小菊的世界

個人覺得這套戲很精彩，阪本無論是執導還是演出都非常出色，我會形容整套戲都充滿了智慧，無論是鏡頭運用還是角色處理都一樣，充分展現出大師級的功力。他這次用了一個非常唯美而獨特的處理手法，去處理一個應該很惡心的題材，而他這樣處理，很好地令整個故事變得很有層次。而他描繪的江戶世界也有獨特的味道，每個角色也有其味道，與這個世界極為匹配。而他在處理小菊與矢亮之間這段臭味相投的關係也是高手，因為小菊的角色設計，很好地令這段關係互相添加了很高的層次，當然黑木華極為精湛的演繹，也是大大地將這套戲昇華。在技藝方面，導演的處理也是精彩，無論是對角色的描繪、鏡頭處理、調色等，都相當精彩。黑白的色調也與整部戲的主軸有所呼應，當中我最最為喜歡片尾這個一鏡到底。痴·影·夢·藝 X 的專頁 https://www.facebook.com/ckwunmovie/

之前睇日本片「新活日常」，淡淡的劇情，用不同嘅公廁，教曉咗我做人要活在當下，睇得我津津有味。今次又係日本片，更進一步，竟然玩「屎」。導演係高手，用咗最嘔心嘅事物: 「屎」同幾場大雨，已好好交代咗幾位主角嘅一切：性格，生活、職業同人生態度。喺呢套 「屎」片裏面，可以睇到日本喺江户時代嘅低下階層生活：有倒屎佬、棺材佬、包租公、過氣武士、古代劏房、公廁......根本就係江戶時代嘅「七十二家房客」。因為當時日本正在鎖國，社會好鬼窮，每個人縱使擁有唔多，地位低微，但都敬業樂業，努力地生活落去，希望在明天。黑木華好戲就唔使講啦，其他主角同配角都做得好好，連啲「屎」都成日用唔同造型出現。好在呢套係黑白片，如果唔係以後我連「粥」都唔敢食。完場後，我諗起〈明天會更好〉呢幾句歌詞:輕輕敲醒沉睡的心靈 慢慢張開你的眼睛看那忙碌的世界是否依然孤獨地轉個不停春風不解風情 吹動少年的心讓昨日臉上的淚痕 隨記憶風乾了

電影以每個人都有的“屎＝Si”為着墨點，不論是業主、武士、貧窮者、Si處理員都有Si，Si不會區分制造者的身份，人們離不開Si處理員，鄙視Si處理員的人不是因為Si，而是他們弱內心，沒有他們，人們不能正常生活。個人認為電影帶出話語“每個人都有自己價值和世界，都要有信心、權利、相互扶持去實現”。很特別話題的電影，黑白片是降低Si的心理恐懼，觀看此片的，有心理準備，電影由頭到尾都離不開Si。

導演選擇以黑白畫面來表達係聰明同必須嘅：1. 由於故事發生喺江戶時代，用黑白畫面表達更能令觀眾代入古舊年代，係聰明嘅。2. 由於題材獨特，大量zoom in 嘅嘔心鏡頭如果以彩色呈現，相信真係隔住個screen都聞到臭，冇乜人會入場，所以黑白處理係必須嘅。🤣全片可以講係古裝版嘅生活日常，但more than 洗廁所、亦多咗一點諧趣，演員演出自然到位，拍攝同制作成熟流暢，觀眾睇得輕鬆。相信係第一套惡心嘅治愈系電影。😄

