拿坡里的美麗傳說

中文片名又一次不知所謂，故事發生喺三地Napoli、Capri和意大利北部，代表女主角人生三階段：青少年、成年、中老年。片末少小離家老大回，回到拿坡里，終於感受到故鄉嘅特立獨行：堅決、熱情、慵懶和孤獨，正是女主角嘅特質，雖然年老色衰但仍然美麗而充滿魅力，所以女主角最後還能回眸一笑，天地動容，比起片頭嘅出水芙蓉，猶有過之而無不及！首尾呼應。紅顏雖老，朱顏已改，但無論地方或女神，美麗依然，就不是「傳說」！Parthenope既係地名（拿坡里名勝）亦係女神嘅名字（當然可以做女孩的名字），希臘海神波塞東孫女的名字，所以女主角合該於海水中誕生，亦令我諗起另一女神Aphrodite（即愛神維納斯）同樣於地中海出世，所以長大出落如愛與美之女神，睥睨眾生，既傲視亦憐憫追求者，不發一言不作請求，盡得天下所有，只可惜身為眾人的女神，個個都愛等於個個都不愛，屬於眾生即等於不屬於任何一個，到處留情，即任何一處都留不住女神，註定咗孤獨終老嘅最後結局！其實電影主題我不肯定，例如老教授守護嘅巨嬰代表甚麼呢？拿坡里永不長大永遠純潔單純？不過我好鍾意人類學（女主角主修科目）和片中隱含希臘羅馬哲學的睿智，例如Gary Oldman一出場就語不驚人死不休「真受不了你們年青人那麽奢侈地自暴自棄」（我咁老，活得不耐煩，生無可戀，猶自不願放棄生存）拒絕女神追求「我不願浪費你青春嘅一分一毫」多麼愛惜年青人，又多麼懷戀已逝嘅青春，深深引起我哩位只花$25睇老人早場嘅觀眾嘅共鳴！「人類學是甚麼？簡而言之，就係觀察人類！」「你在想甚麼？不用告訴我，我知道，想其他嘅一切！或者又不是！」「我在想甚麼？為愛而生存？為愛而生存⋯⋯」女主角係電影亮點，Napoli和Capri嘅明媚風光係最佳佈景和襯托，攝影係錦上添花，故事即使零碎反而不重要！Celeste Dalla Porta係唔係女神級咁靚呢？我可以話單看面孔並不完美，至少我喺無數次大特寫時搵到三處小瑕疵，但同睇Gone with the Wind時初見Scarlet一樣，「咁都算顛倒眾生？」不過越睇越心如鹿撞，係氣質，說話唔多，動作唔多，舉止溫柔，顧盼生輝，一顰一笑，盡得天然！佢傲視（睇唔起）凡人但又同情蒼生嘅剪水雙瞳勾魂奪魄！但最奇怪嘅係佢穿上職業女性嘅套裝，竟然比以比堅尼泳裝示人時更有魅力，換言之，佢著衫比唔著更迷人！佢身材極好，27歲，仍然有二八少女嘅鮮嫩嬌軀，但上圍和曲線仍然驕人，雖然電影被列為三級，但我和其他觀眾都沒有歪念，只以欣賞維納斯雕像嘅眼光鑑賞女神嘅優美！電影亦不乏意大利式嘅幽默和諷刺，拿坡里主教喺教堂褻凟了希臘女神，還好意思去競逐羅馬天主教教宗之位！Greta Cool破口大罵拿坡里人和地嘅種種荒謬缺點！還有南部大家族/黑社會和解嘅聯姻方式⋯⋯都令人嘆為觀止，片長比《腓尼基》更長，荒謬怪誕猶有過之，但言之有物，比腓尼基故弄玄虛高出好多，完全不催眠，幾乎連放蚊位都冇！

電影奇炒之處是把問題交給觀眾~~你在想什麼？女主角出生於拿坡里，成長於拿坡里，歸根於拿坡里。她美麗，而並不恃靚行凶，她聰明高智慧並喜歡研究人類，她迷惑於周圍人的景況，她期望别人讀到她的心思，但自己未找到能打開心窗的人。女主角很美，具有camera face，且性格頗有不合群的學者風骨。她可能看透了世情，是件痛苦之事。幾特別的電影。至於3級，可能成人才可有機會領悟。觀看時，想像一位自知美麗，明媚和聰明的人如何看世界，會有趣得多。

