殺出坎大哈

手法精彩，而且真實。角色回歸平凡，演活戰亂當中身不由己的特工，只為自己與同伴的生命而掙扎求存，整體演出更人性化。一幕幕激烈動作場面，好看！

這電影吸引人之處是道出中東地域戰爭停不了的原因~“古時戰爭是為了勝利，今次不是為了勝利”，電影揭露多個戰爭利益關係者，有為宗教信仰、復國、金錢、權力、支持敵人的敵人、打擊敵人的朋友，只要戰火還在，他們便撈到好處，但苦難却留給老百姓，電影對此也控訴。而電影中的戰鬥場面都有可觀性，高科技武器下，人命像隻蟻。整體而言，不過不失。

呢套戲簡單介紹背景之後，男主角同佢嘅拍檔開始面臨各方追殺，而目標十分明確，限時內前往坎大哈嘅機場撤離。全程氣氛都相當緊張，每次交戰都有心驚肉跳嘅感覺(雖然知道男主角有主角威能，但佢partner就難講，所以都幾緊張嘅) ，中段感情戲點到即止，係逃亡類電影之中嘅佳作。4.5/5 (90分)

謝拉畢拿算係一個多產又勤力嘅演員, 每年總有一兩套作品推出, 而且水準不俗。此片亦然。上半場側重故事所以節奏較慢, 下半場到戲肉就非常緊湊。如果對當地政治、派系有認識會更容易欣賞。感覺上同早前果套譯戰同盟戲軌好相似。

湯哈里斯Tom Harris(謝拉畢拿飾）係CIA 特工，完成破壞伊朗核設施後，本想收山，但為咗女兒即將升大學所需費用，加上酬金吸引，就接下另一任務去阿富汗，豈料一位美國女記者被伊朗/阿富汗情報組織脅迫下，暴露咗湯嘅身份，湯及其在阿富汗作傳譯之阿富汗人阿穆（Navid Negahban 飾)被多方反美人士追殺，迫得要在30小時內趕400哩路程去到坎大哈，那裡有飛機接走。本片其實唔算差，劇情推進亦頗緊湊，呢類片嘅埋身打鬥、飛車、直升機追擊等等都拍得幾好。但印象深刻嘅係去坎大哈沿途沙漠景色，嗰種地貌並不多見，在這曠野中，真係不覺「念天地之悠悠 ，獨愴然而涕下」。另外編導安插一幕阿湯同阿穆在逃亡時，在寒夜荒野的星空下一段深情對話，十分感人。阿湯因工作與老婆感情疏離，但對住一個素未謀面，只新近相識嘅工作伙伴竟然可以吐盡心中情，人總係咁奇怪，我都見過唔少，同最親嘅家人恍如陌路，但對朋友就非常健談，傾訴心事，親過親人。

開頭男主角入侵當地的核設施，然後另一邊又同揭秘的記者煲煲電話。同一時間，又從塔利班內部之間矛盾。與其是「殺出」坎大哈，其實主角是要趕去那裏⋯⋯比較刺激的是集市追逐戰，然後再像玩泥沙的輕量槍械較量。故事整體真的催淚⋯⋯眼瞓的台詞。沙漠實景景色其實亦不算太特別，主要都大特寫角色，鮮有影背景的畫面。作為九月推出的戲，除非鐘情這類中東政治題材，同樣兩個幾鐘，國家地理上紀錄片其實更精彩。