青春末世物語

個人覺得這套戲精彩，我會形容導演成功拍出並捕捉到青年人獨有的反叛和愛挑戰制度的特質。無可否認，在戲中，音樂無疑是一個重要的主軸，這方面導演無論在選用同執行均屬上乘，他善於藉此令套戲有很大的昇華，個人覺得從這點可看出導演的確繼承了他父親的音樂才華和天賦。除此之外，在鏡頭調度和人物塑造上，他也交出大師級的表現，單純看他在用貓聲來引保安和最後分離的一段已足以證明這點。的確，可能因為題材關係，他刻意將事件發生的地點和時間軸有所模糊化，但個人覺得正因如此，反而令電影的質感有所強化。痴·影·夢·藝 X 的專頁 https://www.facebook.com/ckwunmovie/

估唔到短短兩小時嘅電影可以探討到咁多野，用5位年輕人嘅青春撞擊社會同政治。1. 電影重點嘅「社會信用評分」（電影入面叫全視點監控）導演幽默地扣左個認真L分，反映任何系統都可以走法律罅，重點係人點用。2. 5人青春小組中間經歷低潮、各人面對「成長」呢個無可避免嘅問題，到結局導演拍出黎係正面嘅，深感安慰。3. 5人小組中已經拍出個小社會，面對高壓政策有人移民離開、有人反抗、有人繼續躺平開心過活、有人就順從政權去拖地。4. 去返成間學校（社會縮影）面對「社會信用評級」有人讚成，有人絕食靜坐示威。導演就簡單分左日本人同未歸化嘅日本人，但現實又點會咁簡單分到類？立場有千百萬種，但有人嘅地方就有政治。5. 電影拍出日本比想像中多未歸化日本人，出街都要帶證件，看似充滿歧視。我地局外人都知日本排外有幾嚴重，但其實電影比較少講呢part，比較可惜。6. 整套電影嘅校長看似係奸角，但其實係用黎同首相做對比，學校嘅壓迫比起社會只係小巫見大巫。豪華嘅日式壽司對比用「外人」韓式壽司解決事件，現實嘅社會又有無咁容易解決到呢？7. 地震應該係日本人不得不面對嘅問題，黎緊有五十年一遇嘅大地震黎緊，如果真係有方法可以避免到，但代價係自由，日本人又會唔會同魔鬼進行交易呢？8. 兩位主要角色中，看似最長不大、吊兒郎當、實行享樂主義嘅男孩子竟然係最快面臨成年人問題，甚至係佢解決左爭議嘅核心。好在最後神來之筆嘅定格鏡頭係向好嘅發展，青春果然無敵呀整套電影隱喻極多，想講嘅野都好多，但導演或多或少都有提及。無論你係對社會有疑問；躺平享樂主義；還是安份守己做個順民嘅人都啱睇。另外不得不提嘅係音樂，果然係大師之子，成套電影嘅音樂令人印象深刻。

“我真的不想成為那個老伯(權威校長)。”“你們為何處處維護那些煽動歧視的人？”片中的幾位年青人主角好自然演繹出不服從權威學校嘅嚴格規矩、不受學校處處監察、更加不受傳統社會所規限嘅個性，只想有自由嘅生活由自己決定，展現出年青人喺青春時期任性過嘅一面，甚至不滿學校嘅嚴密監視系統同嚴格嘅操行扣分制度而同學校校長對抗到底。值得一讚電影嘅音響同配樂好令觀眾融入戲入面嘅情景包括猶如享受喺Disco自由放縱自我嘅感覺，即使中段部分文戲橋段感覺有少少拖長。

分崩離析、搖搖欲墜，這將是我們世界近未來的形態。

假如你因為唔同原因不得不為現實而妥協嘅話，呢套戲會令你有共鳴而且唏噓，成長係充滿好多無奈同judgement，瀟灑嘅人其實唔一定好受。而最尾一幕嘅定格同一開始嘅對比都係令人百感交集。套戲無乜大道理㗎，但如果你肯代入兩位主角去感受，會觸動到心深處嘅唏噓。前提係假如你曾經為一樣好鍾意嘅人同事沉迷過。

對青春拿捏“適合”的電影，青年人對當今社會制度可有不滿，可以和統治者對話，宣告他們的自由，但有了自由另一含意是要更多責任，青年人要對自作妄為有承擔，不可破壞社會。電影另一觸及問題是移民/居，當族群接受移民/居，便要接受他們歸化的條件，因這是來到此地已知道的規條。質素高的青春