七大罪劇場版：天空的囚人

“七大罪”嘅動畫版一直都有追開,個故事都幾鍾意,知道有劇場版嘅時候,已經好期待,等左咁耐,終於上映啦,緊係入場睇啦。 睇完之後,我係覺得好睇嘅,質素都保留嘅,角色吸引,劇情對比起動畫版就真係差減啲啦,節奏快,冇悶位,畫風靚,打鬥場面幾豐富,整體表現還可以啦。 對比喺動畫版,今次呢套劇場版的確冇咁精彩,相信呢套劇埸版都係打「十戒」嘅途中嚟個中場休息。 睇呢套劇場版,純粹係了解倒女神族嘅後裔“天翼人”,多年嚟“天翼人”都因為要 遵守戒津,所以吾可以離開天空宮,族人要不斷訓練,甚至多年嚟都相信地面已經被魔神族統治,直到“索拉達”離開天空宮後,天翼人就話要懲罰佢,睇得出天翼人係盲目遵守戒津,天翼族人一直都吾肯跳到戒津呢個框架,吾肯接受新事物,強大嘅女神族嘅後裔天翼人,輪落到變成咁弱,好有可能就係天翼人盲目遵守戒津,呢套劇場版嘅副標題「天空的囚人」,可能就係代表左一直被戒津囚禁嘅天翼人。 今次呢套劇情版嘅劇情就一般般,所以就吾多講解啦。角色方面都吾錯嘅,不過如果各位入場係想睇「七大罪」七位成員嘅英姿就可能會失望啦,雖然打鬥場面好豐富,不過「七大罪」七位成員嘅表現就不及動畫版,劇場版都吾會有「七大罪」成員詳細嘅人物描寫,睇呢套戲主要都係睇天翼人,女神族後裔天翼人,呢個設定都幾吸引,兩位天翼人戰士“索拉達”同“艾爾拉蒂”雖然外表上同“梅利奥達斯”、“伊麗莎白”好似,不過性格上就可以話係完全相反,咁樣都幾有趣,至於大反派「黑之六騎士」就麻麻地啦,戰鬥嘅時候一直自稱實力僅次於「十戒」,不過真係睇吾出囉,「十戒」真係超強,而「黑之六騎士」喺劇場版好快就被「七大罪」輕鬆解决,好眀顯就廢啦,感覺就係吾似劇場版反派應有嘅實力,最後有一點想講嘅係,天翼人阿婆同豬仔“霍克”嘅互動都幾好笑,大家入埸嘅時候,不妨留意下。 總括而言,呢套劇場版係好睇嘅,如果係“七大罪”嘅粉絲就建議睇,不過如果抱住「吾睇劇場版會吾會承接吾倒第三季嘅進展？？？」嘅進展嘅朋友就可以放心,劇場版完全只係個中埸休息,睇呢套劇場版純粹係了解倒多個族種,所以吾入場睇都得。

奸角廢得滯， 但係整體都算係咁