聽說

上映日期: 2025年1月9日 片長: | 109 分鐘 級別:
I
4.4
評分
57 讚好 9 影評
《男航女機師》團隊打造青春蜜語,榮登韓國開畫No.1!龍俊(紅炅 飾)大學畢業後,因找不到人生方向,終日游手好閒。在母親的強迫之下,他開始幫家裡的小餐館送外賣,沒想到竟遇上他的夢中情人夏天(盧允瑞 飾)。即使夏天只用手語說話,但龍俊也沒有放棄,反而加倍用心了解對方。得到夏天的妹妹秋天(金珉周 飾)暗中幫助,兩人的關係逐漸升溫,但正當龍俊以為能與夏天發展下去時,夏天卻忽然決定與龍俊斷絕來往…
顯示更多 arrow-down
loading
影評
詳情
場次
阿甘的巧克力
Lv. 10
star 4.0
我睇完覺得好似飲左杯全糖珍奶咁,勁甜
我就無睇過台灣原版,而且繼韓版《聽說》、日本嘅《聽見兩個世界》、及本土嘅《看我今天怎麼說》後,最近已經睇左3套關於聾人嘅電影,3套各自都拍得好好,3套我都覺得值得一戰!雖然3套戲都講聾人,但出發點都完全唔同,小弟極度建議3套都睇哂,會對聾人嘅世界更有認知,而且都令小弟引起極大興趣去學手語或者認識多啲聾人朋友,電影實在係可以令世界更美好。講返《聽說》呢套戲,可能原版劇本已經好飽滿,整套戲人設有深度,流程都好好睇。加上兩位女主角同男主角實在青春橫溢、年輕得好可愛,前段曖昧期真係大放閃光彈,睇到叔叔我都甜蜜滿瀉。中後段嘅低潮位就都係個啲野啦,青春愛情片甜甜蜜蜜,不過不失啦。而且整個故事都圍繞住主題:聾人。而唔係似某啲電影咁,主旨只係個設定,大部分劇情掛羊頭賣狗肉。《聽說》中間有講聾人嘅困難,亦有講識打手語嘅好處令我長智識;至於成個故事個反轉位都有跡可尋,亦係專屬於聾人嘅故事,令人印象深刻。整體電影改編拍得好睇,搵日得閒亦會搵返原版黎睇作對比,另外兩位女主角實在可人,係大加分位!
顯示更多 arrow-down
1  負評
0  回應
Super086
Lv. 10
star 4.5
清新 舒服 用心感受的聲音
開場簡單直接,男主角在泳池看到清新脫俗的女孩直接展開追求,很有青春氣息,片中各人都是好人,對聽障者的歧視之類的也只有一小段,讓觀眾可以舒服地享受主角間相處片段。唯中後段的轉折有點過於壓抑,影響觀感,但結尾有兩個反轉,其中一個似曾相識(?)4.6/5 (92分)
顯示更多 arrow-down
1  負評
0  回應
劇透閒人
Lv. 10
star 4.5
青春清新 睇得窩心舒服
我冇睇過2009年彭于晏台灣版《聽說》,但故事幾清新,唔怪得韓國會買咗個劇本翻拍!但情節有啲瑕疵,秋天贏比賽,點解係夏天同龍俊兩個去慶祝,反而丟下奪冠嘅秋天喺屋企冇份慶祝自己得獎呢?接著閉門家裡坐 禍從天上來?好唔合理,三個人一齊出去慶祝唔得咩,之前都試過啦,更何況龍俊同夏天正值曖昧期,都未開始戀愛,秋天夾喺中間都未係電燈膽喎!真心覺得夏天秋天兩姊妹都青春美麗,如果我係龍俊,喺電影初頭去池邊問剛冒出水面嘅秋天攞佢家姐電話時,見到出水芙蓉嘅秋天會呆咗,接著龍俊手語唔熟練引起秋天誤會「你想我哋姊妹兩個都追呀?」我會猶疑不決,唔識答因為唔識揀!其實觀眾好早都估到兩姊妹中只有其中一個係聽障嘅,不過我估唔到連夏天秋天嘅爸媽都係聽障嘅!不過睇返台灣版,夏天係細妹,韓版反而係家姐,令到片中一句對白令人莫名其妙:夏天用手語問媽媽「點解你會生我出嚟,你唔擔心我都係聽障,會加重你哋嘅負擔,養育我哋會更加辛苦咩?」