拼命三郎

個人覺得套戲是好睇，我會形容套戲有回一種，久違了很久，港片獨有的江湖氣概味。這方面，大利的處理的確出色。而因加入疫情作為故事背景，令整個故事更有獅子山精神同需要拼勁向前的主軸。其實純粹睇阿譚這段，已經好好睇。這方面上，陳的塑造角色功架好出，他在整個塑造上好立體，這樣好令觀眾有投入感，而因有浩南所謂兄弟之間矛盾的設計，也令阿譚在戲中的角色面更為豐富。咁當然今次阿譚本身的演繹也是好睇，既有中佬發奮圖強氣概之餘，深層情感處理也到位。而 Locker 今次的演繹也是有所驚喜。咁當然大利在鏡頭捕捉上，也好有誠意同心思，他鏡頭下的油麻地好有獨特味道，尤其幾個窩打老道果欄段的夕陽的鏡頭，我會形容這些鏡頭有令陳所講今日三部曲有所呼應。痴·影·夢·藝 X 的專頁 https://www.facebook.com/ckwunmovie/

電影搵嚟譚耀文、鄭浩男兩位資深演員做主角，演過氣江湖大佬，需然有一定吸引力，但已給人一種"舊"或者“過氣”嘅感覺，加埋好大路熟口熟面嘅港式親情、誤會、茅盾、勵志、江湖、....等等典型故事同劇情走向，令到成件事變得好old school 好老套咁囉。😅整體演員表現其實ok 嘅，譚耀文同鄭浩男演江湖大佬已經唔係第一次，架輕就熟。姚樂怡出身TVB，點都唔會令觀眾失望。反而林家熙有點驚喜，角色塑造令演員演技發揮機會唔大，但有機會show 吓 Quali，show飢show體能，打得算唔錯。整體嚟講電影講唔上好精彩，但平平穩穩，想feel 下港產片陣除可以入場。想睇下好耐冇乜港片作品嘅譚耀文同鄭浩男鬥戲亦可入場。PS.• 冇聽錯好似譚耀文唱片尾曲

以疫情作背景足以知道雪藏多久才迎來映期，曾幾何時對電影有一定期望，因為當年林家熙一角本來為陳卓賢@MIRRO的處男擔正之作，後來因演唱會事件而無奈辭演，看過成品後一來替陳卓賢感到欣慰，幸好第一套擔正的變成《久別重逢》中才華洋溢為其度身訂造的角色，二來不禁疑惑究竟為MIRROR接劇本的負責人有沒有好好看過劇本才接洽，早前已有《忽然心動》要用「糟蹋」形容江熚生的處男作，後來又有《假冒女團》令盧瀚霆在爛片中名留青史，拜托為偶像好好挑選劇本可以嗎？觀影過後的一刻我未有第一時間想起原先石頭一角為陳卓賢，但看著林家熙的演出，石頭一角完完全全是一個美麗皮囊角色，對於演技及拳擊的要求並未太高，卻十分刻意地存在著大量裸上身騷肌鏡頭，當下就覺得角色完完全全是為偶像所設。雖然林家熙無論身材還是演技都對得住石頭一角，不過若然要我在當今世代的美男子重新選角的話，江熚生@MIRROR的樣子立刻映入眼簾，身材好到不得之了就毋用多說明，看過他在《繩角》的出演加上本人的性格，未出演已經有「拼命」的感覺。而劇本本身早已說明「拼命三郎」一角是為譚耀文度身訂造，雖然劇本老土得相當難看，但不得不承認譚耀文的確演活了三郎一角，那份大喇喇的過氣江湖味真的迫出銀幕，即使角色未見討好，仍然有種好型的感覺從譚耀文身上散發出。對手鄭浩南更不遑多讓，直情是御用黑社會大佬人選，兩位大哥在文戲上的對手戲都成功營造出張力，只可惜劇情糟糕得令到兩位尾段有如馬騮戲一般，完全不忍直視尾後的打鬥戲。其實老土非致命點，老土最多穩打穩紮並未會導致拼命尷尬的場面，《拼》的死症在於劇情老土得來卻不合理，每件事所牽涉的後果都欠動機，實在難以想像這種劇情能湊合成一個完整故事。首先「拼命三郎」為三郎本人，從電影當中完全感受不到拼命在哪裡，難道親身打理酒吧就足以拼命？實在教人摸不著頭腦。反而拼命卻落在石頭身上，如果打拳是要支撐起「拼命」這個命題，卻又拼命得相當薄弱，拳擊電影的熱血又沾不上邊，江湖電影又半桶水，最後變成三不像。更遑論應智越的角色慘成小丑，明明演技比預期中好得多，卻換來一連串佈景板發揮，在尾段酒吧發鄭浩南脾氣一幕本以為會有後續劇情承托出更大發揮，豈料夠膽死一走了之就結束了整部片的戲份，即使非細貓fans都為他感到不值。第一天上映就高呼告急食相的確不討好，不過有網民發現上映首天經已為星期六，但票房慘淡到只有五位數，未Fact Check票房屬真與否，但的確如網媒所報導場次一片綠海，雖然港產片都鼓勵大家入場支持，不過同期都有不少港產片同步上映，我會建議大家可以先拼命支持其他港產，最後才到《拼命三郎》也未見損失。

