曾經擁有

我會講，這套是他背後的意義大於他的質素。講真，如果講質素來講，他是屬不堪入目，好多位的處理好幼稚，很多故事位有頭無尾，但他背後這份對港產片文化的熱誠意義卻可掩蓋他質素上的不堪。我會形容這套在港產片當下陷於水深火熱邊緣時上，特別有其意義，因為這套中所描繪這份對港產片文化的熱愛，正正是我們作為香港影迷去守護港產片同港式戲院所需要的精神。#香港觀眾應撐香港電影痴·影·夢·藝 X 的專頁 https://www.facebook.com/ckwunmovie/

題材頗為吸引，實際成品算是還可以。一個出名影評博客可以改變大家入場意慾，未有KOL這個字詞之前都有類似概念，批評也可當另類宣傳。戲劣其車好平常，反而好似戲中投資者如何將這個劣勢再度把握。廖子妤是演得幾得意，奇怪的麻甩有色眼鏡一來就令人記住。當知道有人記得自己，記得因編劇留名而脫下眼鏡一瞬間最有感覺。明明想借對方交功課，卻不料眼前人是自己的伯樂。第二次脫下是結尾尋人影片，決定是為對方也為自己！話雖是考古出土，還好成品不是畫面上降質。男主角前鋪後居的樓上屋中擺設是眼前一亮。海報牆間，兩人坐在猶如私人影院的舊式戲院椅，如果再貼首映飛在各張光碟背面的手寫備註就更好。此戲最初就應該並非為了記錄街頭情況，但事過景遷戲中吳少金踩單車一場，尖東一帶現今就吉鋪連連或教人唏噓。戲中的《電影驅魔人》其實幾有趣，如果真的有一套講做假票房的電影，或者記錄片可能都有捧場客？而提及到雙王導演的高質定量產的問題，試多錯多被人罵一定會有套適合市場，好過過度調配資源在遲遲不能回本的貨上。其他角色就蜻蜓點水，周國賢兩公婆像對電影同對男主角一樣有情有義，是個負擔但依然盡力照顧。肥腸助手如何何辭工去幫女主角，同她不止手足之情。男主角約那位女神到最後也無解釋為何印象深刻，是初戀定是失約了？

估唔到一套 2017 年拍嘅戲 要等到 7年後先上映，期待已久終於有得睇，都幾有娛樂性，戲入面 7年前存在嘅事和物好多都變咗 甚至消失，所以真係。。。珍惜現在 曾經擁有

3.8⭐小本製作，冇精緻美術，亦有不合理情節，但可以接受，整過觀映過程冇悶場，亦有會心微笑場口。最吸引我係故事題材，由其對於我呢啲鍾意睇戲又會發下牙痕網上留下影評嘅無謂人更加有啲共鳴。聲明...我唔係劣評小王子，亦唔係五星打手。😄我冇攪錯的話，姜皓文同Fish都係第一次擔正，而Fish更加係新演員，呢個組合都幾新鮮，兩人演出當年亦合格有餘。電影亦有一啲向港產片致敬位，亦有提及一啲香港八、九年代香港電影嘅人、事、物，而電影亦於碩果僅存嘅舊式戲院 - 紅磡寶石戲院拍攝，令電影加添一份情懷。整體輕輕鬆鬆，亦有製作誠意，值得一看。

講笑~但講真對我地喜歡戲院喜歡看電影的人幾有共鳴，我係希望香港電影業好，希望多d人去戲院睇戲~而即使唔係影迷都推薦入場，男主角嘅情況幾容易共情到，女主角個形象完全唔認得係廖子妤~故事正，結局仲有d窩心~4.6/5 （91分）

香港電影觀眾曾經叫做「影迷」，「曾經擁有」港產片港產片「曾經擁有」龐大數量嘅香港觀眾曾經不論王晶還是王家衛 不論雅俗 不論純商業還是奪獎電影都賣個滿堂紅 買飛要打蛇餅 甚至可以炒黃牛那時製作經年 還是七日鮮 曲高和寡還是低級趣味似我這種影迷全部有殺錯冇放過 東方荷里活粗製濫造 太大量了睇唔晒唔緊要 無暇入戲院就租碟睇甚至幫襯啲不停播港產片嘅餐廳 用漏網之魚撈飯所以對哩套電影入面嘅吳少金 我可以話感同身受哩齣倉底貨等咗差唔多8年終於可以上映姜皓文2017年已經係黑仔 演得最好廖子妤八年前演技仍然好稚嫩 今日已刮目相看可能唔怪得佢 因為電影係小本製作 冇時間冇錢去俾佢演到好為止電影故事好碎好散 有心但唔算係認真製作 有好多可以改善嘅空間八年前哩套戲排唔到期上映 因為當時電影市道冇今日咁蕭條喺今日冇晒影視會 冇晒專播港產片嘅餐廳 戲院執笠潮浪接浪連王晶同王家衛都北上搵人仔 一個拍爛金庸嘅武俠小說 一個喺上海拍電視劇《繁花》我哋香港戲迷失去咗好多好多睇電影時唏噓 嘆息 懊惱 今日上映正好為港產片送上一闕輓歌雖然以後仍然會有聲稱係「港產片」嘅電影 但其實都係合拍片港味變咗土味 笑料變得低級 創意喺審查嚴格下所餘無幾我都唔再係逢港產片必睇 唔再一日睇三四場 唔再喺戲院之間喪跑冇咁多好戲 戲院疏落距離好遠 要走好遠至趕到第二間另一齣下一場而且已經冇趕下一場嘅必要、價值、體力同興致哩齣電影八年前已預告咗今日觀眾要陪電影業一齊傷逝 傷逝 傷逝點解？黑仔最後一句對白好精彩望住假嘅替身嘅余可欣「我係（早發性）老人痴呆症，我冇記性啫，但智商冇問題喎」意思係香港觀眾或者會唔記得港產片黃金時代嘅高度但今日未蠢到你拍套爛片 或似是而非嘅港產片 都呃到佢哋（入場）哩個結尾正呀 意在言外 餘韻無窮