紅豆

個人覺得這套戲尚可 ，我會講，套戲好比一煲有誠意但火候和餘韻不足的紅豆沙。我會形容導演雖有潛質，但在執行和安排上仍未成熟，很多地方的處理未如理想，令套戲進退失據，尤其是這條感情線，個人覺得這樣是套戲一大累贅，如果可以將他省略，將描寫父女矛盾或小區情懷的部分加重，其效果同感覺會更好。咁當然他在描寫潮州男人因倔強個性及重男輕女文化所衍生的矛盾著墨頗深，卻令套戲不致於完全失敗。痴·影·夢·藝 X 的專頁 https://www.facebook.com/ckwunmovie/

配樂令人印象深刻。開頭細火了解任達華這一家四口的關係，然後很快就到阿媽出事之後開始哭聲連連。女主角張承業這個名都幾明顯阿爸的寄望，不過始終都想男丁去繼承而不甘女主角入廚房，當然不難聯想到一開頭準備特寫的遮瑕淡化手中疤痕。類似結業題材同主演的《燈火闌珊》似乎更有人情跟趣味。朱鑑然出場之後就比較SWEET！這條魚腸嘗了「真正」的紅豆沙，就自然地如陳皮融入到這頭家。修理單車亦似紅豆沙秘方般更令故事更蜜！細佬戲份比預期少，代阿爸講出心中那種拖得就拖、未到最後都想撐多一陣的心聲。媽媽出事後就像這區重建命運，久病床前痛苦的都是家人。突然間人人都變，糖水可以煲、打機落舖幫，比方太煮飯還要即食。光輝不在，阿媽跟間舖一樣都是吊住條命的負累。折鋪不容易，如果現實好似戲裏有人頂讓真的美好。爸爸跟家姐果然少做收銀角色，正常收錢要講及所收銀碼，或許神不守舍而找錯錢。先前《得寵先生》主演的 Amy盧慧敏作為女主角的同事依然活潑飛機載！現實就算將預製再加熱糖水加至$50一碗一樣都有人光顧。

淡淡然香港情懷小品，任達華演繹父親大男人嘅角色，我覺得佢演得栩栩如生，其中有兩個只曇花一現出的角色，我覺得非常搶眼一個是龔慈恩一個是空姐同事！最後完嗰度突然間終結有少少突兀！

真係有少少脆友講嘅鏗鏘集Feel，港式小品到極致，幾乎完全聚焦於父親同女兒嘅關係上面。剪接雖然有張叔平掛名，但我就好懷疑佢親自落手有幾多？全劇嘅剪接係零碎同唔算流暢，而且故事內容都幾跳躍，例如上一幕講男角溝女，下一幕就講佢地拍左好耐拖了。基本上全劇大部劇情都係咁樣極速發展，中間橋段skip哂，只留重點。導演自己都話係用歐洲短片式剪接，我就麻麻地識欣賞。話雖如此，但導演想講嘅野都有藉住「紅豆沙」呢個主旨講哂，包括咩為家人放棄夢想呀、移民問題呀、老豆重男輕女但其實內心愛佢個女，只係大男人唔識表達，呢啲命題其實導演都好淺白咁講哂，去蕪存菁亦係電影只有80幾分鐘嘅原因。另外幾欣賞電影嘅音效，我聽音樂就垃圾耳，但感覺呢套戲嘅音樂好特別，由其某幾幕重點場面嘅音樂非常有感；同埋幾場嘅女角兒時回憶橋段雖然都插得好突兀，但用紅色呢個色調響應返「紅豆」其實幾深刻。但除此之外，成套戲其實無乜記憶點留得住，任達華鄧麗欣嘅演出睇落都係一貫「普通」電影水準，無話特別落力去演。

<紅豆> (92mins)福評：其實睇咗Trailer都已經落定會睇呢套戲，因為有華哥又有龔慈恩兩個好戲之人，而Stephy同埋Jeffrey亦都係再演姊弟的起碼，滿心歡喜地期待入場！不過呢套戲有少少令人失望！首先唔談論演技，因為幾位好嘅演員演技無需質疑，尤其是華哥做大男人的角色，入型入格，Stephy亦都做返純良的家姐！不過喺故事性的方面，略嫌蜻蜓點水，走馬看燈，每個敘述都有少少到喉唔到肺，故事性亦都沒有很突出或深刻的片段，真係小品，亦都淡淡然的感覺，可能我沒有家庭的家當留低，亦都並不是對香港歷史非常有研究，所以對我有點並不切身，不過縱然是這樣，故事意思非常鮮明，這九龍城一間老字號因為時代的變遷要淘汰舊的一代，這是大家一入場或甚至睇完Trailer都知道的！所以沒有驚喜！最後一個非常可惜或處理不當的結尾令人覺得有點草草了事及缺乏一點交帶！福分：72分IG: @fuksir_movie

“人大左就會發現，好多野都係得表面，最重要嘅係人同故事。”“到底係呢個世界走得快，定係我地走得慢？”任達華同龔慈恩飾演兩公婆經營賣紅豆沙等糖水嘅老字號“張興記”多年，養活一家四口仲有鄧麗欣飾演本身做空姐嘅家姐，魏浚笙飾演成日躲喺家入面打機開live嘅細佬，有日媽媽突然中風，過左一段時間後亦過身，家姐因而決定辭去空姐工作希望可以全力幫手打理“張興記”，但要面對初時喺鋪頭幫手同爸爸嘅磨擦、喺屋企同成日掛著打機嘅細佬有磨擦，相識冇幾耐嘅男朋友提出一齊移民加拿大，之後亦面對九龍城舊區重建而被迫鋪頭結業等等種種問題......電影畫面背景色調同背景音樂都感覺採用温馨舒服嘅歐洲風格，拍出電影入面喺九龍城經營老字號“張興記”故事入面嘅人情味。