PUI PUI 天竺鼠車車 電影版 MOLMAX

這個比預期有趣的新．AI 天竺鼠鼠車發佈會，好有《智能叛變》同《黑鏡》嘅味道。大朋友都可以投入的可愛而驚險故事。有人、有對白，再加同車的科幻闖蕩亦都易入口，對大小朋友都是！搭上時興的人工智能，雖然跟習慣的實景逐格動畫不一樣。還是有很多回憶秒間記起，好像胡蘿蔔的誘惑、疊馬式穿過塞車的趣緻設定。最搞笑是景點的即影即有高清相機，不過像馬拉松要相的話要付錢解鎖！有種恐怖是一直看不能停下來！這個繽紛畫面看過反而難回以前，毛茸茸的樣子還是有保留，上月球落龍宮車車突破物理界限！找尋失踪的車車，借獨特心型的便便來找確實有點無厘頭。不過很自然跟開頭逃跑的原始AI車車的伏線合起來，這個失蹤點子真的大升級！柔軟的車車與駕駛者的關係有的不可分離，也有人好自然立即送去樂園試駕並換新。不過知道成件事的來龍去脈之後，就會更愛惜車車！

本來都諗緊睇唔睇，見到評論話有深度就決定睇啦（場次真係好少。。。）估唔到短短68分鐘，不停賣萌嘅車車背後，講嘅故事都幾完整，講嘅不單係AI議題，更係價值觀之間嘅碰撞，尤其是間AI公司背後嘅故事真係完全估唔到。大朋友都啱睇。4.5/5（90分）

電影版仲有好多致敬動畫嘅小彩蛋～睇到喪屍出黎雖然無厘頭但真係會心微笑。劇情好跳掣但出到黎又有文有路，估唔到天竺鼠車車都可以咁有深度，核心主旨竟然係反烏托邦？看似完美嘅AI車車vs愛自由嘅天竺鼠車車！賣埋萌萌嘅現實天竺鼠+貓咪就緊架啦！其餘大道理小趣味電影都不停咁滲出黎，總之都係個句：「小朋友睇鬼滅之刃；成年人絕對係睇天竺鼠車車！」

最主要想支持近年最有誠意嘅動畫製作致上最高謝意(天竺鼠車車真係逐格影相，一針一線整出嚟)，而且天竺鼠車車實在可愛度爆表。兒童向係理所當然，小型製作亦都可以理解，但電影絕對唔難睇，陪小朋友睇應該都唔會覺得低能難頂雖然峰茫已被同樣係晨早杯面番chiikawa遠遠超越(無計chiikawa實在太屈)，但我都希望我少少貢獻可以推到有第三季或者下套劇場版

監製很有喜感，笑點一啲都唔低俗或者過分稚氣。每一個畫面都很有邏輯地解說。片長一個鐘頭🙇🏿🙇🏿🙇🏿