搗破法蘭克

個人覺得套戲是可以，作為一套低成本的片來講，導演整體處理是合格，雖然在好多細節位執行上火喉的確未夠，但在故事創作同用演員方面，卻可挽回一定程度分數。的確，在這套戲中，導演好懂以青年人角度來作切合點，好準確拍出他們對社會權貴壟斷同貧富階級這種不公控訴，個人覺得這方面他的執行是合格。雖然比較也是同類題材，神劇紙房子比，他無疑比紙好有一段距離，但他們願同能去拍到，已經值得一讚，我會講，如果懂明同認同這類控訴，其觀影感同投入度會大大地提升。咁當然，導演在音樂選擇同貼地度方面，均是好有他自己獨特一套風格同當下有所共鳴。痴·影·夢·藝 X 的專頁 https://www.facebook.com/ckwunmovie/

感覺好似睇緊V台劇集咁！故事關於幾個反社會年青人以自己方法去劫富鋤奸。電影中未有深入描寫每個角色關係背景由來以至其俠義動機，以致觀眾未能代入角色同故事。小本製作令電影有廉價感覺。美術、服裝、道具、佈景等等都比唔到觀眾視覺享受。攝影、剪接、分鏡欠火喉，未能拍出電影感，似電視劇多啲。反社會題材同故事亦拍唔出角色深度(如蝙蝠俠/小丑)，似一班只係柴娃娃年青人心智未成熟出嚟攪攪震多啲。薄弱嘅劇本同各色塑造亦令能演嘅演員發揮唔到應有水平。整體各方面仍有改善空間，未能值回票價。

四人分工組織找老屎忽來打劫，行為藝術有所規定劫得要，不過就無解釋為何要用這套「法蘭克」。械劫KOL在這個年代打劫除非立即着草，撼郁大財團來用自己祭旗。頗多留白，睇到最後有個手持攝錄的塗鴉小片尾。配樂，尤其主題曲好合拍。選曲佳，RAP得有「錢」聲，完場都想會私下點播不會後悔！　　談善言有惜日的傷口也有帶有牙擦的性格。婆婆陪去找換店踩線，反而她更能回報舖內的情況。小小找換店卻有眾數人力駐守，明顯有肉食。紀月跟婆婆的關係，幾個鏡頭專影她那種於心不忍又有種歉意。只有一幕關於她為友而毆打，再跟着校服扮回家，到最後抱在一起。肢體接觸還有跟新加入的女劫犯在W酒店裏問首領出賣對方，拖手一刻即傳「喜歡你是你」。　　一句對白令人記死林家熙，拼命最後講出與初戀的遺憾，雖則一路看來這個Hugo不太可靠。住在貨車的流動蝸居，戲中岑珈其這個「新手」估不到的偷拍對象對白之中好奇他們兩人更瘋狂所做過之事。先入為主以為他是那種變態，跟共處一室卻好紳士。戲中Renci 原來黑錢的來源就像《自由之聲》販賣幼少人口，雖然突然爆出不太共鳴有幾慘。　　大台誇大罪案，只有4個人，大台報出來十幾人。無人報道，富商指使之後先有消息轉移視線。插一段幾個YouTuber客串，好似暗網仔、Ming仔等。不過這堆網紅並無帶動幾大風向比起大氣電波。　　又不是《怪盜基德》犯罪前簡介計劃，之中變聲跟被保安捉反而變得不合理。又或者立志去打劫只因男朋友一句而立，不知更放大成譁眾取寵？富商打去神父電話一急就出錯，泄露自已的聲音，重話之前還用VPN來上載影片。　　網民招募就像弱化版的《V煞》，差一點就人人都可以反抗成法蘭克，但反而只有幾個響應，甚至犧牲得整隊人基乎。Kickstarter眾籌項目，不過去到片尾都無致謝最原始的眾籌者觀感一般。投資最緊要交到貨出來至少，被辭演都要再來過，好過完美成品等N年。　　最後亦除去面具，自揭身份用男朋友錶中留下的證據來攬抄。不過如果男朋友沒事，她又會否爆大鑊得財後就遠走他方？神父既然都舉報貪污，如果沒有被錯差打着被劫，他又會不會如此正義？　　一齊食同一枝煙，還以為楊偉倫食煙後會倒戈成「法蘭克」一員之類，不過到死還是受教於社會權貴。開放式結局草率了事就算。跟陳獻略所演的無名殺手，其實這個袁富華所演的富商也只是中間人，還有視像通話的四位人兄要服侍其他偽君子。

浪費演員之作，一直好支持本地製作，但不可盲撐，希望日後有改進空間！特別要一讚談善言，由出道到現在無論什麼角色她都駕馭得很好，未來影后指日可待！

套戲感覺只係電影系學生畢業作品級數，甚至幾個YouTube channel例如《試當真》《香城映画》啲短片（當然短片同電影係兩樣野）都比佢高質，無論燈光、拍攝手法、剪接全部唔合格。只有音樂同故事係比較特別，幾欣賞音樂突登用首本土rap歌；而故事唔洗多講，本身都係吸引先會集資成功。奈何拍一套電影唔係咁易，可能製作組太低估電影嘅拍攝，感覺係因為集資成功洗濕個頭，而且又有金主爸爸係到左改右改，先會拍左套「咁嘅級數電影」……本身咁「咁嘅吸數電影」我分數唔會比到啱啱合格嘅2.5分，不過電影其實食正政治光環，而謝票場嘅大家睇黎都唔太明個結局，幾條問題都係問呢個開放式結局，而導演都答得就住就住。係今時今日嘅香港，「明就明，唔明就黎明」，我反而幾欣賞佢拍到個結局係咁隱晦，因為電影某程度上都反映現實，咁多人唔明但同路人會明！想同導演講返，雖然你拍得有待改善，不過，我又真係明你想講咩喎，總之就繼續加油啦！

<搗破法蘭克> (88mins)福評：呢一套嘅電影完全不入流，真係嘥咗咁多位好演員，嘥咗阿談、嘥咗Locker、嘥咗袁富華、嘥咗珈其同偲泳！我要寫晒佢哋出嚟係因為我真係好想睇佢哋精湛嘅演出，佢哋就算有好好嘅演出，不過成個故事完全不合理，無厘頭，亦都好多10萬個為什麼！睇完之後噓聲四起，根本搵唔到理由入去！最大嘅問題係在於唔知道女主角阿談點解要去打劫！一個完全冇原因，冇根據，亦都冇foundation的故事如何繼續落去呢？佢仲要係主角添，成個故事80分鐘以上都係圍繞着打劫！試問點樣說服觀眾接受80分鐘唔知點解？另外結局草草了事，趕收工，爛尾收場！亦都說服唔到我接受眾籌得來的垃圾電影！根本對唔住各位眾籌者！唯一可取就真係阿談同偲泳女人之間角力幾好睇！福分：45分IG: @fuksir_movie