去年日本電影倒屎排第一，洗屎坑排第二，好欣賞日本人嘅工作文化和態度，不計收入多少，不論地位高低，不理乾淨污穢，都敬業樂業。我只是唔明白《生活日常》點解會輸俾《小菊的世界》？不過好欣賞日本人嘅正向思維，自從經濟泡沫爆破，三十幾年嚟毫無起色又負利率下，居然拍出哩啲叫大家倒屎洗糞坑都要笑住做嘅電影！小菊自恃出身武家，本來睇唔起江戶時代市井（屎井）之徒和草根階層鄰居，但睇住忠心事主嘅父親被革除藩士身份，公然批評藩政招來殺身之禍後，喺悲傷時刻反而係哩啲佢睇唔起嘅低下層雪中送炭，終於摒棄階級門戶之見，明白武家嘅虛偽，寒門嘅真誠，於是迎來臭味相投嘅春天，開創新嘅小菊的世界！其實從歷史角度觀看，電影好有象徵意義，因為故事發生喺幕末時代，由1858至1861年，當時日本大將軍正受倒幕運動挑戰，過多幾年，大政奉還，倒幕維新成功，進入明治時代，結束封建武家階級制度，所以電影正是「武士沒落，平民崛興」嘅序幕！矢亮自我形象低落，挑糞挑到冇晒自尊，令我諗起周星馳《喜劇之王》嘅名曲《屎撈人》「屎，你係一篤屎，命比蟻便宜」任人打罵奚落剝削，但喺小菊嘅同情下，終於起嚟反抗，立志要做說唱之人，過更好嘅生活。中次亦去學寫字並勇敢地去愛，小菊食污糟飯團，三個人由茅廁避雨短暫邂逅開始，中間上下流動，最終結成長久嘅共生關係，不正是幕末和明治初年嘅歷史和社會走向嗎？我只是不明白擠在長屋嘅窮人尚且任由矢亮、中次免費挑走糞便賣俾農民施肥，反而大戶人家要夜香郎先付費至准許𢳂走穢物，其實嗰啲排泄物神憎鬼厭，有人要唔好話免費，甚至要俾服務費搵人搬走都制啦，不過片中家丁話佢哋食嘅嘢比長屋窮人有營養，啲糞便攞嚟做肥料會更優質更有利農作物生長，所以要收錢兼加價喎！雖然可能係哩啲豪門門口狗藉詞勒索，但亦反映江戶時代嘅階級歧視！最後多謝電影99%時間係黑白攝影，由於我睇嘅係早場，如果彩色拍攝咁多𢳂屎倒屎淋屎場面，可能我午飯晚飯都食唔落呀！

日本江戶時代末期的💩「屎」片，以「世界是什麼」作主題的電影《小菊的世界/Okiku And The World》，電影以「屎」作為深入人類日常生活最真實的題材，將最貼地的東西「屎」💩講述小人物的故事。電影以黑白攝製，正好帶給觀眾一種日本江戶時代的懷舊感覺，亦避免了「赤裸裸」的屎呈現在觀眾的眼前，恐怕觀眾會受不來，嘔吐大作，還記得魯賓奧士倫的荒誕諷刺喜劇《上流落水狗》，都曾經岀現過「糞便」場面，但畫面卻是色彩繽紛的，超強暴風雨令豪華郵輪上的化糞池因船身搖晃而出現屎坑倒灌，船上的富豪出晒事，屎尿嘔吐物橫飛。說回電影阿菊的愛與屎，江戶時代撿廢紙回收的中次(寬一郎 飾)因在茅廁避雨而搭上了掏糞的矢亮(池松壯亮 飾)，踏上屎路一條，兩人一起搭檔收購糞便轉手賣為化肥謀生。身為武士之女的小菊(黑木華 飾)因家道中落與淪為浪人的武士父親松村源兵衛蝸居於長屋，父親在樹林中遇襲至死，這場橫禍亦同時令小菊受到重創失了聲。脖頸受傷後失去了聲音的小谷，消沉了好一段日子，最後重啟人生繼續在寺院教人寫字，而愛情亦於此時來了，陷入愛戀中的傻菊，原本打算要寫的是“忠義”，但卻寫成了心中所想著的“中次”，表現岀她可愛的一面。之後小菊到了中次的住處，這時候正落著雪，小菊在這無聲的世界里向驚愕的中次告白。電影運用黑白的色調，給觀眾江戶時代的懷舊感覺，每個章節到最後皆以一個彩色鏡頭作結，以引用屎尿屁寫岀底層百姓的人生，引發出不少笑料，雖然是一套「屎」片，以糞便來談論「世界」，但看完後卻仍然令人回味無窮，實在是一部難得的有趣電影。