狼男

其實開頭兒時同城市一段刪去都可以，然後回到男主角兒時所住之後就開始困獸鬥。將狼的部分換成腦退化症也無分別，中間的為女為妻知道自己的結果而盡力保護先至最難不能不同情！同一場景受感染與正常人的感觀切換得幾奇妙。言語溝通不能，依然有想保護對方之心。漸進式失去人類理智，開始明白爸爸不再是曾經所識的人，反倒是最尾阿女最「狠心」，好矛盾地不想最親繼續受苦。頭尾樹屋呼應又不太特別，是否暗示當年的狼人也曾是最親？男主角所住圍繞咩樹都無其實都幾難頂，斷網的話可能留幾日都發癲，更何況要住整個暑假。爸爸住幾十年都無事，間屋保安其實無問題，只是男主角等不到天光。咬自己肢體兩段，如果補回狼人視角或者想法就更好。可能女主角有記者背景，怪不得對老公變成狼人仍非常之「客觀」。

頭段父子對付狼男，尾段歷史重演，呀女嘅能力都用得上，幾正。不過中段就有d悶，尤其係佢地入屋匿埋但未開始戰鬥果段。故事亦比較普通，但狼男視角特效幾得意。4.2/5 （84分）

父子情仇一直係西方文學、社會學、哲學等範疇嘅熱門研究課題，希臘神話甚至有弑父娶母嘅故事。哩套父親努力保護子女而做出種種極端行為，反而令子女於成長中留下終身不滅嘅陰影，想講乜？好心做壞事不如順其自然，天生天養，所有生命都會找到自己要走嘅路（《侏羅紀公園》教嘅道理，邊個話普及文化冇教育意義㗎？）電影小本製作，希望能夠刀仔鋸大樹🌳啦！三位主要演員演出到位，但冇一個噏得出個名，深山小屋，荒山野嶺，慳水慳力，不過氣氛營造高水準，省去化妝、茄汁同CG，但效果令人滿意，對白好少，靜默中滲出緊張，推進流暢冇乜悶場，最緊要慳返口水冇說教懶係嘢故作高深！

故事性唔強，都係鋪排一下然後追殺+逃生過程then完場。冇乜特別亮點同觀後記憶點，較欣賞角色視點轉換表達手法。整體流暢完整，合格有餘，驚嚇度就一般。近期冇呢類片，一看亦無妨。

驚慄效果不俗，唯情節未免過於平舖直述，扣了些許分數。

★20/1晚睇咗🇺🇸美國驚慄片《狼男》（Wolf Man)(2025),屬1941年同名電影的重啟版。電影講述男主角(Christopher Abbott飾)與工作狂📝記者妻子（Julia Garner飾）關係變淡,趁父親失蹤多年假設已死亡後,與妻女回到童年森林中小屋度假修補關係。男主角駕車途中未到小屋已被神秘猛獸襲擊而生受重傷,他/她們被困在屋內不敢外出,隨著夜幕降臨,他的身體產生奇怪變異,逐漸怪物化...................★睇完後首先要讚的係《狼男》由🇺🇸《隱形客》(The Invisible Man)(2020)導演執導的確係高手,對白不多,氣氛營造十分出色。👍🏼尤其下半場戲,他利用環境慢慢滲透出強烈的恐懼感,深山🏡舊屋陰森恐怖與怪物的追逐戰製造出😲驚心動魄的效果,有😯驚嚇位,🔉🔊音響效果&官能刺激十分出色❗另外圖套片有些似經典恐怖片🇺🇸《變形人魔》（1986）,人狼的化妝相當不錯少用CG❗👍🏼👍🏼👍🏼👍🏼👍🏼不過要彈的係劇本較弱,故事十分單薄,上半場節奏慢,有不少位冇交代來龍去脈⁉️😑🙄🤔★🇺🇸男主角Christopher Abbott飾演作家屬三線演員好熟口面,但外形普通欠星味！🇺🇸女主角Julia Garner飾演📝記者比較陌生,兩人演技中規中矩,她的設定頗有趣,老公受傷感染後不見得緊張表情奇怪⁉️🙄🤔不過他扮演強悍母親為救👧🏼愛女不惜大開殺戒,配合近來🇺🇸荷李活標榜女權至上；而演👧🏼女兒的童星幾可愛❗💪🏼🤩★喜歡睇此類片的朋友可以入場一看,值8️⃣8️⃣分❗👍🏼👍🏼👍🏼👍🏼