仇雲殺機

個人覺得套戲總體是可以，我會講今次黑澤的敘事處理有點過於顯淺，雖然題材有新意，但執行上處理過於簡單，沒預期中這樣抽象，如果可以玩得更抽象（如最後結尾這樣），整件事會更顯得更有大師味道。咁當然今次菅田的演繹是可以，好多場他也可擔起，情感變化他到位。痴·影·夢·藝 X 的專頁 https://www.facebook.com/ckwunmovie/

套戲就唔知係咪想講炒狗死全家，到最後要孤家寡人。前期講炒賣時還好，中間加啲不明所以嘅懸疑劇情又無加以解釋。無啦啦後期變左槍戰？槍戰橋段又唔好睇喎，只係不停望錶等套戲幾時完呀？我就真係唔識欣賞大導演嘅黑色幽默，只係睇到1999，所有角色都九唔搭八，不知所謂。完全唔知佢地做呢個行動嘅動機同目的？戲份重要嘅佐野背景神秘，點解佢要幫主角？點解識揸槍？神秘組織係乜9？完全無解釋任何資訊。總之成套戲就on99咁浪費左我人生2小時……我就唔明呢套野點解可以代表日本角逐奧斯卡囉…….

本着此片被提名，以為驚憟好睇，但整套戲的前半部沈悶，後半部不合輯的槍戰，又冇交代女友背叛的原因，為何助手好似訓練有素的黑幫槍手。唯可取是男角的演技。

無論你入場前抱住啲咩期待，呢部戲嘅發展都一定喺你意料之外。好耐冇試過散場後同朋友討論得咁開心，好激發分享慾啲一套戲。鍾意呢種cult cult地嘅感覺，睇完係笑咗幾日的。推薦俾鍾意cult片嘅朋友！

個人覺得故事是講述一群生活不如意，感覺到受人看低、蔑視和甚至精神迫害，憤怒遷於別人的報復行徑。網絡世界是已成為現代人生活不可脱離的空間，過度沉迷令人對生活的現實世界容易感覺軟弱、受辱、不滿和憤怒，可能性格上已形成極度自我。男角以為隱蔽於網絡世界可以偷呃拐騙，但在任何世界上，只要你做過，一定會留下痕跡，被發現只是時間問題，男角最後被女友背叛也不知因由，太自我。電影表達方式和演員表演，可能抱住觀點是“明就明，唔明就黎明”，佛系式教育。男角表達方式如以往，比較冷漠、含蓄和克制，這可能明白男角為何受日本人喜歡。電影娛樂性一般般，但幾特別。

本片入選威尼斯影展，也將代表日本角逐奧斯卡最佳國際影片，亦有菅田將暉助陣。不過，唔好意思，我唔欣賞/唔識欣賞。本片類型為懸疑/驚慄/劇情，但頭2/3以日式歎慢板平淡手法去舖排，固弄玄虛，但沉悶乏味，下半場所謂"解謎"就變調走Cult，行凶者動機毫無說服力，個個都係冇智商，續個釘嘅編排更令我傻眼。藝術嘅嘢我真係識條鐵！🙄亦開始懷疑自己，我到底睇咗啲乜。