無痛俠

個人覺得套戲是比預期好睇，我會形容套戲好有驚喜，導演去玩無痛這個設計玩得好，他在好多位的執行同調度也好玩得好準，好誇張好血之餘，但也不失應有質感，其中個人最喜歡中段這場有寶貝智多星元素的困獸鬥。而劇本處理上，這套也有驚喜，導演去舖排同處理也是好，可以細緻描寫出主角因父母當日過於保護而令他不懂去感受別人而產生的I型人格，但他同時細緻在一些設計上描繪出他良善同勇氣的一面，而這樣同主線有所匹配，所以這方面上，無疑是有所驚喜。痴·影·夢·藝 X 的專頁 https://www.facebook.com/ckwunmovie/

數年前上映的印度電影《無痛奇俠》，男主角從小的夢想是成為一個頂尖武術高手。由於患有極罕見的「先天性痛覺不敏感症」，這位功夫片超級擁躉，必須非常小心不要咬斷舌頭，以及經常提醒自己飲水。荷李活電影《無痛俠》男主角Nathan Caine（積奎爾飾），跟印度奇俠的最大分別，是他並不熱衷武術，更沒有「拯救世界」的大志向。導致他忿然出手對抗銀行劫匪，純粹是因為戀愛腦蒙蔽了雙眼和理智。況且沒有痛感，並不等同於不會受傷。看着他不斷以令人側目的自殘手段，捨命痛扁一批武力值遠在他之上的惡棍，基本上就是殺敵一萬，自傷九千的恐怖經歷。所以要稱他是一位俠，未免有點小題大做。按個人標準，血腥畫面大致可分為兩類。第一類像《標殺令》、《死侍》等，是令人感覺痛快的血肉橫飛。《無痛俠》則是第二類，導演的態度很簡單，就是要觀眾透過視覺，不斷接收受虐的痛楚訊息，令他們在戲院內坐立不安。以此而論，《無痛俠》絕對達標。星二代積奎爾，近期接連有兩片在香港上畫。他曾在訪問中表示，盡量不會接拍浪漫喜劇，以免外界將他與母親美琪賴恩做比較。《無痛俠》雖然被歸類為動作喜劇，不過男主角冒死營救女友的過程，出來的效果還是浪漫戰勝了噁心。積奎爾遺傳了母親一副人蓄無害的模樣和笑容，不扮演「癡心情長劍」角色，未免也太浪費了。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

整體電影偏向「爽片」，劇情正正常常就算有加入反轉位都唔算特別，頭半個鍾講愛情線同主角「無痛」帶來嘅煩惱都屬於必要劇情，我已經覺得幾好睇。前段嘅鋪排，令「愛」呢種力量更勝無痛呢種能力，無視細菌感染、體力衰退等等，主角演出「心痛」嘅感覺都令人印象深刻。入到全劇打鬥戲份後都好精彩，將主角無痛嘅「異能」放到最大，老實講打鬥唔算太出色但又睇得莫名地暢快，每段打鬥觀眾睇到入心入肺但主角毫無感覺呢種異樣感係全套戲最好睇部分。但又唔似「死侍」般嘅超級英雄片，講明主角凡人之軀非英雄片心態觀看更有感覺。打鬥與打鬥之間加入適量文戲作緩衝，令整套電影收放有餘。當然無痛唔係不死，主角咁搞法唔死都半條片，唔係打幾支腎上線搞得掂囉。如果觀眾們放下「認真撚」心態睇，無視部分不合理劇情，《無痛俠》係一套水準高嘅爆谷片。

Cult 片，有啲位好癲，我合埋左眼，血流成河！斷手斷腳冇難度，有啲核突位真係估佢唔到…有槍戰，有車追逐，有打交，有笑位。消磨時間一流！唯一無嘅係色情場面，通常呢啲片都會錫耐啲，除多啲，呢套無。

<無痛俠> (110mins)福評：本身一開始睇Trailer 以為係Marvel或者DC系列其中一個新人物，好彩唔係，如果唔係實在太爛了！其實呢套電影真係嘥晒，無痛係咪一個優勢定係缺點，其實已經夠講一套120分鐘嘅戲，深層意義其實可以好好討論，好好發揮，不過呢套戲冇；如果主角利用一個大家都好驚痛而佢唔驚，可以做到無痛英雄去拯救世界，觀眾應該有呢個期待所以先入場睇，不過呢套戲冇！咁我都唔係好知道其實睇完呢套戲之後有啲乜嘢得着，故事性不足，非常之荒誕，例如男主角只係見咗女主角幾日就已經情定終身，冒着生命危險勇闖巢穴去救佢，而成班警察完完全全無能，幫唔到手之餘仲要好人當賊辦，其實睇到觀眾忟忟地！還有就係導演完全冇利用無痛俠嘅特殊「功能」或者缺陷去令到呢套戲特技或者異於常人嘅挑戰升級，只係見到好多異於常人嘅殘忍或者忍痛，咁係咪觀眾最想見到嘅嘢呢？我覺得浪費咗呢套可以深入討論而製造話題多多嘅好電影！福分：65分IG: @fuksir_movie

套戲內容唔會令你覺得悶之餘，對白仲十分搞笑，值得去睇吓