不赦之罪

個人覺得套戲是出色，我會講整套戲無論在劇本、執行的完成度也好高。兩位導演無論在調度、節奏、角色塑造等，均是到位。我反而會覺得這個版本有點過短，有些章節的描寫有點被省略，如果將來有一個比較完整的版本，出來的效果會更好同更完整。的確，這套無疑是一套以探討信仰同人性之間衝突、嫌隙同界線作主軸的片，在這方面上， 兩位導演的處理是好睇，無論在敘事角度執行、角色之間描寫同鏡頭意境配搭均是好到位，一點也不會浪費這個課題，這點可能因兩位導演也有宗教背景有關。咁當然，講演員演繹，的確無什麼可挑剔的空間，無論是秋生、玉華、Grorge也是好好睇，三者互相之間火花同互動也是好高，好多場的處理好高，當中個人最喜歡、梁牧師同Grorge初碰上、快餐店同最後一幕（個人覺得這幕有少許向的士判官致敬）的處理。痴·影·夢·藝 X 的專頁 https://www.facebook.com/ckwunmovie/

2.8⭐一套關於罪與罰、寬恕與仇恨題材嘅電影。導演/編劇刻意安排角色身份同宗教/意識形態嘅對立嚟產生戲劇效果。意念大膽，可惜處理麻麻，尤角色設計，心態同情感轉折處理突兀，尤其牧師兩公婆，開場同完場時完全兩個人，但中間心態轉變欠描寫。女兒個性反差亦太大，又冇解釋做乜要整蠱男主角，但整蠱完又冇好開心，欠解釋、欠描寫，動機不明。男主角角色亦有點兒過份天真，尤其出獄後，只懂對牧師講"我唔知”、“我唔知可以點做"，似乎果幾年鐵窗生涯係白過，冇用過個腦。奇怪角色塑造/設定令我投入唔到角色內心世界。牧師夫婦同男主角三個角色關係仇深似海，但又擦唔出火花，拍唔出戲劇衝突效/茅盾效果，尤其牧師同男主角，演出毫無戲劇性，好似各有各演咁。最後以黄秋生接載男主角作結尾亦有點模稜兩可，收得唔靚。整體本人覺得套戲係拍得唔係好完整，好多地方都怪怪地，能演嘅演員都冇乜表現，觀影感覺麻麻哋。導演/編劇下次努力！🙏PS. (含劇透)• 最令小弟覺得奇怪係男主角犯法，經過一輪警方調查同審訊過程，男主角竟然完全唔知到牧師兩公婆就係女同學嘅父母，難道兩公婆(受害人父母)都冇去過法庭作供，當面作供指控男主角？• 牧師突然眾目睽睽下大發神威企圖浸瓜男主角，意圖謀殺，屬嚴重刑事罪行，理應坐翻十碌八碌，但電影完全無提及，浸完男主角之後只講佢揸 Uber 接載男主角，好似乜事都冇發生過咁，怪怪她，好似差咁啲嘢咁。• 女兒雙面人，整蠱男主角導至男主角憤而向女主角施暴咁重要嘅案情，關乎男主角犯案動機，照計喺警方查案同法庭審案過程已揭露哂出嚟，牧師兩公婆作為死者父母冇聽審？又唔睇報紙？控方律師冇同你兩老keep 住跟進案情發展？兩老又完全冇跟進過愛女單案，對單案一無所知？乜佢哋唔係好緊張個女嘅咩？竟然要犯人男主角事隔咁多年咁啱唔覺意話比佢聽先知自己個女玩弄男主角？編劇真係太粗蔬啦！為扭橋忽略合理性。• 睇完套戲我反而同情男主角，牧師兩公婆應該為教女不善向男主角道歉同請求上主赦免佢個女嘅罪。• 總之成個劇本好多沙石，講唔哂。• 其實套戲只得84分鐘係偏短。呢個題材大可拍多20-30分鐘去加強人性刻畫/轉變同彌補好多交代不足嘅劇情，令電影完成度提高。亦可以參考日式文藝片嘆慢板沉浸式表達手法。

