誤判

今時今日以甄子丹做排頭嘅電影一定有嘢比到你，唔會欺場，值回票價嘅。本片卡士唔弱，故事直線大路，邊個忠邊個奸一早已知，劇情推進算係冇悶場，但亦冇乜驚喜。不過吳鎮宇同甄子丹無啦啦“隻揪”泯恩仇有啲奇怪同R頭。結局老套說教亦係無可避免嘅扣分位。全片動作場面以120幾分鐘片長嚟講算係偏少，所以並非由頭打到尾嘅超級爽片，可能因為卡士太多要分啲時間/篇幅比佢哋演出。最精彩動作場面認為係地鐵車箱果幕，幾逼真。但嫌強橫屈機奸角又輸得太突然。卡士雖然強大，但角色同發揮並不突出。MC拍打戲都似模似樣，雖然知道好多都係替身。整體屬正常水平電影，都值得入場欣賞。PS. 開場張建聲當場被拉，但最終以證據不足無罪釋放。但以今時今日“完善”咗嘅新法律觀點，佢出現喺所謂罪案現場就已經可以罪名成立十碌廿碌，話之你咁啱喺現場等人、等車或路過。"證據不足"已經out啦！🤣🤣🤣唔知點解硬係要提當年英國佬乜乜，英國佬物物，同故事整體毫無關係。甄子丹條眉太誇張啦，粗過王小虎🤣

文戲還可以，以為會變類似主旋律電影，尷尬對白算克制。打鬥場面就更進步，甄子丹依然是功夫代表詞。反派極度威脅不放水，跨年電影適合打出真相。尤其關於陪審團的對白可能引起不滿，對白略欠推敲。各場打戲都有特色！一場係玩第一身射擊game式運鏡，超刺激腎上腺素直飆，雖然一開頭打到比較混亂。反派見到丹爺都派出最強，打到不分上下。動作確實守尾門。搜證時去被告有關Club天台上一打百略為誇張反而不夠爽。還好臨尾護送證人去法庭，再心驚膽戰地轉搭地鐵一段真係好正。打到張櫈都翻轉，一路以為那些鐵櫈是固定在牆身，可能戲中丹爺日日搭港鐵翻工就更加大力。打爆地鐵供電來熄燈更加是神來之筆～另一場吳鎮宇摟丹爺隻揪，打到上司撐他為止。真的以為楊官是貪污。轉折比較快，總之就支持戲中丹爺查落去。他們兩個裂縫都頗深。楊官應該是比較不明立場的人，可惜無再多敍。其他人就黑白分明。許冠文活現「大老爺」的背景，無人可代的選角。專業權勢。連司長都「要他坐下先至可以坐下」。最得意可能是丹爺庭上既要尊重又要有技巧地頂撞他。法官戲最尾雖然致歉，不過佢同記者嗰語氣其實又是那種官腔Sorry。男主角其實比較扁平，純粹正義。初執業的個案就已經要全力以赴，看來未來真相之前，他的心力應該會更先交瘁。法庭文戲就略為矛盾香港的法治體系。再加上借地址而被犯罪又不是第一次，今次反派不好彩撞正丹爺出馬。

日本武指大內貴仁，以一場甄子丹電影不常見的first-person shooter視角的圍捕行動，揭開了《誤判》的序幕。衝着甄子丹三字而來的觀眾，自然是期待着連場激戰，令腎上腺素可以瞬間飆升。但要六十有一的甄子丹回春，重現十多年前《殺破狼》、《導火線》那樣拳拳到肉，從頭打到尾，未免太不現實。武打場面的適可而止，使到文戲敘事顯得更為重要。黃子桓的劇本，成功協助甄子丹完成他導演生涯中，可稱得上是最工整流暢的一齣電影，未有淪為葉問版《毒舌大狀》。「大老爺」許冠文與檢控官甄子丹，短短數分鐘「摸住酒杯底」的唇槍舌劍，你來我往，劍氣縱橫，堪稱是全片最精采的文戲。而要數勁度十足的打鬥，莫過於地鐵車廂內跟大反派喻亢的性命相搏。這場「只分高下，未決生死」的近身格鬥，充分發揮了狹窄空間所產生的侷促感，點燃了死生一髮的爆裂刺激。早有耳聞甄家班旗下的日本武指、特技人、武師人才濟濟。其中谷垣健治資歷最深，腳踏港日兩地影壇；去年破億票房的《九龍城寨》正是出自他手筆。大內貴仁則是另一位優秀指導，武打新鮮人張天賦在他的調教下，一場以一敵眾的街頭打戲表現驚豔。當看到片尾字幕出現十多個日本武師名字，有男有女，不期然產生了一陣莫名感動。甄子丹自《笑太極》出道至今四十年，銀幕前英姿颯爽猶酣戰的日子所剩無幾，「以後你打頭陣，我守尾門」，準備交棒的日子則近在眉睫。戲裏戲外，誰也敵不過歲月不饒人的無情。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

《誤判》一開始係動作警匪片，加入日本動作指導玩，第一身鎗戰動作打機咁，唔係新，不過好睇、刺激！中前段，好快入肉法庭戲，子彈有一種佢自己先係正確嘅上帝上身，用直覺挑戰大法官，似足細路對大人駁咀，本身件事係有趣，不過完全唔啱子彈做！入到肉，以文戲劇情為主，加入唔少人物，似林超賢啲戲劇情+動作。但有啲前事前事後嘅畫面處理得混亂，要睇多一陣先補到腦！呢種講故事就好似係，製作者自己就好清楚，旁觀者睇時會一頭霧水，似導演冇放手俾剪接師處理。《誤判》本身唔係懸疑片，如果導演真係一言堂咁處理，係太自大！子彈全片好多時都拍地鐵站／佢喺地鐵車箱，不過點解鍾意／需要搭，半句冇特別交持過，只係覺得搭咗個境咁真，唔可以嘥拍多啲！子彈西裝骨骨嘅角色造型，其實加多句「香港人唔搭地鐵，搭乜」成個角色即刻立體同貼地好多，不過一個冇搭地鐵多年嘅人，梗係冇！尾段係拍出荷里活級數嘅地鐵車箱打鬥，確係好睇。《誤判》係奇案劇情警匪罪惡動作片，混合原素之多真係當自助餐一樣，鍾意乜自己揀！撈埋一大碟去到結局，原來係一齣樣板戲，直情可以成為正苦宣傳品級數！

法庭戲羊羊入獄前段有文有路+來回拉扯，其實尚算不錯；可惜後面高開低走，係咁講打飛機金句，今時今日香港講法治金句真心尷尬，同場都有觀眾偷笑出聲；所有角色忠奸分明無乜深度、細節亦處理得唔好，好多不明所以嘅鏡頭唔重要可以剪走，最搞笑係安排吳鎮宇無啦啦打場交就泯恩仇，相當之膠劇feel。其實對甄子丹拍戲文方面都無咩要求，今次已經叫收貨，起馬叫有個劇情；武方面始於佢真係老啦，打戲都少左好多，幾場圍揪打嘍囉戰鬥都精彩嘅，不過最終Boss戰就只有種ok啦咁啫，只係地鐵上打比較特別。講起地鐵，係啦知你一個堂堂律政司律師貼地啦，都唔洗特寫咁多個搭地鐵鏡頭吧？同埋運送證人咁重要點解唔搭的士呢？Any肥，打交個Part我個人覺得係好睇過《城寨》但又未到以前《殺破狼》、《導火線》個重震驚我嘅感覺，會翻看無數次。估計《誤判》我都係睇完就算數，錯過亦唔可惜。

起碼我冇訓著⋯⋯⋯⋯