應該係編劇和導演唔小心,照抄台灣劇本對白,又唔記得自己將兩姐妹嘅長幼次序調轉咗!仲有另一個牽強位就係夏天好早已知道龍俊唔係聽障,自己又可以聽可以講,點解幾個獨處時候都唔同龍俊開聲傾偈?最後喺泳池表白嗰段,龍俊仲未知夏天識聽識講,對住夏天背後放聲表白,點解夏天唔等龍俊講最後一句至轉身呢?因為即使夏天會意,知道嗰句係乜,但親耳聽到一定好sweet!此外,龍俊父母係一對活寶貝,非常之可愛,希望來世我有咁嘅一對父母,兩位甘草演得好好!整體而言,電影清新,睇得開心窩心又舒服,只係部分情節牽強犯駁,故弄玄虛,但瑕不掩瑜,值得推薦!(洪慶演技冇問題,但以外表而言,彭于晏又真係靚仔過洪慶幾多吓,所以夏天甩龍俊,觀眾會覺得可以接受,但台版秧秧甩天闊,現場觀眾一定大聲抗議:「No Way!!!」)
顯示更多 arrow-down
2  負評
0  回應
Kurtis
Lv. 10
star 4.0
舒服改編 拳頭掂鼻
春青的初戀沒有言語問題,因為主要靠字幕明白戲中手語。跟原版彭于晏(2009)大致相同,電腦變手機一樣都想跟對方傾計。無滲水的好劇本再配惹人憐愛男主角很難令人拒絕。韓國的夏天跟台灣的也各有特色。父母都好善良,沒有煩惱就算讀廢科。作為陽光哥哥,龍俊在小康之家無女主角般「現實」不計較錢銀問題追女仔亦好可愛,想「講」多句又跑走了的那種爭啲就得!今次刪減男女主角的背景,更集中兩位年輕人的邂逅,也有大頭鏡頭看主角的細緻靚樣。選角亦適應現代審美觀,高挑萌草配開朗小花。原版就用微軟MSN,韓版就改成蘋果iMessage。即便不用在電腦守住對方何時回覆,焦急的心情還是一樣。因應韓國文化,姐妹對調亦無問題。兩人一樣不知道未來的去向而更投契。不過韓版改動呈現出來男主角略為像個跟蹤狂,還好調光燈光令人仍感温暖。兩個設計得精妙的場景是一開頭男主角落酒吧浦感受喇叭震動,以及最尾女主角潛入泳池感受水中絕聲。靜寂有時更勝有聲!當然一開始如果有留心,女主角本身已經無障礙揸電單車及幫妹妹游泳計時都埋下大伏筆。中間兩姊妹為夢想為誰人而活爭執跟原版差不多。一樣都跟聽障父母擔心下一代會否遺傳而好辛苦,不敢隨便戀愛,聽不到更怕識男仔。其實這部分有點像《女兒的女兒》,己所不欲也不想施於自己的下一代。最尾也有解釋為何健全男主角會懂手語。最後的轉折都是初始誤會造就之後的「對話」 。至少學識一兩個手語,好似拳頭觸鼻來向對方表達喜歡之情。
顯示更多 arrow-down
0  負評
0  回應
DoraCmon
Lv. 10
star 4.5
比到同《看我今天怎麼說》截然不同嘅感受
比到同《看我今天怎麼說》截然不同嘅感受!呢套係用聽障人士包裝嘅愛情片,從中去講述聽障人士嘅世界,雖然比起《看》係比較表面,但都有嗰種感受。最特別係男、女主角本身唔係聽障人士,但都真係做得好好,甜爆燈!成套戲都好舒服、好清新、好青春,好睇!佢嘅主旨都好好,就係要為自己而活!女主女配姊妹好靚!
顯示更多 arrow-down
0  負評
0  回應
Alex Fu
Lv. 5
star 5.0
清新脫俗但沒有悶場
韓國關於兩個女生和一個男生之間的相處真是手到拿來一般,輕易讓觀眾代入之餘能夠保持那份純真是更難。對我來說很享受的兩小時,能暫時脫離煩惱,選角認真。2025打響頭炮的誠意之作!
顯示更多 arrow-down
1  負評
0  回應
私隱政策
使用條款
免責條款
65a7297