木送

本地小眾紀錄片，通常我都好少睇，唔係唔鍾意，而係好難搶飛😺呢一套對我自己而言，比起四徑大步走更加有feel。時間線由2018拍到2024，追蹤左7年好唔容易，追溯到新界東北發展然後北部都會區。權叔同鎅木廠嘅故事就好似現代版活著，成世人都好勞碌，為口奔馳大富大貴稱唔上，退休想守護自己嘅木廠事業都要同官商以卵擊石。見到佢一拐一拐嘅背影，不勝唏噓。土地正義聯盟成員同權叔嘅相處，亦都好觸動到我。猶記得社運低潮嘅時候，東北案多人入獄。然後去到依家依然為權叔，爭取佢嘅合理安置賠償方案。諗起窄路微塵當中一句，呢個世界閪，唔代表你都要做一個閪人。