罪人們

都真係幾cult, 要歸類，會係恐佈音樂片，仲要係可以改編做 musical 嗰隻。前半段有啲七俠四義feel, 雜牌軍角色續個出。高潮係官能刺激，各取所需。我嚟講，就係blues, 尤其係召換靈魂一場。要講主題，多心嘅，可以對號入座，vampires 代表美國政治團體圍爐取暖，群妖亂舞。如果比Tarantino 拍，大反派出埸會花多啲心思，拍得更難捉摸，好似Inglorious basterds 咁，套戲層次會升一級！

《罪人們》睇trailer都好清楚知道，係劇情歌舞片+吸血鬼。倒敘式開場，好快加咗啲Jump Scare，但都走唔甩劇情片本質。黑幫孖仔回歸家鄉開Live blues music酒吧，用《七俠四義》式埋班，搵樂手、酒水廳面、守門大將軍入隊⋯⋯慢慢切入會有外來怪客，慢慢清清楚楚將黑、白人、外國人、3K黨⋯⋯放入酒吧前好仔細慢煮。一場show quali 歌舞場面，拍得fancy有力；後半場對決細節豐富，點樣可以對付吸血鬼嘅人亦一早舖排。人vs 吸血鬼、節奏藍調 vs 愛爾蘭民謠（再加埋土風舞）、黑人 vs 3K黨⋯⋯之前好多人將呢齣戲同《殺出個黎明》比，好難比較，因為《殺》最cult嘅地方係冇邏輯，一齣戲可以當兩套戲睇，完全冇合理成份。而《罪人們》係拍到史詩式級，頭段幾分好似睇緊史高西斯啲戲咁。好可惜發行商只喺上映前有IMAX巨幕，正式上映全部俾哂《馴龍記》，要睇大幕，全港好似只得elements 6院！

睇要留意睇到最後彩蛋!!!“你繼續與魔鬼共舞，終有一日他會跟著你回家。”戲入面兩位黑人兄弟經歷完一戰同芝加哥黑幫橫行嘅處境後，返到小鎮希望展開舒服理想嘅生活，想喺間大屋入面開派對俾小鎮入面唔同居民載歌載舞盡情享樂，但估唔到大開派對同時吸引到邪惡恐怖嘅乜東東出現......電影好反映到一直以嚟當時黑人同白人之間嘅種族矛盾，當中有唔少隱喻喺戲入面，亦好有一種善惡難分嘅感覺，正如看似充滿知識學問嘅吸血鬼感覺偽善不斷講大道理進行試探，更帶有仇恨找上門算帳，參加派對嘅人相繼一個又一個俾吸血鬼同化成吸血鬼令在場未俾吸血鬼攻擊嘅人內心更矛盾複雜，全程情節睇到好肉緊~~不得不讚電影嘅美術同服裝造型設計好展現出當時小鎮唔同多元種族文化衣著，背景設計亦好有30年代嘅感覺，仲有值得大讚電影配樂尤其藍調同rock and roll搖滾風格嘅音樂、歌曲、音響設計好有當時時代特色令人更投入電影入面當時境況。

同埋有彩蛋 開燈先好離場美國開畫個個讚到上天 又話年度最佳又話乜乜神作 影評網站好評如潮滿心期待之下頭45分鐘講述來龍去脈交代角色背景為主 節奏比較慢差少少’恰‘著🙂‍↔️去到clubbing戲肉開始 嗰幕演奏真係全片精華所在機位配合走位 一鏡直落 嘆為觀止 有資格成為經典不過本身冇乜聽開Blues/ Country music （係好聽嘅）我唔係白人 又唔係黑人 對嗰個年代嘅種族歧視冇特別研究所以到最後我明白點解爛番茄咁高分

入場前做少少功課會好點，因為未必清楚當時有色人種的問題及情況，音樂好聽，劇情ok, 好好的cult片。