虎毒不

個人覺得套戲是不俗，小娟無論在處理同執行，也比淪落人時紮實。我會講，這個劇本，的確只有她才可駕馭到，因為她同戲中淑貞一樣，也是單親家庭兼初為人母，所以在執行上，她會特別得心應手。無疑套戲皊調子是沉重同無希望，但這樣放在套戲，並沒有任何違和感。而這個故事，正正需要這個調子。而同時我也喜歡小娟用日出日落作為時間軸這個設計，因為對有初生嬰兒的母親來講，捱過每一個日出也是一個煎熬。而在描寫淑貞同媳婦之間同她想重回職場這兩個章節的處理同描寫方面，她也是寫得好同細膩。無可否認，今次阿談的演繹真是眼前一亮，她好多情感位的執行，也比以往的熟練同更有層次，可以好細緻地演繹出一位願替兒子眠乾睡濕去苦苦支撐兼有產後抑鬱的雙職媽媽。其中我最喜歡她戲中數段獨白的場口，咁當然波姐今次演的戲也是好好睇。痴·影·夢·藝 X 的專頁 https://www.facebook.com/ckwunmovie/

做女人真係唔容易，又要嚟M，又有M痛，又要生仔，又要餵人奶，又有機會產後抑鬱，呢啲都係天生女人不能改變要承受嘅麻煩/壓力/痛楚，所以我尊重同愛護女性(壞/衰女人除外😅)。社會生活壓力女性要出外揾錢幫補加計更令女性多加一重壓力，所以母親節永遠會比父親節為人所重視。講返套戲，一貫寫實倫理片題材，講述一名產婦產婴以後嘅各種壓力，包括照顧婴兒、夫妻/外家相處、工作/事業等等。各方面都描寫細膩同寫實，帶出女性產子後都需要多加理解同愛護信息，尤其係最關鍵嘅老公。如果連老公都未能好好理解、體諒同愛護老婆，老婆一定會感到無助同抑鬱。致於片中老婆到底有冇患上抑鬱症、最後有冇做錯事(泥沼中有一個奶嘴)，觀眾自行理解同判斷。緊接之後以女主角產前露台充滿期盼對腹中婴兒唱歌來作結非常唔錯，表現出故事中女主角產前同產後嘅對比，以及女性天生對生兒育女嘅天性同盼望。電影另一焦點當然係早前已封影后嘅女主角談善言。睇完本片後，筆者認同頒呢個影后比佢。呢套戲談善言能演譯到角色嘅無助同壓抑，所有嘢都好似係佢嘅問題咁，令觀眾產生同情感覺。絕對期待以後更精彩演出。本片其他方面如攝影、剪接、講故事技巧等等都唔錯，故事亦完整，睇得舒服，有不俗嘅觀影感覺，係值得入場欣賞之作。PS. 今年香港電影金像獎最佳女主角都幾難估，有3個候選人表現都幾接近😅 但本人認為談善言機會幾高，因角色比較深沉、內心比較複雜，較難演譯，而談善言算係處理得唔錯，其中有一、兩場獨白演譯嘅戲更令人印象深刻。Anyway, 今届五個被提名最佳女主角侯選人都係佢哋目前為止嘅最佳演出，已經係最佳女主角。

多內心掙扎情感戲…劇本都寫得好地，幾真實！仆街老公同老爺奶奶都演得好，真係夠哂仆街！收尾有少少突然…可以演繹/交代得再好啲！

劇本本身好寫實，屋企人既沖突唔係一言一語既誤會，係年月加埋既不能解釋既問題。到底生完個bb係一個人既責任，定係兩個人一齊負責？

陳小娟又進一大步，故事劇本到電影語言都更專業更精準。產後抑鬱題材難拍，有信心拍，仲要處理得細膩，證明佢係許鞍華後最有丈氣女導演。哩套戲有好多有爭議性嘅處理，故事本身唔易入口，仲要結局冇出路，係為完整性趕客，我最關心始終係一對乳頭。談善言好專業，裸露上半身，就算有特技化裝，都趕走九成所謂香港專業女演員。陳小娟喺乳頭上大做文章，尤其厠所泵奶，係佢對中國人保守思想嘅反抗，裸露上身被視為不雅，就算餵哺母乳亦唔例外，所以更加要喺度露乳，為女權發聲。當然套戲有地方可以再改善，例如中段有啲拖，談善言段長表白唔夠精練。我係小津粉絲，如果拍得再抽離啲，加啲小津旁觀式味道，效果會更好。有小朋友或將會有小朋友都應該入場，尤其係母乳支持者。

《虎毒不》影片聚焦咗一個新手媽媽，頭半年左右面對BB嘅喺生活上作出重重嘅問題，同自身精神上嘅掙扎。故事聚焦咗喺淑貞嘅堅持，而佢嘅堅持係得唔到BB好嘅回應，亦都得唔到家人對佢嘅支持，成件事就好虐心。虐心嘅程度，好似睇一啲奧斯卡得獎電影，例如：《鯨》、《復仇勇者》、《爸爸可否不要老》⋯⋯唔怪得之喺節目上谷德昭話，係一齣恐怖片。虐心式演出難唔到談善言，但角色上限制，爆發力亦都比較弱！如果寫產後抑鬱，同而家比相信，成個故事會比較有內容。好似睇多一次《流水落花》，港產片繼續轉形成呢種模式，條路真係再難行！唔知有幾多真媽媽有共嗚，但作為過來人覺得，陳小娟本身作為媽媽，去開拍《虎毒不》，係好嚴重錯誤放大BB嘅喊聲，而拍成電影，故事又太薄弱，似記錄片扮劇情片！