女孩不平凡

上映日期: 2026年3月5日 片長: | 100 分鐘 級別:
IIB
4.0
評分
297 讚好 30 影評
三個時代、三個城市、三段戀情,溫柔回溯一個平凡女孩習愛的不凡旅程。17歲時的青春懵懂,22歲時的不夠勇敢,34歲時經過現實打磨的蛻變成長,《骨妹》導演徐欣羨以愛情為線,穿梭香港、台灣、澳門三地時空,交織出愛的不同模樣。廖子妤、余香凝攜手再譜動人篇章,許恩怡、劉漪琳共創青澀心跳回憶,鄧濤、韓寧赤誠追尋愛的極致。
顯示更多 arrow-down
loading
影評
詳情
場次
X
Lv. 10
star 4.0
一套描寫得細緻的女同性戀者成長片
個人覺得套戲是好睇。我會形容徐導整個執行同調度也是好睇,可以拍出關係中這份萌芽曖昧、相處角力同在成長後對關係的另一層演繹,這些方面徐導的執行均好細緻。講真我是喜歡她這樣舖排,這樣反向的舖排,可以產生出好有層次的情感。個人覺得徐導想藉套戲想講越成長,對事對關係的睇法也日趨不同,由對性向之曖昧到勇敢跳出框架,再由勇敢互動到求穩定關係,這樣徐導的描寫同調度也好睇同細膩,而這樣演變正正是GL族群所面對的情況。當然套戲中六個女演員的演繹也是妳睇,尤其鄧濤最為亮麗。痴·影·夢·藝 X 的專頁 https://www.facebook.com/ckwunmovie/
顯示更多 arrow-down
3  負評
0  回應
責任影評
Lv. 10
star 3.5
女孩其實好平凡
3.3⭐好平淡好一般嘅現代愛情故事劇情,只不過係換咗女女嘅關係。戲味唔濃之外,亦唔覺有乜嘢 msg 要傳達比觀眾。3個面孔、髮型、身型完全不同嘅女演員去演同一個角色不同年齡階段令觀眾投入度大大降低,係失敗嘅地方。演員同角色嚴重唔連戲之外,每次戲劇時序改變都要從新適應邊個即係邊個,令觀眾出哂戲。其待下次劇情更豐富嘅作品。PS.• 離場時感覺好似睇咗3個不同人物嘅短篇故事咁。
顯示更多 arrow-down
13  負評
0  回應
Andymyf
Lv. 10
star 3.5
情感細膩的GL小品
本身看到6位演員的牌頭以為是3段GL故事,看到一半才驚覺是同一個女生的故事,相信是導演自身的故事。電影以三個不同年齡時期,於港澳台三地的故事凑成,利用倒敍手法,由當下,大學回到中學,一步一步回看主角過去的經歷,成就現在的自己。中學時代由許恩怡飾演,「失一次戀先可以成長」的想法令我挺深刻的,看到她勇敢求愛,有股勇往直前的傻勁。大學時代由鄧濤飾演,順利出國但並非事事如意,面對同學及情人有不少抱怨,除了一頭短橙髮,個性也變得有點暴燥。當下由廖子妤飾演,事業未如人意,戀人相處也常被先斬後奏,但主角學會妥協,接受,真真正正的成長了。戲中三位演員樣貌並不相似,很難想像是同一人,但導演巧妙地透過名字,角色背景,以至家人讓觀眾自行腦補串連成同一個「本體」,亦將角色之成就暗示是導演本尊,算是彩蛋嗎?戲中主角遇上的三個對象,對主角有不同啟蒙;三個階段巧合地出現類似處境,主角內心所想與實際情況不一,主角以不同方式回應也見另一半的影響力。母親與表姐也是對主角影響深遠的人物,電影以女性作主導,情感部份寫得好拍得好,特別是Fish及Jennifer的互動,反而中段有少少悶場,不過整體觀感是部情感細膩的小品。觀影平台: 高先電影院IG: AndyMyFilmography/ #AndyMovieReview
顯示更多 arrow-down
1  負評
0  回應
Anthony Leung
Lv. 10
star 3.0
女女
倒叙形式講一個女同故事, 女女關係不是新鮮事, 平平淡淡沒有高潮位. 取景於香港, 澳門, 台灣, 三個地方係最大亮點.
顯示更多 arrow-down
0  負評
0  回應
秋名山
Lv. 5
star 5.0
跳出主流女同性戀觀影的蒙太奇
主流觀影女同性戀嘅角度大多聚焦於其成長背景,以線性關係分析點解女主角會變成女同性戀者。《女孩不平凡》以蒙太奇帶領觀眾反思為何不平凡。人到中年,大多想做個普普通通嘅人,唔好搞咁多嘢,但係咁樣入唔代表我哋真係過活得開心。咁係咪代表反叛、標奇立異、染個橙色頭,每日生活喺自由嘅國度就代表係不平凡呢?視乎自由只係為我哋帶來更多嘅困惑,亦都唔知道自己究竟想點。當我哋再去追溯初生之犢嘅時候,發現原來我哋曾經都試過為咗自己鍾意嘅人和事,鼓起勇氣戰戰兢兢咁踏出第一步。或者咁樣已經係不平凡。
顯示更多 arrow-down
0  負評
0  回應
Lv. 2
star 5.0
三個城市 - 關於愛的成長往事
第一次見到女孩不平凡嘅宣傳,心諗呢個陣容實在太夢幻了吧!中學階段有許恩怡Natalie在澳門拍攝,台灣留學有鄧濤,在香港工作發展是Fish 廖子妤的部分。有兩個角色首尾呼應嘅係媽媽同表姐(Yanny)。最近Fish令人難忘嘅Mama-san Mimi, 在女孩不平凡的角色阿Lok 有另一種味道和余香凝飾演情侶。呢對拍檔係同導演徐恩羨「骨妹」10年後再次合作。看似淡然但所有的事情都得來不易鄧濤因為呢套戲「阿徐」提名最佳新演員睇咗就會明點解, 同戲入邊嘅情侶韓寧演技大爆發。期待佢未來更多作品!許欣怡同同學嘅家姐(Eliz 飾演)有一段年少時微妙嘅感情,亦鋪墊咗佢未來人生嘅發展。鏡頭拍得好靚,亦都有唔少嘅內心戲關於不同年齡階段嘅掙扎同矛盾,值得一看👍🏻
顯示更多 arrow-down
---  負評
---  回應
私隱政策
使用條款
免責條款
a6e77aa