《藤本樹17-26》PART.1

4條片都什具商業娛樂味，故事簡單正接，節奏明快，劇情乾淨利落，每篇故事世界觀/背景設計有心思，主角個性鮮明，鏡頭/分鏡表達出色，冇沉悶感，唯一缺點係只得68分鐘，應該加多一條片去到90分鐘。其待 Part 2 。PS.• 再一次呼籲.....片長戲院要加價，唔該片短都相應減價• 4條片都可以獨立拍一套長片

四個短篇每個大約15-20分鐘，在這麼短的時間也能講述有意思的故事，每個故事都能帶給觀眾不同的信息和體驗。以下為個人主觀排名：1. shikaku 短短15分鐘塑造出兩位咁有意思嘅角色，感覺之後可以直接寫兩位嘅後續故事。。。2. 從前庭園有兩隻雞 世界觀宏大，有戰鬥畫面，亦有反思位，但由於是悲劇因此排第二3. 戀愛是盲目的搞笑得嚟甜蜜，為了告白真的可以不顧一切（字面意思）笑死我~4. 佐佐木接住了子彈好似講嘅野幾抽象吓，其實我唔係好睇得明4.6/5（91分）

果然係藤本樹，令我覺得短短個零鐘格硬分2 Part圈兩次錢都抵比。《從前，庭院裏有兩隻雞。》相信有唔小人反思過點解人類可以食豬牛羊雞，但又唔可以食狗？素食者亦都反對食肉而比其他人冠上「環保L」呢個朵。藤本樹就係將「人類食肉」呢個命題擴張成一個有趣嘅外星人故事。過程當然有藤本樹「忽然一槍」「反高潮」嘅風格，第一個故事已經體驗到藤本樹對重要人物派便當毫不手軟（諗起《鏈鋸人》就胃痛…）而呢個短編應該係戰鬥畫面最華麗個個《佐佐木同學接住了子彈》開頭已經有《驀然回首》概視感，以為又會胃痛……好彩後面雖然無厘頭但算係Good Endings 。但我就唔太習慣，以為會有咩反轉胃痛位，例如所有野都係男主FF，佢一早死左之類。估唔到就係咁埋尾，fine，都係某程度上嘅反轉位。《戀愛是盲目的》呢個故事更簡單，但就係動畫畫風+音效特別所以呈現到個種張力，四個故事中最正常最青春最日常，但當中都滲透咗藤本樹搞怪嘅風格。《Shikaku》我自己最鍾意呢個故事，雖然《Shikaku》個故事係最易估最無驚喜。但無論係吸血鬼男主定性格明顯異常又好似真紀真嘅女主角，人物設定突出同討好。我自己非常鍾意呢兩個角色！呢個短編整體氣氛愉快咁做緊暴力血腥嘅野，又係非常藤本樹，明顯睇到17-26嘅佢已經係咁癲。我個人主觀排名：《Shikaku》 >>> 《從前，庭院裏有兩隻雞。》 > 《戀愛是盲目的》 > 《佐佐木同學接住了子彈》

4套OVA，套套唔同stuido幫手整，套套都超高質量，影音都係無敵。呢部合集電影好明顯係唔同studio比藤本樹既audition，順便儲錢拍炎拳。藤本樹睇到佢d癲爆既隨手漫畫都比人咁高規格處理，應該頭痛緊夾邊間出炎拳動畫。

真是看到藤本樹的創意思維，劇情很瘋狂

追鏈鋸人嘅人應該要睇支持下，呢個時候(shikaku)已經有真紀真嘅身影。係得藤本樹先諗倒嘅情節，短得嚟又會令你會心一笑，雖然係藤本樹後生仔時候創作嘅故事，未好成熟但感受到佢未崩壞嘅世界觀又有啲信息想帶出嚟。唔同studio畫嘅風格都好精彩，鐘意創作嘅人都應該入場recall下初心。本身以為拆開2 Part上有小小呃錢，但一次睇4個故事後真係要回一回氣。期待Part 2有那由多同埋Look Back嘅影子嘅故事。非常值得入場睇，另外想講特典終於唔係日日講爛大街嘅海報，係同日本一樣嘅入場特典，勁有feel！期待Part 2！