是日式慢節奏但無一個鏡頭是冗長的，可以從中細味每個角色的情緒/思想上的轉變。

都係啲感情嘅描述冇乜特別

之前睇畫頭，已經期望要睇「日租家庭」，見多人有好評亦講活睇到喊出眼淚嚟，要拎紙巾入場云云，於是更抱頗高期望去睇，點知，完全無觸動到要攞紙巾，全場唔少人嘅，但無拎紙巾或索鼻聲。睇開日本戲，由八十年代搶錢家族開始，呢類黑色幽默、倫理悲歌，日本人拍得好有鮮明風格，今次日租家庭就溝咗美式直腸直肚、即食嘅通病，攪到似欠深度嘅肥皂劇，所以真係有啲失望，我睇搶錢家族甚至屍殺片場都有感動位，眼濕濕，但今套戲就只可以話係小小溫情小品。由第一單生意扮結婚，到陪老演員扮傳奇作者，到重頭戲扮阿爸，都好平舖直敘，內心嘅起伏都只係蜻蜓點水，已經冇去質疑啲奇怪不合理位嘞。總之，對我而言，係部似媚美小品多過濃厚日本深情滲透嘅佳作。