3.8⭐電影分成好多幕，每一幕都係女主角所見嘅人性同社會狀況，當中加入抽象/怪誕原素。作為香港觀眾嘅我，當然未能完全理解歐洲嘅人民、社會同政治環境同理解所有導演要表達嘅諷刺/訊息，但仍能feel到導演嘅用心同功架。電影整體攝影出色，同配樂相當配合，形成一種唯美又易入口嘅藝術感，整個觀影感覺不錯。演員表現亦出色，尤其女主角，青春美麗，身材均勻，性感萬分。個人認為此作一般追求娛樂爽片嘅普通觀眾不一定要睇，喜歡深入lun骨咁lun一齣電影嘅觀眾可考慮入場，以觀摩角度入場亦可。PS. 此乃三級電影

我會形容套戲好精彩，蘇雲天奴好依然交出大師般的功架。我會形容這套好如一杯既有拿坡里陽光、又有好濃郁人生哲理，擁有不同層次的美酒。今次蘇在各方面的處理也是目不暇給，無論鏡頭、美術、角色塑造、背後含義等，也雕琢得完美無瑕，他這樣細緻輕盈的筆觸，好令我這個唯美控十分著迷，他每一個鏡頭的處理也是唯美到令人神往。而他在劇本的執行也熟練，可以細緻地拿坡里獨特風光融入這副好有味道的故事內，這點我十分喜歡。當然女主角 Celeste Dalla Porta ，無疑是這套戲最亮的亮點，純粹她這副意式完美身材加上蘇的唯美鏡頭，當然好令所有人所著迷，她這股氣質我會形容是近年其中一顆令觀眾眼前一亮的稀有珍珠般。除他外，加列奧文演作家也是好睇。痴·影·夢·藝 X 的專頁 https://www.facebook.com/ckwunmovie/

可以參選港姐的同戲名女主。在教授手中取得滿分之上，在人類學中覓覓。美卻故事空洞，詩意版的《完美物質》。人人都被她、她的年輕所吸引。靚是她成功的原因，但綜觀一生還是悶悶不樂。初時還以為她的美會好似《富江》男人都為之瘋狂。就算沒有答案也可教人。容貌有用，但智慧更加分。開頭不斷暗示向後跌下。成人之後，一個愛上自己的大佬就不能忍受這種愛而了結。美也會傷害別人。整容失敗的老演員跟不再年輕的成功演員再看靚的執着。迷人的老闆車她去圍觀一對世仇家族的「結合」。不可能也可以做愛，更何況先前的兄妹戀。抱緊教授，明白與解開了。即㤦生成像教授兒子那款也要好好活着。

呢套戲勁在我睇完如霧似幻，明白左人類學但諗真啲其實又有9成唔明套戲講乜。理論上套戲好多沉悶位但我出奇地睇得幾入神，連睇錶嘅動作都無，只能慨嘆導演好清楚自己搞緊乜，駕馭得套電影好好，實在係大師級。鏡頭處處都有細節，每個情節拍得極其隱喻，明面上無拍出黎，但導演透過鏡頭運用、巧妙嘅對白、演員嘅微表情、動作，令你又明白佢當下想表達咩，但再細思又唔知自己其實有無get錯？呢套戲實在好需要觀眾對得上導演頻譜先會喜歡，如果你睇戲口味唔係呢個頻譜你根本唔明套戲噏乜9。呢點無對與錯，純粹係每個人價值觀唔同。最後結論睇完出黎無論自己明唔明，都上左人類學基本一課：人類學就係要觀察。我當自己係女主角咁觀察左意大利、拿坡里有趣嘅眾生。無論係呀哥、詩人、黑幫、樞機定大庭廣眾扑野嘅人都當上緊人類學。而且女主角實在美得驚人、唔止靚仲有氣質，完美演繹到「美麗傳說」，選角說服力十足。亦都拍得意大利好靚，真心係說好意大利故事！