末世綠洲2：絕地遷徙

低成本災難片。故事本身唔吸引，堆堆砌砌，但堆砌得嚟沉悶，沉悶得嚟唔合邏輯，可以講有啲爛。末日世界觀又係唔合邏輯，事事但但，欠真實感，觀眾難以投入。角色設定平板冇層次，演技亦未到位。電影整體欠高低起伏，沉悶非常。整體同第一集一樣不濟，kill time 都嫌佢無謂，要 kill time 98分鐘時間行旺角都過得快過睇佢。PS.• 第一個感覺像好似睇"28年後"咁，另類喪屍片。而呢套係另類末世災難片。電影同期望有好大落差。• 喺果個物資極度短缺嘅末日世界中，主角一家去到邊都遇到好人照顧、提供住宿，重要送埋寶貴又稀有嘅物資幫助 (包括車同軍火)...咪玩啦！太平盛世都未必會咁慷慨啦！• 條吊橋咁單薄都重要咁多人一齊過，點唔得你死呀～～• 冇邏輯/堆砌/白痴位太多，一言難盡• 感覺而家啲電影唔過100分鐘都好似有啲伏味

對比佢以往見晒血的爽片，呢套佢似汗都冇出過一滴。佢個樣就凶狠，但今次角色含得L•冇乜高朝位，每個關卡位，無里頭又過一關，下一關好似有危機，又無里頭過，個編劇好似冇乜heart喎。吾係謝拉畢拿，呢套應該係C 級故事，我不嬲睇戲盡量吾駁故，最後個結尾有啲爛。絶對吾算爽片，如會課金入場，呢套絶對不是首選推介。徐非你真係好需要攝時間。

文戲偏悶，只有各種逃亡同動作場面好睇。尤其是結尾個特效超靚。4.4/5 （87分）

當初要避開的地方反而是最安全之地。公路版桃花源記作為，如同戰地記者身同感受，排山倒海的危機自然就彈來，數量取勝算是。預告都大致涵蓋大部分特效。植入式賣車的廣告比起老是常出現的隕石要多。大致將上集劇情再演多次，所以忘記或不知上集的都照攝無礙。　　第一集劇情簡單就是有災難級的隕石，滿墜碎片然後男主角就帶舉家跑進避難所。但好境不常今集真灰：食物庫存見底，再加災民湧入，再再加越來越差環境。此地都不宜久留，又有五十五十機會的新地方。又要作出選擇，唯有一家三口踏出出去，不得不公路生存救生。　　出發之後，上架浮生艇好彩全家，其他人就放飯。講明要遷徒，人人都要不停搬家。撞到障礙物原來才驚覺其實是屋頂。一路上都貴人相助，即使家庭倫理執爭執斷。好人援手，一眼就知主家一家非壞人。　　撐到去醫院見做護士外婆，每日都點著聖誕樹，默默照顧成班腦退化病人。之後就集中男主角一家驅車。鬆一鬆，順便睇睇其他人在末日下如何偷生。　　梯搭過後，快到尾又換車駛到法國的郵局，得知目的地附近有打仗再加人前往。重點是法國靚仔士兵，親身帶到去入坑，整傷阿爸趕收工。　　男主角勉強見到這個新的綠洲，還好這個坑沒有坑人！有這種好丈夫好爸爸真的無憾，火山口前忍血收工。整體不算緊張，所謂天價成本，特效卻無突出。

前排入戲院看到預告片覺得不錯，但當想到是電影續集便想找第一集打個底，結果上網查看才發現自己原來2020年有看過！翻看當年自己寫的觀後感以及預告片後終於有點印象。看完續集後第一個感覺是電影再次製作出一段出色的預告片，但睇晒套戲就唔掂囉～本身電影故事及背景設定是吸引的，可惜劇情發展完全欠缺說服力。主角一家離開地底生活要去尋找綠洲，一路上迎接不同難關，由逃離基地上救生艇到穿越戰地，其他人的命就是比較廉價嗎？主角一家沒甚麼過人之處，純粹靠光環活下來。而且每個關卡也遇到貴人相助，在末世資源緊絀，戰火紛飛，還有人聽幾句就願意提供食物，借宿，汽車，甚至帶路穿過危險之地？！實在難以理解！再說這個地球最後的綠洲是任何人都能去的嗎？是不會人口過盛？成件事根本無邏輯可言，難以令觀眾信服。電影一直看主角闖關，所有困難輕易解決，純粹看一下視覺特效，緊張刺激場面不到肉，整體娛樂性一般，沒什麼可取之處。觀影平台: Cinema City 柴灣 IG: AndyMyFilmography/ #AndyMovieReview

大難當前，人性泯滅，唔OMG得咁多