阿凡達3

3.8⭐我expect嘅第三集，故事係進入新章，主要角色有所轉變同成長，而世界觀、各樣設定會有啲新嘢比觀眾睇.....要求唔算過份吧！點知感覺只係好似係第二集嘅Part II，繼續未完嘅追殺、反擊、然後繼續追殺，又再反擊，新嘢就只係加多兩個新族群"燼族"喺度攪攪震，同"天空族"幫拖，冇乜宏觀故事推進可言。基本上各種設計、場景、戰鬥畫面設計、劇情走向，都好似睇緊第二集，有啲失望。第二集 + 第三集咁簡單嘅故事都要拍兩集成6、7小時，真係有點拖戲。製作技術仍然保持第2集水準，但冇乜新把戲。整體新意欠奉，等咗3年嘅第3集原來只係停留喺第2集嘅族群衝突、戰鬥，有點失望。都係果句，睇咗第2集，冇理由唔睇埋第3集。不過如果再係咁落去，只會係含淚入場。PS• 睇完心情平靜咁離場，因為冇乜驚喜• 純講娛樂性，我認為"尋秦記“比"阿凡達3"高好多，尋秦記睇完離開戲院惱中係有餘韻，呢套阿凡達3 係冇• 第2集我係比5⭐，第3集係食老本，所以要減分。3.8⭐大部份係比製作• Monkey Boy 老豆最後高處墮下，但冇影住佢撻死咗，估計下集有機會走返出嚟。

其實3集《阿凡達》都係同一套路，「打贏靠演講，打唔贏靠媽媽」。亦都唔知睇左幾多次捉左你個老公、老婆、女、仔、朋友等等等等叫你放低武器、投降、被捉，之後又玩引開注意力再打贏之類，3集加埋真係唔知睇多幾多次。但我必須要講，雖然以上套路不斷重複，係第3集係唔難睇的，起馬比《水之道》好N倍。阿凡達最殺食嘅「阿凡達文化」今集好睇左好多，起馬每次睇佢地溝通、交流、甚至隊下草，都覺得呢個背景設定著實厲害；探討人類嘅破壞性真係寫得深入民心，原住民vs天外人呢點真係點睇都唔厭，好多反思得著；今集幾位主角人設都鮮明左，人物心路歷程比上集合理；總結以上幾點，加埋《阿凡達3》文武戲交代同切換掌握得唔錯，好識keep到觀眾嘅Attention，知道呢part講夠文戲啦係時候要打啦！（雖然有啲武戲真心On9，例如係敵陣入面搶返人質出黎，sofar係上面提到：捉左你姨媽姑姐>投降被捉>因某啲打鬥、原因救返>又捉左你姨媽姑姐咁不段loop）令到雖然第3集長達3個幾鐘，我覺得幾投入、睇到唔知時間過。由於朋友極度推薦睇3D IMAX，我無乜研究就買左飛，買完先知要戴3D眼鏡覺得對我呢個四眼仔幾唔友善，加上票價貴貴的以為會中伏。點知！睇完發覺個眼鏡其實幾啱我個面型！戴落幾舒服起馬戴左3個鐘都無乜Feel。呢個版本送個張特殊印刷海報都好撚靚！而且個3D感勁有feel！IMAX又勁靚！3D+IMAX真係相輔相成，令成個觀影體驗昇華咗好多！睇完覺得$200都值！（本身由《阿凡達1》係3D同綠幕電影始祖，果然睇3D IMAX係唔同啲）可惜同樣劇情重複3次我真係夠皮，但睇落佢會拍第4集，希望佢劇情方面真係做好啲……我唔想再睇多N次挾持人質同大地老母救世戲碼啦！

面套戲可以話係第二集既延續，正正常常唔會話唔好睇呀，不過啲場次真係比人搶哂，一日得三幾場，時間真係唔太靚，比尋秦記戰略性ko左。不過唯一真係太長，睇完好攰

佢想表達嗰種人類嘅兇殘同埋動物之間嗰種超越種族嘅互相幫助嘅感情寫得好好

第一集此終都係好而第三集，色彩鮮豔好多，但緊張程度一般，又係估到佢諗緊咩嗰種囉