香港四徑大步走

呢套唔似一套電影，你會覺得似係睇緊鏗鏘集咁…將一大個主題呈現於戲院大銀幕，好精彩，要讚一讚剪接，一路走來咁交代個比賽來由，當中每條track有幾咁複雜難行…有幾多個困難要克服等等；透過幾位參賽者唔同角度做切入點，夠哂宏觀，再加埋主辦單位參與拍攝，完完全全說服到觀眾們！好好睇嘅熱血比賽！

拍攝出嚟好靚，很有趣提材原來香港有衣種比賽，有點反思點解要挑戰自我身體極限？

身為香港人，真係好驕傲有如此美麗嘅山徑，但真係唔知有呢個驚人活動，完成嘅人都真係能人所不能，當中恐怖嘅過程真係令人既佩服又不忍，最後無論能否完成任務嘅都值得鼓掌。

紀錄2021年FTU (Hong Kong Four Trails Ultra Challenge) Break 50 (50小時內完成四徑）整個過程。欣賞巍峨壯嶺之餘，亦體會人生如山巒起伏。就算有萬全準備，亦不代表萬事如意。挑戰當前，親友應援，但大部分時間需獨自「破地獄」。故事鋪排合理，由創辦人Andre說起，轉到他推薦的籽子跑手。賽事開始，Focus這班領頭羊，再順著比賽路段介紹四徑，如麥理浩徑，十段分4 shots。先wide shot拍攝地形，再用白粗線連起山脈，為地標配上文字。有素人追上，鏡頭才轉到他身上，觀眾就不用像跑了兩日兩夜的跑手般迷迷糊糊。生理、心理角度捕捉幾位「完成者」(Finisher) ，「生還者」(Survivor)和「失敗者」，有越野賽常客、工程師、教授、素人。片首父子跑步，片尾一家人跳舞慶祝。似乎首尾呼應，無論多困難也好，親情可貴。更多影評內容請follow埋我嘅IG @mov_we

果然好好睇👏🏻👏🏻👏🏻72小時行（其實係跑）完298公里（最快個個係49小時，cls)，過程高高低低上山落山總攀升14500米（珠峰都係8千幾米咋），仲要搭地鐵🤪（衛奕信徑嘛），坐車又搭船🤪，對心理同體能都係地獄級折磨😈香港其實真係一個好神奇嘅地方，城市之中有山有海，呢班人就係由前人開闢下來的山徑遊走，山徑本身就係歷史產物，而參加嘅人來自五湖四海，然後唔知幾時開始聚居香港，愛上呢種挑戰自我嘅極限運動（呢個賽程真係搵命搏）。成件事好豐富，國際化得嚟又好地道…參加者講英文多過廣東話，但佢哋同發哥一樣去到大帽山會同蓮姐打招呼，行過沙田㘭會食豆腐花…一班好有趣嘅癲佬癲婆係度唔知為乜咁自虐式跑山，過程中一次又一次挑戰自我、挑戰不可能，睇到人熱血沸騰👍🏻

未睇戲之前，知道這是一個很難度很高的跑步比賽。以行外人評估，最難的病痛莫過於腳整親，但原來如何吃飯補充體力也很重要，算是長知識了。少少劇透⋯