開頭對呢套戲期望不大，點知睇落有驚喜。成個劇本好飽滿，所有角色嘅人設性格好出，主要角色幾個動作眼神就知佢地想做咩。呢啲基本野近年港產片都唔係好多套做到。分享會上導演本身話想拍文藝片，但廠商叫加啲商業元素佢都有照做，其實商業拍攝手法都有一定可觀性先可以屹立多年（對比下《淺淺歲月》就係商業片上玩野，走去另一極致）所以成套戲齊哂起承轉合，角色都係經歷高潮低潮個啲野啦，出到黎我就覺得好睇，到底係咪因為我都係目光狹窄同世俗嘅普羅大眾呢？講返少少劇情，譚耀文+Locker父子線好好睇，無咩好講了，係有少少睇緊《別叫我「賭神」》《一秒拳王》嘅感覺（商業片壞處？）用黎對比嘅另一條父子線：鄭浩南老戲骨+本身嘅氣場已經好食到個角色，同譚耀文嘅對手戲都好有火花，選角非常合適；細貓做嘅兒子就唔太得啦，本身劇本著墨同演員魅力都麻麻地，拍落Locker到就差幾皮；主角線以外嘅角色最亮眼係姚樂怡，一黎太耐無見，二黎個角色都寫得唔錯，令到我好有印象。導演話係拍比香港人嘅勵志歌（雖然個個導演都係咁講架啦）但呢套《拼命三郎》個人覺得佢做到了，對白雖然都有少少硬崛向，但比起其他對白好突兀嘅戲黎講算合格，起馬睇落唔會尷尬先啦。呢套戲有文藝有江湖有拳拳到肉又有親情，劇情無崩壞仲幾好睇添，個人十分推介！

《拼命三郎》設定上，係上世紀古惑仔+激戰，劇情係大路：有過去的人，偶遇幾年冇見嘅親生仔locker，一場衝突，又遇返已經上咗位，身光頸靚嘅兄弟，將兩代人拉埋一齊⋯⋯再遇上covid大時代。本身老老土土嘅故事，變得有啲時代感！譚耀文喺戲入面有極大壓場感，佢同locker嘅父子戲好好睇，絕對觸動到觀眾！三郎好打程度同劇情鋪排，有少少好似John wick咁！食返個戲名《拼命三郎》！ 好巧合咁早兩個星期重溫咗，譚耀文有份演嘅《野獸之曈》，同譚耀文喺《拼命三郎》入面嘅前設有少許接近，睇落幾有feel！PS：有啲令人出戲嘅係，老鬼纹身太深色，同埋三郎額頭上塊膠布，貼得大耐！