林善首執導筒，處女作即獲兩大好戲之人黃秋生及蘇玉華坐陣，父親曾任牧師對於林善執導宗教元素電影應有一定幫助，短短84分鐘都足以看到電影有一定的完整度，起承轉合上都能以對白交代出完整的故事內容，劇情的真相亦以剝洋蔥的方式向觀眾交代，以處女作而言，林善的功力在說故事方面確實帶來驚喜。只可惜由宣傳開始都強調電影大玩宗教元素，在電影當中卻未能感受到太多宗教角度與人性化之間的角力，《不》與近期同為高登先出品的《爸爸》的缺點相似，兩者間的主角同樣面對著父親及仇人之間的掙扎，惜劇情當中卻未能好好交代出當中的掙扎，而兩者之間《不》相較之下站在更高的一方，電影將那份對立放在母親與父親兩人，從而勾出大眾對「上帝的考驗」兩種對立的看法。不過梁牧師面對著仇敵卻未有太多劇情去描繪他的內心掙扎，只能單靠黃秋生的演技去支撐，我期望可以看到更多基督徒與受害者之間的論點掙扎，劇情卻只流於重重覆覆去讀聖經，亦未有透過所讀的經文去延伸，彷佛將經文變成讀白一般。以宗教為題材的電影不得不提及年頭由MM2發行的《門逃》，以基督徒角度切入再逐一提出論點反駁，最後再為劇情所提出對基督教的質疑提供上一個答案，在入場看《不赦之罪》前我帶著同樣的期望，身為牧師要面對強姦自己女兒的犯人跪在自己面前請求神的寬恕，本應有著更大的發揮，亦能好好利用牧師自身的角色自我在牧師與父親兩者當中作出一場辯論，但電影卻選擇走在一條灰濛濛的方向，以沉默遮掩一切宗教元素，實屬失望。承上，蘇玉華成本片最大MVP，戲份不多卻成為了全片焦點，將一份喪女之痛好好表達，不溫不火，眼波當中流露出一份思念，完完全全看到一個走不出傷痛的母親身影，在教會中與歐鎮灝的對手戲雖少，卻足以力壓全場，真的無法不喜歡她。而歐鎮灝首次擔正表現同樣亮眼，雖然演技仍然未夠成熟，不過出演一個二十歲的小男孩反而一份稚嫩幫助到投入角色，與秋生的對手戲雖然明顯佔下風，雖然對質一幕未見張力，但恰好電影正正需要表現出一個小男孩的懵懂不安，同樣地劇情推了他一把去成就角色，暫時2025年都數不出五個新演員，相信歐鎮灝對於下屆入圍新人獎都十拿九穩，至於獲獎與否則要放眼下半年港產片會否有新人掘起。

不是聖人，人性同宗教既取捨，黃秋生演出係text book, George 既清純係出奇地自由，值得入場支持

含劇透！！(請回)阿樂(歐鎮灝)在學校被欺凌，以為女同學梁恩晴(陳書昕)同情他，向他伸出援手，並對他表示愛意。晴原來是壞女孩，協助欺凌者引誘阿樂自拍裸照，在學校公開，對阿樂二次傷害，樂一怒之下將晴強姦，被判入獄。出獄後阿樂遇上晴父梁牧師(黃秋生)，知道晴後來已自殺去世。經過幾番爭扎，阿樂終得到梁牧師原諒。阿樂強姦恩晴之罪終被赦免；恩晴性欺凌阿樂的罪亦被赦免。電影劇情起伏有戲味，比想像中精彩，George初登大銀幕，演出不錯；陳書昕演開viu劇，演技出色，可惜戲份不多，沒很大發揮。電影探討宗教規條和人性之間衝突，如何取捨？不赦之罪，相信導演是指梁牧師因宗教信仰而拒絕讓女兒恩晴去墮胎（因姦成孕) ，最終迫女兒走上自殺之路而深感內疚，不能寬恕自己的罪。

《不赦之罪》用各種矛盾，將一個簡單故事，建構出一個好複雜命題。兩位年青導演林善 + 譚善揚選擇倒敘，抽絲式講故事，營造一個唔係好嘅決定，而片中設計呢個高潮位喺一個未夠舖排下發生，觀眾眼下梁牧變咗下一個阿樂！過程沉重，但總要放下！黃秋生+蘇玉華呢對夫婦，戲中積聚咗三年疏離，黃秋生表現係一個已經脫離咗同太太交流，佢好似一個完全冇親冇故嘅人一樣！有同枱、有爭執，完全冇有親人靈魂，得個殼！太太蘇玉華同梁牧一場車內對話，好重要，但又令人好出戲，可能係對白中太有戲，反而變得唔實在！George 歐鎭灝努力做好功課演出，亦有少許過於用力，有部份內心滿足嘅發力過多，收檢少少會更有味道！陳書昕角色，係整齣戲關鍵同亮點，形、神、態度，絕對值得一個提名嘅機會，全套戲最好睇嘅就係佢！故事似係以宗教反宗教，如果冇信仰嘅羈絆，根本冇呢個故事！執着成為咗最大嘅殺人武器，想起黃秋生另一齣銀河映像電影《報應》；而結尾嘅就好似致敬咗另一齣銀河映像電影《再見阿郎》。