孤獨的美食家

個人覺得今次松重去拍劇場版，的確不負一眾孤獨的美食家 粉絲的所望。我會形容今套是充滿味道、溫度同態度，這三點，松重也可以細緻地拍出來。比較劇集版，今次劇場版整體的處理比較豐富，松重在描寫五郎這個冒險旅程好有質感，可以在既可保留這個系列獨特治癒性之餘，也可巧妙地將他昇華，這點松重的執行居不可沒。講真有時這類日劇所衍生的劇場版好容易變得四不象，但他今次卻無。而在技藝方面，松重的調度同執行也是好睇，無論是美術、鏡頭調度、調光、配樂等，他也是處理得好準繩。的確五郎這份獨特的天然呆的確是好令人討好，而這樣只有松重自己才能演繹出。咁當然，我很希望，孤獨的美食家系列可以衍生出香港特別篇。描寫五郎因睇九龍城寨而刻意來港找尋香港絕世叉燒飯戴帽的故事。痴·影·夢·藝 X 的專頁 https://www.facebook.com/ckwunmovie/

冇睇過日劇。少有我笑得出嘅日式輕鬆小品電影，松重豐個人表演。電影劇情非現實，有點天馬行空，但成功編出無厘頭既黑色又幽默橋段。松重豐角色塑造同演譯角色出色，表情同肢體動作具個人風格，同個戲嘅幽默非常配合，有唔少幽默位都笑得出。其他配角亦吸引，最印象深刻係特別演出嘅陪食韓國出入境officer，佢對白唔多但好搶眼。不過經常出現嘅品嚐美食過程略嫌食得太長食得太慢，影響節奏，尤其觀眾有得睇冇得食，不是味兒。😅整體本片值得入場欣賞。PS.* 睇松重豐不其然令我唸起黄子華，兩人同樣具個人魅力同幽默感，同様可以獨挑大樑。黄子華如果做呢個角色，應該都可以。* 睇松重豐食嘢過程有睇飲食youtuber片感覺。

跟隨井之頭先生（松重豐飾）尋找不起眼的隱世小館，既是視覺饗宴，也是一趟碰運氣的冒險之旅。結合兩種不同體驗所帶來的幸福與刺激感覺，大抵就是電視劇《孤獨的美食家》能夠昂首邁向第十一季的成功因素吧！松重豐演而優則導的電影版《孤獨的美食家》，雖然盡力保留電視劇的原汁原味，但到了全片完的一刻，總覺得只處於五、六分飽的狀態。就好像一頓盛宴的最後，竟然欠缺了畫龍點睛的甜點收尾，令人意猶未盡。回想過去與井之頭一起品嚐美食的最大樂趣， 除了糾結於如何「眾裏尋他」之外，更大的期待必然是在完成「前奏曲」後再添食，向餐牌發起第二輪進攻。而一邊看着井之頭享用美食時的笑意，一邊聆聽他的內心獨白，亦是必不可少的開胃菜。電影版過於重視故事的展開，而忘記了基本的調味料，實在是大失策。幸虧得到久違大銀幕多年的內田有紀擔當綠葉，算是勉強彌補了「食材」單一的缺憾。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

劇情好似打機咁：主線任務係尋找「一仔湯」，尋找過程中不斷解鎖支線任務，例如撐船過另一個島、尋找拉麵店老闆等等……令整個過程生動、有趣。井之頭先生係各國隨便入一間餐廳享用美食，令人有種自己去旅行搵餐廳都係睇門面、裝修、菜色等等合唔合自己口味，發現到一間好食餐廳的確有種「我揀啱了」嘅想法，令各個地方美食嘅鏡頭配合劇情發展顯得順理成章。雖然本人完全無睇過原作，但松重豐獨特、別具一格咁演繹井之頭先生，都可以理解為何《孤獨的美食家》電視劇能如此受歡迎。可惜嘅係我係空肚睇呢套劇，睇嘅過程已經非常肚餓，係咁諗一陣食咩，建議觀眾們記得飽肚先好睇…….

未睇過原著作為一張白紙咁入場感覺除咗覺得節奏慢少少其實都睇得幾舒服平平靜靜地睇咗齣暖心嘅戲