衝鋒：火拼

3.8⭐全香港演員、故事同實景，極有港產警匪動作片味道。故事劇情一般大路警匪 + 復仇，唔合理位一定有，亦唔少，但串連多場有水準冇欺場嘅槍戰、飛車及搏鬥場面令全片變得有可觀性，尤其飛車場面，取鏡同攝影有新意，好睇！演員陣容亦唔弱，有方中Sir、呂良偉、張繼聰、錢家樂、....等等。動作指導係城寨嘅4仔張文傑。唔明點解冇乜宣傳。本片具娛樂性、有製作誠意，唔係近年嘅獅子山下，咁嘅本地動作電影買少見少，值得入場一看同支持。PS.• 我唸呢套係張繼聰最少對白嘅電影 😄• 飛車場面有啲鏡頭轉變幾特別幾好睇• 呢套戲唔慳子彈，實境香港街頭/商場槍戰已經好耐冇睇過• 係一套朋友搵戲睇我會推薦入場嘅電影• 攪下謝票場，揾啲演員出嚟接受下訪問宣傳下，送下A3 poster/postcard 啦！

衝鋒：火拼幾好睇，打鬥場面，爆破，搏火，追車場面都唔少4.5分/5分另外安志杰同張文傑啲速度、力度同技巧真心快狠準張繼聰都拍得住下，正👍方中信同陳嘉樂都演繹到個角色個種心情複雜及無奈…想捉賊但又要跟程序辦事

kill time 不錯之選睇到張繼聰出演認真的一面，再吾係搞gag。仲要係飾演慣big boss 安志傑的上把。唔洗再定型為笑匠，恭喜佢開出另一條戲路，演出另一種突破。而方中sir與佢本人當年槍王時嘅定位相似。好警察，好啊頭。另外其中有刻意安排張文傑與安志傑黎個對打。大家都有showoff 身手的機會。劇本簡單流暢，Ok好睇，但膠CG的爆破場面就無可避免。

如題，動作場面充足，警匪雙方都有故事。尤其是張繼聰演技唔錯！4.6/5 (91分)

同好多港產警匪片一樣，動作、槍戰、特效場面一流，但劇情就九流。真係要讚嘅係呢套嗰啲港式動作槍戰風味場面係一流兼好睇嘅，非常刺激、拳拳到肉，可惜劇情再次成為硬傷。過於誇張、唔合理、對白尷尬、劇情多餘嘅場景不斷出現，永遠方中sir一team冇人支援、唔明點解方中sir片頭放低槍唔射張繼聰，反正安智傑已經冇子彈；呢個角色係威係勢、但到結尾都根本未放低過去，亦都冇改變過，商場一戰又係放低槍，有成長咩？過去三年好似係咁查案，但乜都查唔出，笑死人咩？誇張位又大把，貌似M4嘅突擊步槍爆頭竟然淨係爛頭盔，冇暈低冇血流，神跡！張文傑尷尬式笑話充斥全片、最尾一戰仲要好戇居地放低全身裝備同安置傑隻揪，仲要擺pose，認真尷尬。陳國邦嘅重傷又係多鬼餘兼好笑，都唔知叫乜春？呢個劇情亦都無令戲中角色有任何成長轉變，唔知點解要咁樣做。總之成套戲啲劇情都係奇奇怪怪，都仲未計商場點解可以周圍都係石油氣、又可以綁架咗咁多人包保鮮紙，但沿途完全冇人理佢哋？！真係得啖笑，同場觀眾都睇到笑出嚟。