獵狐行動

一般主旋律配以一般商業元素硬推砌警匪片。相信唔駛多評大家知電影係咩一回事。下半場戲肉敘事、剪接凌亂。最尾意圖感人唧人眼淚，但過分造作反令我笑咗出嚟！🤣成套戲感覺冇靈魂，純堆砌。觀眾如果唔係話特別想睇梁朝偉嘅話有好多其他選擇。不過唔明偉仔做乜要接啲咁嘅奸角做，重要被上孖葉，好等錢洗咩？

電影結尾向「偉大的人民英雄 - 中國公安」致敬🫡並播出好多由外國「引渡」回國受法律制裁嘅詐騙犯被押解落機嘅「新聞片段」，但所有嫌犯都被蒙面，又不具名，既然都已定罪下獄，相片和名字係可以公開㗎喎，導演唔通唔知？又聲稱「所有贜款都歸還被騙老百姓」，但案件名稱、涉及金額同發還情況通通欠奉，我諗哩套戲其實係宣傳片，好適合用嚟教導香港警察和特區政府「說好香港故事」！中法警察合作拉咗中國大鱷，簡直係美麗嘅都市傳說，法國🇫🇷意大利🇮🇹公安全歐洲最貪污，中國公差亦有人類最長嘅大規模貪贜枉法嘅歷史，習總努力咗三個任期，打貪、雙規仍無日無之，打嘅老虎越打越多亦越大，簡直係打之不盡，唯其無盡，習總亦可以不斷連任至終身了！所以中法一齊打擊罪犯⋯⋯同流合污嘅機會可能大啲？中國老百姓睇完電影🍿如果對公安肅然起敬，感激涕零，除咗係天真，就係習慣咗生活喺充滿誤會嘅日常生活之中吧？電影靠剪接企圖將拍得唔清唔楚嘅鏡頭蒙混過去，例如殺馬同飛車追撞等等場面，最後賊車撞穿石橋墮落內河船，簡直當觀眾係白痴！編劇亦侮辱觀眾智慧，罪犯有膽殺死中國女警，咁點解要喺男警身上綁假炸彈？尤其梁朝偉之前都派過殺手扮法國警察想殺晒佢哋！梁朝偉演出只係不過不失，雖然都係演奸角，但比唔上《金手指》扮陳松青，因為係群戲，冇乜發揮嘅空間，只有流於表面嘅演繹。Olga Kurylenko作為前邦女郎，今次只係一個烏克蘭🇺🇦花樽，冇乜特別！段奕宏除咗個樣好似李克勤之外，演唔出有隊長嘅領導才能，又冇智擒大賊嘅高智慧。夏侯雲珊飾演嘅小佳，因公殉職只為煽情，如果有人因而感動落淚，只能說「感情豐富，睇得戲少」！總而言之，睇戲咁睇，唔好當真，一看無妨😃

法庭的古怪英文對白實在太出戲。法文版《月亮代表我的心》勉強可入胃。演奸角梁朝偉的戲份比預期少，不過加分位是未到最後都以為邪能勝正，可惜礙於國產警訊而依舊傳統。以四日倒數的引渡協議作限時挑戰，公安配角都純粹花瓶，來法國就像來度假靠的證據基乎都是敵人的敵人所邀請與贊助。女主角小佳出最多力，所要飯盒她先要。不太明白此戲不是想歌頌公安，為何營造出來卻是如此不滯？

給梁朝偉騙入場，兩星半全給梁朝偉！

為左梁朝偉入場，但實在唔啱我口味